Connect with us

ព័ត៌មានអន្ដរជាតិ

មេដឹក​នាំ​អង់គ្លេស​ប្តេជ្ញា​ជំរុញ​ចាក់​វ៉ាក់សាំង​ពិភព​លោក​ត្រឹមបំណាច់​ឆ្នាំ​២០២២​

បានផុស

នៅ

លោក​នាយក​រដ្ឋ​មន្ត្រី​អង់គ្លេស Boris Johnson នឹង​ជំរុញ​ឲ្យ​មេ​ដឹក​នាំ​នៃ​ប្រទេស​អ្នក​មាន G7 ​​ប្តេជ្ញា​ចិត្ត​ផ្តល់​វ៉ាក់សាំង​ដល់​ពិភព​លោក​ដើម្បី​កម្ចាត់​ជំងឺ​កូវីដ-១៩​ឲ្យ​បាននូវ​បំណាច់​ឆ្នាំ​២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​នឹង​ទទួល​ភ្ញៀវ​ល្បី​ៗ​​ក្នុង​កិច្ច​ប្រជុំ​កំពូល​នៃ​បណ្តា​ប្រទេស​អ្នក​មាន​ G7 ដែល​គ្រោង​នឹង​ចាប់​ផ្តើម​នា​ថ្ងៃ​សុក្រ​សប្តាហ៍​នេះ។

សហរដ្ឋ​អាមេរិក អាល្លឺម៉ង់ អ៊ីតាលី និង​ជប៉ុន​បាន​និយាយ​ថា តើ​​​​​វ៉ាក់សាំងប៉ុន្មាន​ដូស​​​​​ដែល​ពួក​គេ​នឹង​បរិច្ចាគ​​ទៅ​ដល់​កម្មវិធី​ចែក​វ៉ាក់សាំង​សកល Covax។ ប៉ុន្តែ​ចក្រភព​អង់គ្លេស និង​កាណាដាមិន​ទាន់​បាន​បង្ហាញ​ពី​ចំនួន​ដែល​ពួក​គេ​គ្រោង​បរិច្ចាគ​ទេ។

លោក Johnson ចាក់វ៉ាក់សាំង

មុន​កិច្ច​ប្រជុំ​កំពូល​មហាអំណាច G7 មក​ដល់​ដែល​គ្រោង​ធ្វើ​នៅ Cornwall នា​ថ្ងៃ​សុក្រ​​នេះ លោក​នាយករដ្ឋ​មន្ត្រី​អង់គ្លេស Johnson ក្នុង​នាម​ជា​ម្ចាស់​ផ្ទះ​បាន​និយាយមុន​ថា លោក​នឹង​ស្នើ​សុំ​សមភាគី​នៅ​កិច្ច​ប្រជុំកំពូល G7 ដើម្បី«​លើក​ឡើង​ពី​បញ្ហា​ប្រឈម​ដ៏​អាក្រក់​នៃ​សម័យ​កាល​ក្រោយ​សង្គ្រាម​»​ដោយការ​ចាក់​វ៉ាក់សាំង​ដល់​ពិភព​លោកនូវ​បំណាច់​ឆ្នាំ​ក្រោយ ប៉ុន្តែ​លោក​មិន​បាន​បង្ហាញ​ជាក់​លាក់​ពីមូលនិធិ​ ឬ​ការ​ចែក​រំលែក​វ៉ាក់សាំង​ឡើយ។

លោកបញ្ជាក់​ថា សមិទ្ធផល​បែប​នេះ​នឹងក្លាយ​ជា​ភាព​អស្ចារ្យ​បំផុត​តែ​មួយ​គត់​នៅ​ក្នុង​ប្រវត្តិ​សាស្ត្រវេជ្ជសាស្ត្រ។

កិច្ច​ប្រជុំកំពូល​នេះ​នឹង​ក្លាយ​ជា​ការ​ជួប​គ្នា​ផ្ទាល់​លើក​ដំបូង​របស់​មេ​ដឹក​នាំ​ G7 ចាប់​តាំង​ពីការ​ផ្ទុះ​កូវីដ-១៩​មក ហើយនេះ​ជា​ដំណើរ​ទស្សនកិច្ច​លើក​ដំបូង​របស់​លោក​ប្រធានាធិបតី​សហរដ្ឋ​អាមេរិក ចូ បៃដិន ទៅ​កាន់​ចក្រភព​អង់គ្លេស​ចាប់​តាំង​ពី​លោក​ឡើង​កាន់​អំណាច។

មុន​ពេល​កិច្ច​ប្រជុំ​កំពូល​មក​ដល់ អតីត​មេ​ដឹក​នាំ​​លេច​ធ្លោ​រាប់​រយ​នាក់​ដូច​ជា អតីត​នាយក​រដ្ឋ​មន្ត្រី ប្រធានាធិបតី និង​រដ្ឋ​មន្ត្រី​ការ​បរទេស​​​ក្នុង​ចំណោម​​២៣០​នាក់​បាន​កំពុង​អំពាវ​នាវ​ឲ្យ​មេដឹក​នៃ​ប្រទេស​អ្នក​មាន​ G7 ត្រូវ​ចំណាយ​ប្រាក់​​ពីរ​ភាគ​បី​នៃ​ប្រាក់​៦៦ប៊ីលាន​ដុល្លារ​អាមេរិក​​ដើម្បី​ជួយ​វ៉ាក់សាំង​ដល់​ប្រទេស​​ចំណូល​ទាប​​ក្នុង​ការ​​ប្រយុទ្ធ​នឹង​កូវីដ-១៩។

​ក្នុង​លិខិតចុះ​ហត្ថលេខា​​មួយ​បាន​ធ្វើ​ការ​ព្រមាន​ថា មេ​ដឹក​នាំ​របស់​ចក្រភព​អង់គ្លេ សហរដ្ឋ​អាមេរិក បារាំង អាល្លឺម៉ង់ អ៉ីតាលី ជប៉ុន និង​កាណាដា​ត្រូវ​​​តែ​ប្រែ​ក្លាយ​​ឆ្នាំ​២០២១​​ជា​«​ឆ្នាំ​កិច្ច​សហ​ប្រតិបត្តិការសកល​»។ ប្រជា​ជន​តិច​ជាង​២%​​ប៉ុណ្ណោះ​នៅ​​អនុតំបន់សាហារ៉ា​នៃ​អាហ្វ្រិកបាន​ចាក់​វ៉ាក់សាំង​ការពារកូវីដ-១៩ ខណៈ​ចក្រភព​អង់គ្លេស​ឥឡូវ​នេះ​ចាក់​ដល់​ប្រជា​ជន​របស់​ខ្លួន​​ ​ហោច​ណាស់​បាន​១​ដូស​ដល់​ទី​៧០​%​ហើយ​។

ការ​អំពាវ​នាវ​នាវ​នេះ​បាន​ធ្វើ​ឡើង​នៅ​ពេល​លោក​នាយក​រដ្ឋ​មន្ត្រី​អង់គ្លេស Johnson បាន​​ប្រឈម​នឹងការ​បះ​បោរ​ពី​សមាជិក​សភា​រាប់​សិប​នាក់​ជុំ​វិញ​ការ​​កាត់​បន្ថយ​ថវិកា​​ជំនួយបរទេស​​ដែល​ជះ​ឥទ្ធិពល​ដល់​ប្រទេស​ក្រី​ក្រ និង​គម្រោង​ស្រាវជ្រាវ​កូវីដ-១៩។

ក្នុង​ចំណោម​ហត្ថលេខានៅ​លើ​លិខិត​វ៉ាក់សាំង​នោះ​មាន​លោក Gordon Brown និង​លោក Tony Blair ជា​ដើម។ លោក Brown បាន​និយាយ​ថា សំណើរ​គួរ​តែ​​ប្រហែល​ជា​៤២​ដុល្លារ​អាមេរិក សម្រាប់​មនុស្ស​ម្នាក់​ក្នុង​មួយ​សប្តាហ៍​នៅ​ចក្រភព​អង់គ្លេស«សម្រាប់​ការ​គោល​នយោបាយ​ធានា​រ៉ាប់​រង​ល្អ​បំផុត​ក្នុង​ពិភព​លោក»។

លោក Gordon Brown និង​លោក Tony Blair

ហត្ថលេខាឥស្សរជន​លេច​ធ្លោ​ផ្សេង​ទៀត​មាន​ដូច​ជា​​អតីត​អគ្គលេខាធិការ​អង្គការ​សហ​ប្រជា​ជាតិ​លោក Ban-Ki Moon អតីត​ប្រធានាធិបតី​អៀរឡង់លោក Mary Robinson ព្រម​ទាំង​អតីត​មេ​ដឹក​នាំ​អាហ្វ្រិក​១៥​នាក់​រួម​មាន​លោក​ប្រធានាធិបតី Olusegun Obasanjo របស់​ប្រទេស​នីហ្សេរីយ៉ា លោក John Mahama ពី​ប្រទេសហ្គាណា និង​លោក FW de Klerk ពី​អាហ្វ្រិក​ខាង​ត្បូង​។

ជា​មួយ​គ្នា​នេះ​ ក៏​មាន​​អតីត​រដ្ឋ​មន្ត្រី​អភិវឌ្ឍ​ក្រៅ​ប្រទេស​របស់​ចក្រ​ភព​អង់គ្លេស​លោកស្រី​ Lynda Chalker,​ស្ថាបនិកក្រុម​ហ៊ុន Virgin លោក Sir Richard Branson, ប្រធាន​អង្គការ Wellcome Trust លោក Jeremy Farrar, ម្ចាស់​ពាន​រង្វាន់​ណូបែលផ្នែក​សេដ្ឋកិច្ច​លោក Bengt Holmström និង​សេដ្ឋកិច្ច​វិទូ Lord O’Neill ជា​ដើម។

ពួក​គាត់​បាន​និយាយ​ថា ៖«​ឆ្នាំ​២០២០​បាន​ឃើញ​ស្រាប់​ហើយ​គឺ​​បរាជ័យ​នៃ​កិច្ច​សហ​ប្រតិបត្តិការ​សកល តែ​ឆ្នាំ​២០២១​នេះ​អាច​ឈាន​ចូល​យុគសម័យ​ថ្មី​មួយ។ គ្មាន​នរណា​ម្នាក់​នៅ​កន្លែង​ណា​មួយ​មាន​សុវត្ថិភាព​ពី​កូវីដ-១៩​ទេ​ បើ​អ្នក​រាល់​គ្នា​គ្មាន​សុវត្ថិភាព​គ្រប់​ទី​កន្លែង​នោះ»។

ពួក​គាត់​ថា ៖«ការ​គាំទ្រ​ពី​ប្រទេស​មហា​អំណាច​ G7 និង​ G20 ដែល​អាច​បង្កើត​វ៉ាក់សាំង​ចូល​ទៅ​ដល់​បណ្តា​ប្រទេស​ដែល​មាន​ចំណូល​ទាប និង​មធ្យម​គឺ​មិន​គ្រាន់​តែ​ជា​សប្បុរស​ធម៌​ប៉ុណ្ណោះ​ទេ ប៉ុន្តែ​​ផ្ទុយ​ទៅ​វិញ​គឺ​​ដើម្បី​ផល​ប្រយោជន៍​ជា​យុទ្ធសាស្ត្រ​របស់​ប្រទេស​នីមួយ​ៗ ហើយ​ដូច​ជា​ការ​លើក​ឡើង​របស់​មូលនិធិ​រូបិយប័ណ្ណ​អន្តរជាតិ​គឺ​ជា​ការ​វិនិយោគសាធារណៈ​ល្អ​បំផុត​ក្នុង​ប្រវត្តិ​សាស្ត្រ»៕

ប្រែ​សម្រួល៖ វីរបុត្រ
ប្រភព៖ theguardian

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ១២ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ១៣ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ១៣ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម១៣ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម