ព័ត៌មានអន្ដរជាតិ
អ្នកការទូតអង់គ្លេសប្រចាំនៅចិន ក្លាយជាវីរៈបុរស បន្ទាប់ពីជួយសង្គ្រោះក្មេងស្រីលង់ទឹក (មានវីដេអូ)
អ្នកការទូតអង់គ្លេសម្នាក់បានក្លាយជាវីរៈបុរសនៅក្នុងប្រទេសចិន បន្ទាប់ពីវីដេអូដែលគាត់បានជួយសង្គ្រោះសិស្សសាលាលង់ទឹកពីទឹកទន្លេមានអ្នកទស្សនារាប់សិបលាននាក់លើបណ្តាញសង្គម ។
បេសកកម្មរបស់អង់គ្លេសនៅទីក្រុង Chongqing បាននិយាយកាលពីថ្ងៃចន្ទថា កាលពីចុងសប្ដាហ៍អគ្គកុងស៊ុលលោក Stephen Ellison បានលោតចូលក្នុងទឹកដើម្បីជួយសង្គ្រោះក្មេងស្រីម្នាក់ដែលបានធ្លាក់ចូលទឹកទន្លេឆ្លងកាត់ទីក្រុងទេសចរណ៍ក្បែរនោះ ។

នៅលើទំព័រ Weibo ផ្លូវការរបស់ស្ថានកុងស៊ុលបាននិយាយថា “ដោយសារតែការជួយសង្គ្រោះទាន់ពេលវេលាក្មេងស្រីនោះអាចដកដង្ហើម និងដឹងខ្លួនឡើងវិញ” ។ លោក Ellison អាយុ ៦១ ឆ្នាំបានទៅលេងទីក្រុងនោះកាលពីថ្ងៃសៅរ៍ នៅពេលគាត់បានឮសម្លេងយំពីហ្វូងមនុស្ស ខណៈក្មេងស្រីនោះបានរអិលធ្លាក់ចូលទឹក ។
ខ្សែវីដេអូដែលចែករំលែកដោយស្ថានកុងស៊ុល និងប្រព័ន្ធផ្សព្វផ្សាយចិនជាច្រើនបានបង្ហាញថា លោក Ellison ដែលជាអ្នកជំនាញខាងកីឡាទ្រីយ៉ាថ្លុងបានអូសក្មេងស្រីនោះទៅកាន់ពោងដែលទម្លាក់ពីលើច្រាំងទន្លេ មុនពេលពួកគេទាំងពីរបានទៅដល់ច្រាំង ។

វីដេអូរបស់អគ្គកុងស៊ុលអង់គ្លេសនៅទីក្រុង Chongqing ជួយសង្គ្រោះសិស្សស្រីដែលរអិលធ្លាក់ចូលក្នុងទឹកទទួលបានការទស្សនាជិត ៤០ លាននាក់នៅលើគេហទំព័រ Weibo កាលពីល្ងាចថ្ងៃចន្ទ ខណៈព័ត៌មានអំពីភាពក្លាហានរបស់លោក Ellison ក៏កំពុងល្បីល្បាញលើបណ្ដាញសង្គមផ្សេងទៀតផងដែរ ។
គួរបញ្ជាក់ថា លោក Ellison បានចូលកាន់មុខតំណែងនេះកាលពីខែមិថុនា បន្ទាប់ពីបានបម្រើការជាអ្នកការទូតជាន់ខ្ពស់នៅស្ថានទូតអង់គ្លេសប្រចាំទីក្រុងប៉េកាំងចាប់តាំងពីឆ្នាំ ២០១៤ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ហួសចិត្ត! សត្វខ្លាឃ្មុំមួយក្បាលត្រូវយន្តហោះបុកស្លាប់

-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៥ ថ្ងៃ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ២ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ២ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានជាតិ៦ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៥ ថ្ងៃ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
សន្តិសុខសង្គម១ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
-
ព័ត៌មានអន្ដរជាតិ២ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ