ព័ត៌មានជាតិ
តើអ្វីទៅជា «ភារធារី» ហើយមានតួនាទីអ្វីនៅក្នុងវិស័យការទូត ?
ឯកអគ្គរដ្ឋទូត ឬ ឯកអគ្គរាជទូត គឺជាអ្នកតំណាងខាងការទូតរបស់រដ្ឋមួយប្រចាំនៅបរទេសដែលមានលំដាប់មុខតំណែងខ្ពស់ជាងគេ។ ឯកអគ្គរាជទូត សំដៅលើអ្នកតំណាងប្រទេសទាំងឡាយណាដែលមានព្រះមហាក្សត្រគ្រងរាជ្យ និងឯកអគ្គរដ្ឋទូត សំដៅលើអ្នកតំណាងប្រទេសទាំងឡាយណាដឹកនាំដោយរបបប្រធានាធិបតី។
ក្រៅពីឯកអគ្គរដ្ឋទូត ឬ ឯកអគ្គរាជទូត គឺមាន «ភារធារី» មួយទៀត ដែលជាមន្ត្រីតំណាងខាងការទូតប្រចាំនៅបរទេស។ តើ «ភារធារី» សំដៅលើអ្នកណា ហើយមានតួនាទីអ្វីខ្លះនៅក្នុងកិច្ចការការទូត?
«ភារធារី» គឺជាប្រមុខបេសកកម្មការទូត មានថ្នាក់ទាប ដែលជាមន្ត្រីការទូតតំណាងនៅបរទេសមានកម្រិតក្រោមស្ថានឯកអគ្គរាជទូត ឬស្ថានឯកអគ្គរដ្ឋទូត។ ផ្អែកតាមឋានានុក្រម ភារធារី នៅលេខរៀងទី៤ បន្ទាប់ពីលេខរៀងទី១ ឯកអគ្គរាជទូត ឬ ឯកអគ្គរដ្ឋទូតវិសាមញ្ញ និងពេញសមត្ថភាព ទី២ តំណាងអចិន្ត្រៃយ៍ និងទី៣ អនុតំណាងអចិន្ត្រៃយ៍។
ភារធារី មានពីរថ្នាក់ គឺទី១ ភារធារីពេញឋានៈ និងទី២ ភារធារីស្តីទី។ ភារធារីពេញឋានៈ ជាប្រមុខបេសកកម្មត្រូវតែងតាំងជាអចិន្ត្រៃយ៍ ដោយរដ្ឋបញ្ចូនទៅប្រចាំនៅបរទេស ប៉ុន្តែនៅក្រោមកម្រិតឯកអគ្គរាជទូត ឬ ឯកអគ្គរដ្ឋទូត។ ភារធារីពេញឋានៈ ត្រូវតែងតាំងដោយសារតាំង ដោយរដ្ឋមន្ត្រីការបរទេស ហើយដឹកនាំស្ថានបេសកកម្មដែលមានទំនាក់ទំនងការទូត តែមិនដល់កម្រិតស្ថានទូត។
សម្រាប់ភារធារីស្តីទី គឺជាប្រមុខបេសកកម្ម នៅពេលតំណែងប្រមុខបេសកកម្មនៅទំនេរ ឬមិនអាចបំពេញភារកិច្ចរបស់ខ្លួនបានជាបណ្តោះអាសន្ន។ ការតែងតាំងភារធារីស្តីទី គឺស្ថានទូតចេញកំណត់ទូតជូនដំណឹងទៅរដ្ឋមន្ត្រីការបរទេសរដ្ឋម្ចាស់ផ្ទះ៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)