ព័ត៌មានអន្ដរជាតិ

លោក ពូទីន ឆ្លៀតសរសើរលោក ចូ បៃដិន មុនជួបគ្នាថ្ងៃពុធ

បានផុស

១២ ខែ មុន

នៅ

ថ្ងៃសៅរ៍ ១២ មិថុនា ២០២១

ដោយ

លោកប្រធានាធិបតីរុស្ស៊ី វ្លាឌីមៀរ ពូទីន បានសរសើរលោកប្រធានាធិបតីថ្មីសហរដ្ឋអាមេរិក ចូ បៃដិន មុនពេលជំនួបកំពូលរបស់អ្នកទាំងពីរគ្រោងនឹងធ្វើនៅសប្តាហ៍ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបទសម្ភាសជាមួយសារព័ត៌មាន NBC នៅថ្ងៃសុក្រ ទី១១ ខែមិថុនា លោក ពូទីន បានបង្ហាញក្តីសង្ឃឹមលើលោកប្រធានាធិបតី ចូ បៃដិន ថានឹងធ្វើអ្វីដោយមានការគិតពិចារណាល្អិតល្អន់ជាងអតីតប្រធានាធិបតី ដូណាល់ ត្រាំ។

លោក ពូទីន បានចាត់ទុកលោក បៃដិន ជា«បុរសអាជីព»ម្នាក់ដែលបានចំណាយពេលមួយជីវិតនៅក្នុងរឿងនយោបាយ បន្ទាប់ពីលោក ត្រាំ ពណ៌ចម្រុះ។

រូបថត ជួបគ្នាកាលពីឆ្នាំ២០១១ លោក ចូ បៃដិន ជាអនុប្រធានាធិបតី និងលោក ពូទីន ជានាយករដ្ឋមន្ត្រី

លោកមានប្រសាសន៍ថា ៖«វាជាក្កីសង្ឃឹមដ៏ធំរបស់ខ្ញុំ បាទ មានគុណសម្បត្តិខ្លះ គុណវិបត្តិខ្លះ ប៉ុន្តែនឹងមិនមានចលនាផ្អែកលើអ្វីដែលមិនល្អិតល្អន់ក្នុងនាមជាប្រធានាធិបតីអាមេរិកដែលត្រូវអង្គុយជាមួយនោះទេ»។

លោកប្រធានាធិបតីអាមេរិក ចូ បៃដិន គ្រោងនឹងលើកឡើងនូវបញ្ហាអាមេរិកជាច្រើន ដូចជាការជ្រៀតជ្រែកក្នុងការបោះឆ្នោតរបស់រុស្ស៊ីដោយចេតនា នៅពេលលោកត្រូវជួបលោក ពូទីន នាថ្ងៃពុធខាងមុខនេះនៅទីក្រុងហ្សឺណែវដែលជាចុងបញ្ចប់នៃដំណើរទស្សនកិច្ចក្រៅប្រទេសលើកដំបូងរបស់លោកក្នុងនាមជាប្រធានាធិបតីអាមេរិក។

លោក ពូទីន ទទួលស្គាល់ដោយបើកចំហរថា ក្នុងការបោះឆ្នោតឆ្នាំ២០១៦ លោកបានគាំទ្រលោក ដូណាល់ ត្រាំ ដែលបានសម្តែងការកោតសរសើរចំពោះមេដឹកនាំរុស្ស៊ី និងជាបុគ្គលល្បីល្បាញនៅក្នុងជំនួបកំពូលរបស់ពួកគាត់ដែលពេលនោះ លោក ត្រាំ ហាក់ដូចទទួលយកនូវការបដិសេធនៃការជ្រៀតជ្រែកក្នុងរឿងបោះឆ្នោត។

លោក ចូ បៃដិន មានប្រសាសន៍ថា លោកមិនស្ថិតក្រោមការបំភាន់របស់លោក ពូទីន ទេ និងចាត់ទុកមេដឹកនាំរុស្ស៊ីនេះជា«ឃាតក»នៅក្នុងពន្លឺនៃការស្លាប់បុគ្គលល្បីៗជាស៊េរី រាប់បញ្ចូលទាំងអ្នករិះគន់រដ្ឋាភិបាលវិមានក្រឹមឡាំងលោក Boris Nemtsov ផង។