ព័ត៌មានអន្ដរជាតិ
អ្នកជំនាញ WHO នឹងទៅជួយវៀតណាមផលិតវ៉ាក់សាំងកូវីដ
កាលពីថ្ងៃព្រហស្បតិ៍ អង្គការសុខភាពពិភពលោក (WHO) និយាយថា ខ្លួននឹងបញ្ជូនអ្នកជំនាញរបស់ខ្លួនទៅប្រទេសវៀតណាមដើម្បីជួយជ្រោមជ្រែងក្នុងការស្រាវជ្រាវ និងផលិតវ៉ាក់សាំងបង្ការកូវីដ-១៩។
ក្រោយពេលជួបពិភាក្សាគ្នាតាមទូរសព្ទជាមួយ Tedros Adhanom Ghebreyesus អគ្គលេខាធិការ WHO លោកនាយករដ្ឋមន្ត្រីវៀតណាម Pham Minh Chinh បានសាទរចំពោះការសម្រេចចិត្តនេះ។
លោកនាយករដ្ឋមន្ត្រីបន្ថែមថា វៀតណាមគាំទ្រដល់កិច្ចខិតខំប្រឹងប្រែងសម្រាប់កិច្ចសហប្រតិបត្តិការឱសថសកល និងកោតសរសើរចំពោះតួនាទីរបស់ WHO នៅក្នុងការសម្របសម្រួលកិច្ចខិតខំប្រឹងប្រែងអន្តរជាតិដើម្បីប្រយុទ្ធនឹងការរាតត្បាតរបស់កូវីដ-១៩ ខណៈកំពុងជំរុញឲ្យបណ្តាប្រទេសទទួលបានវ៉ាក់សាំងស្មើភាពគ្នា។
លោកបន្តថា នៅពេលវិបត្តិកូវីដបន្តវាយលុកតំបន់ជាច្រើន ជាពិសេសការរកឃើញវីរុសបំប្លែងខ្លួនថ្មី លោក Chinh បានស្នើដល់អង្គការសុខភាពពិភពលោកផ្តល់ការគាំទ្រ និងអាទិភាពដល់ប្រទេសវៀតណាមឲ្យទទួលបានវ៉ាក់សាំងបង្ការកូវីដ-១៩តាមរយៈគម្រោងសកល Covax។ វៀតណាមបានអនុវត្តកម្មវិធីចាក់វ៉ាក់សាំងបង្ការកូវីដ-១៩ខ្លួនប្រកបដោយប្រសិទ្ធភាព សុវត្ថិភាព និងទាន់ពេលវេលា។
លោក Chinh ក៏ស្នើដល់ WHO ឲ្យគាំទ្រ និងជួយដល់វៀតណាមឲ្យក្លាយជាមជ្ឈមណ្ឌលផលិតវ៉ាក់សាំងបង្ការកូវីដ-១៩ប្រចាំតំបន់ប៉ាស៊ីហ្វិកខាងលិច។ លោកបន្ថែមថា អាជីវកម្មវៀតណាម និងកម្លាំងពេទ្យមានសមត្ថភាពក្នុងការផលិតវ៉ាក់សាំងកូវីដតាមស្តង់ដារអន្តរជាតិ។
ជាការឆ្លើយតប លោកអគ្គលេខាធិការ Tedros មានប្រសាសន៍ថា WHO ទទួលយកការស្នើសុំរបស់វៀតណាមដើម្បីផ្តល់អាទិភាពសម្រាប់ការទទួលបានវ៉ាក់សាំង និងការក្លាយជាមជ្ឈមណ្ឌលផលិតវ៉ាក់សាំងមួយប្រចាំតំបន់។
លោក Tedros បានឲ្យដឹងថា កង្វះវ៉ាក់សាំងជាសកលកំពុងកើនមានប៉ះពាល់ដល់ការផ្គត់ផ្គង់របស់គម្រោង Covax ដល់បណ្តាប្រទេសជាច្រើនមានទាំងវៀតណាមផង។ លោកអរគុណដល់រដ្ឋាភិបាលវៀតណាមដែលបានប្តេជ្ញាផ្តល់ប្រាក់៥០ម៉ឺនដុល្លារអាមេរិកដល់គម្រោង Covax៕
ប្រែសម្រួល៖ វីរបុត្រ
ប្រភព៖ e.vnexpress
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល