ព័ត៌មានអន្ដរជាតិ
អតីតប្រធានាធិបតីអាមេរិក ដូណាល់ ត្រាំ ត្រឡប់មកវិញហើយ
អតីតប្រធានាធិបតីអាមេរិក ដូណាល់ ត្រាំ បានបង្ហាញខ្លួននៅឯការជួបជុំមួយនៅចំពោះមុខអ្នកគាំទ្ររាប់ពាន់នាក់ ។ លោកបង្ហាញថា បានត្រៀមខ្លួនរួចជាស្រេចដើម្បីពន្លឿនសកម្មភាពរបស់លោក ឆ្ពោះទៅការបោះឆ្នោតឆ្នាំក្រោយ ។
លោក ត្រាំ បានប្រមូលផ្ដុំជួបជុំគ្នាទ្រង់ទ្រាយធំជាលើកដំបូង ចាប់តាំងពីចាកចេញពីសេតវិមានក្នុងខែមករា ។ ហ្វូងមនុស្សដ៏ច្រើននៅក្នុងព្រឹត្តិការណ៍នៅរដ្ឋ Ohio បានបង្ហាញថា លោក ត្រាំ នៅតែទទួលបានការគាំទ្រយ៉ាងខ្លាំង ក្នុងចំណោមអ្នកសាធារណរដ្ឋ ។
ទន្ទឹមនោះលោក ត្រាំ នៅតែអះអាងម្តងហើយម្ដងទៀតថា ការបោះឆ្នោតប្រធានាធិបតីឆ្នាំ ២០២០ ត្រូវបានគេលួចបន្លំ ដោយទទូចថា លោកបានឈ្នះឆ្នោតយ៉ាងភ្លូកទឹកភ្លូកដី ។
លោក ត្រាំ បានប្រាប់អ្នកគាំទ្រថា ពួកគេនឹងមិនចុះចាញ់ឡើយ ។ លោកបាននិយាយថា ការប្រយុទ្ធរបស់ពួកគេទើបតែចាប់ផ្តើម ហើយពួកគេនឹងដណ្តើមយកសភា និងព្រឹទ្ធសភាមកវិញ ។
ការជួបជុំនេះ ក៏ធ្វើឡើងដើម្បីគាំទ្រដល់អតីតជំនួយការសេតវិមានម្នាក់ ដែលកំពុងប្រជែងនឹងសមាជិកសភាមកពីរដ្ឋ Ohio ។ សមាជិកសភាបានបោះឆ្នោតចោទប្រកាន់លោក ត្រាំ ចំពោះតួនាទីរបស់លោក នៅក្នុងការវាយប្រហារនៃវិមានកាពីតូល នៅថ្ងៃទី ៦ ខែមករា ខណៈលោក ត្រាំ បានប្តេជ្ញាធ្វើយុទ្ធនាការប្រឆាំងនឹងអ្នកដែលប្រឆាំងនឹងគាត់ផងដែរ ។
ជាចុងក្រោយលោក ត្រាំ មិនបានបញ្ជាក់ថាតើលោកនឹងឈរឈ្មោះ ជាប្រធានាធិបតីម្តងទៀតនៅឆ្នាំ ២០២៤ ឬយ៉ាងនោះទេ ប៉ុន្តែអ្នកសង្កេតការណ៍ខ្លះនិយាយថា គាត់ប្រហែលជាកំពុងស្វែងរកលទ្ធភាព ដោយបន្តការប្រមូលផ្តុំយុទ្ធនាការ ដើម្បីបង្ហាញពីវត្តមានរបស់គាត់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោក បៃដិន បញ្ជាឲ្យបើកការវាយប្រហារអាកាស នៅព្រំដែនអ៊ីរ៉ាក់ – ស៊ីរី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល