ព័ត៌មានអន្ដរជាតិ
ពិភពលោកកំពុងភ័យខ្លាច វីរុសបំប្លែងខ្លួនឥណ្ឌា ក្រោយមិនអាចកំណត់ច្បាស់ចំនួនករណីឆ្លង ហើយធន់នឹងវ៉ាក់សាំង
វីរុសបំប្លែងខ្លួនឥណ្ឌា “Delta” ដែលឆ្លងរហ័ស បច្ចុប្បន្នត្រូវបានចុះបញ្ជីដោយអង្គការសុខភាពពិភពលោក (WHO) ថាជា “វីរុសនៃការព្រួយបារម្ភ” ខណៈពិភពលោកកំពុងភ័យខ្លាចលើផលប៉ះពាល់ ដែលវាអាចមានលើកិច្ចខិតខំប្រឹងប្រែង ដើម្បីយកឈ្នះលើរោគរាតត្បាត ។
ទោះបីជាត្រូវបានគេប៉ាន់ស្មានថា វីរុសនេះមានចំនួន ៩០ ភាគរយនៃករណីឆ្លងថ្មីនៅចក្រភពអង់គ្លេស និងឥណ្ឌា ជាកន្លែងដែលវាលេចចេញដំបូងក៏ដោយ ក៏អ្នកវិទ្យាសាស្ត្រមិនអាចកំណត់ឲ្យច្បាស់ថាតើ វីរុសបំប្លែងខ្លួនថ្មីនេះមានករណីឆ្លងប៉ុន្មាននោះទេ ដោយសារពួកគេមិនអាចទាញយកលំដាប់ DNA រាល់ករណីឆ្លងជំងឺកូវីដ ១៩ ធម្មតានៅទូទាំងពិភពលោក ។
នៅសហរដ្ឋអាមេរិក មជ្ឈមណ្ឌលត្រួតពិនិត្យ និងបង្ការជំងឺ (CDC) បានរាយការណ៍ថា ១០ ភាគរយនៃសំណាកជំងឺដែលប្រមូលបាននៅថ្ងៃទី ៥ ខែកក្កដា ត្រូវគ្នានឹង DNA នៃវីរុសបំប្លែងខ្លួនឥណ្ឌា “Delta” ដែលអាចចម្លងរហ័សជាងប្រភេទដើមទៅទៀត ។
ដូចគ្នានឹងវីរុសដទៃទៀតដែរ វីរុសកូរ៉ូណាក៏ផ្លាស់ប្តូរ ឬបំបែកខ្លួនតាមពេលវេលាដែរ ។ ក្រុមអ្នកវិទ្យាសាស្ត្របាននិយាយថា បច្ចុប្បន្នវីរុសនេះកំពុងវិវត្ត ធន់នឹងវ៉ាក់សាំង មិនបញ្ចេញរោគសញ្ញា ពិបាកព្យាបាល និងការការពារជាដើម ។
គួររំឭកថា WHO បាននិយាយកាលពីដើមខែនេះថា វីរុសបំប្លែងខ្លួនឥណ្ឌា នឹងក្លាយជាវីរុសកូវីដ ១៩ បំប្លែងខ្លួនប្រភេទថ្មី ដែលគ្របដណ្ដប់ និងដ៏លេចធ្លោនៅទូទាំងពិភពលោក ។
ទន្ទឹមនោះ យោងតាមការធ្វើបច្ចុប្បន្នភាពប្រចាំសប្តាហ៍របស់ WHO ស្តីពីការផ្ទុះឡើងនេះបានឲ្យដឹងថា គិតត្រឹមថ្ងៃពុធ វីរុសបំប្លែងខ្លួនឥណ្ឌា “Delta” កំពុងរីករាលយ៉ាងខ្លាំងនៅក្នុងប្រទេសចំនួន ១១០ ពោលទើបតែរយៈជាង ៣ ខែប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ