វីដេអូ! បើកទ្វារមិនទាន់ ប្រជាជនឥណ្ឌា រត់ជាន់គ្នា សម្រុកចូលមណ្ឌលចាក់វ៉ាក់សាំងកូវីដ 

នៅឯមណ្ឌលចាក់វ៉ាក់សាំងមួយក្នុងស្រុក Chhindwara នៃរដ្ឋ Madhya Pradesh, ចំនួនអ្នកចេញទៅចាក់វ៉ាក់សាំងកាលពីថ្ងៃព្រហស្បតិ៍ មានច្រើនលើសលុប ដែលនាំឲ្យមានស្ថានភាពវឹកវរ ដល់ថ្នាក់អ្នកខ្លះរត់ជាន់គ្នាទៀតផង។

នៅពេលមណ្ឌលនេះបើកទ្វារសម្រាប់ចាក់វ៉ាក់សាំនៅទីប្រជុំជន Sausar, មនុស្សគ្រប់វ័យជាច្រើននាក់ត្រូវបានគេឃើញ សម្រុកចូល ដោយមិនគោរពវិធនាការគម្លាតសង្គមទាល់តែសោះ។

មនុស្សត្រូវបានគេឃើញ ជាន់និងដួលលើគ្នា។ ស្ត្រីវ័យចំណាស់ជាច្រើននាក់ ស្ថិតក្នុងចំណោមអ្នកដែលត្រូវបានគេមើលឃើញ ដួលទៅនឹងដី។

ក្រោយមក ប៉ូលិសត្រូវបានគេទូរស័ព្ទហៅ ឲ្យមកគ្រប់គ្រងស្ថានការណ៍នេះ។

រដ្ឋ Madhya Pradesh ត្រូវបានគេរិះគន់អំពីល្បឿននៃយុទ្ធនាការចាក់វ៉ាក់សាំងដ៏យឺតយ៉ាវរបស់ខ្លួន ប៉ុន្តែរដ្ឋនេះបានកែលម្អវិញ បន្ទាប់ពីដាក់ចេញនូវគោលនយោបាយចាក់វ៉ាក់សាំងថ្មី កាលពីសប្តាហ៍មុន៕

វីដេអូ៖

ប្រែសម្រួល៖ Vann Vann

ប្រភព៖ NDTV

ចុចអាន៖ គ្រោះទៀតហើយ ឥណ្ឌា កំពុងជួបរលកកម្ដៅខ្លាំងបំផុតមិនធ្លាប់មាន សីតុណ្ហភាពឡើងលើស ៤០ អង្សាសេ