ព័ត៌មានអន្ដរជាតិ

ស្ថានភាពកូវីដនៅ បាងកក ឈានដល់មាត់ជ្រោះមហន្តរាយ ខណៈអ្នកស្លាប់សុទ្ធតែគ្មានគ្រែពេទ្យសម្រាកព្យាបាល

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

ស្ថានភាពជំងឺកូវីដ ១៩ នៅក្នុងទីក្រុង បាងកក កំពុងប្រកាសអាសន្នធ្ងន់ធ្ងរខ្លាំង ខណៈ អ្នកជំងឺដែលបានស្លាប់ភាគច្រើន គឺសុទ្ធតែគ្មានគ្រែពេទ្យទទួលសម្រាប់ការសម្រាកព្យាបាល ហើយគ្រូពេទ្យជំនាញថៃអះអាងថា ទីក្រុងនេះមានអ្នកស្លាប់ច្រើនជាងចំនួនដែលបាន រាយការណ៍ទៅទៀត ។

លោកសាស្ត្រាចារ្យវេជ្ជបណ្ឌិត Smith Srison ប្រធានមន្ទីរពិសោធន៍វេជ្ជសាស្ត្រ កោសល្យវិច័យនៃមហាវិទ្យាល័យរោគ នៅមន្ទីរពេទ្យ Ramathibodi នៃសាកលវិទ្យាល័យ Mahidol បានបង្ហោះលើហ្វេសប៊ុកថ្មីៗនេះថា ” ថ្ងៃនេះខ្ញុំនឹងប្រាប់អ្នកទាំងអស់គ្នាថា តើស្ថានភាពដែលខ្ញុំបានធ្វើកោសល្យវិច័យលើអ្នកជំងឺកូវីដ នៅទីក្រុងបាងកក មានទម្ងន់ធ្ងន់ប៉ុណ្ណា។

ខ្ញុំបានធ្វើតេស្តកូវីដតាមមាត់ពីសាកសព ហើយបានរកឃើញពីភាពវិជ្ជមានជាច្រើន ដូចជាកាលពីម្សិលមិញខ្ញុំបានពិនិត្យសាកសពចំនួន ៤ ដែលជាសាកសពចាស់ជរា និងបានដឹងច្បាស់ថា ជាអ្នកឈឺគ្មានគ្រែ ហើយស្លាប់នៅនឹងកន្លែងនៅផ្ទះរបស់ពួកគេ ” ។

លោកបញ្ជាក់បន្ថែមទៀតថា នេះទើបតែមួយថ្ងៃប៉ុណ្ណោះ ហើយមានតែមន្ទីរពេទ្យ Ramathibodi ដែលទទួលបានទេទិន្នន័យនេះច្បាស់ជាងគេ។

ចាប់តាំងពីថ្ងៃព្រហស្បតិ៍សប្ដាហ៍មុន ភាគច្រើននៃអ្នកស្លាប់ ត្រូវបានរកឃើញនៅក្នុងភាពអនាធិបតេយ្យ ដែលមានមនុស្សច្រើនរស់នៅផ្ដុំគ្នា ឬផ្ទះស្នាក់នៅរួមគ្នាជាមួយអ្នកឈឺ។

លើសពីនេះ អ្នកស្លាប់ម្នាក់គឺជាអ្នកជំងឺគ្មានគ្រែសម្រាកបានត្រឹមត្រូវ ជាពិសេសគឺសាច់ញាតិសព ក៏រស់រួមគ្នាជាមួយអ្នកទើបស្លាប់ ដោយកូវីដទៀត។

វេជ្ជបណ្ឌិត Smith Srison ព្រមានថា បាងកកអាចនឹងមានអ្នកស្លាប់ធ្ងន់ធ្ងរខ្លាំង បើនៅតែមានបញ្ហាអនាធិបតេយ្យបែបនេះ។ ជាពិសេសគឺប្រជាជនមិនដឹងថា សមាជិកក្នុងផ្ទះមានផ្ទុកជំងឺកូវីដឬអត់ ដោយសារគ្មានអ្នកតាមសង្កេតមើលថែរក្សាដូចក្នុងមន្ទីរពេទ្យបានត្រឹមត្រូវ៕

ប្រែសម្រួល៖ សាង ស្រីល័ក្ខ

ប្រភព៖newsdirectory3

ចុចអាន៖ថៃ មានអ្នកស្លាប់ដោយសារកូវីដ ៥៤នាក់និងឆ្លង ៦,៥១៩ករណីទៀត