ព័ត៌មានអន្ដរជាតិ
មេដឹកនាំចិន និងកូរ៉េខាងជើងប្តេជ្ញាពង្រឹងមិត្តភាពឈានដល់កម្រិតថ្មី
ប្រធានាធិបតីចិនលោក ស៊ី ជីនពីង និងមេដឹកនាំកូរ៉េខាងជើង គីម ជុនអ៊ុន បានសន្យាពង្រឹងចំណងមិត្តភាពឈានដល់កម្រិតថ្មី នៅពេលអ្នកទាំងពីរបានផ្លាស់ប្តូរសារគ្នាស្តីពីខួបលើកទី៦០នៃសន្ធិសញ្ញាការពារជាតិទ្វេភាគី។
យោងតាមទីភ្នាក់ងារសារព័ត៌មានរដ្ឋកូរ៉េខាងជើង KCNA បានផ្សាយថា លោក គីម មានប្រសាសន៍ពី«ចំណងមិត្តភាពជិតស្និទ្ធរវាងប្រទេសទាំងពីរបានឈានដល់សន្ទុះខ្លាំងក្នុងរយៈពេលប៉ុន្មានឆ្នាំចុងក្រោយនេះ ដោយមានការវិវត្តយ៉ាងទូលំទូលាយស្ថិតនៅលើកម្រិតខ្ពស់ក្នុងគ្រប់វិស័យ រាប់ទាំងនយោបាយ សេដ្ឋកិច្ច យោធា និងវប្បធម៌»។
មេដឹកនាំកូរ៉េខាងជើងនិយាយថា សន្ធិសញ្ញាធាទ្វេភាគីបានដើរតួនាទីយ៉ាងសំខាន់ក្នុងការធានាសន្តិភាព និងស្ថេរភាពនៅអាស៊ីប្រឆាំងនឹងកម្លាំងអារិភាពនៅក្នុងតំបន់។ លោកកត់សំគាល់ថា ប្រទេសជិតខាងទាំងពីរបានចែករំលែកមានគោលជំហរថេរដើម្បីអភិវឌ្ឍមិត្តភាព និងទំនាក់ទំនងសហប្រតិបត្តិការទៅវិញទៅមកឥតឈប់ឈរ។
សំដីសង្កត់ធ្ងន់ស្រដៀងគ្នានេះដែរ លោក ស៊ី បានសរសើរសន្ធិសញ្ញាឆ្នាំ១៩៦១ដែលបានលើកកម្ពស់សន្តិភាពថ្នាក់តំបន់ និងសកល។ លោកបន្ថែមថា រដ្ឋាភិបាលទីក្រុងប៉េកាំង និងព្យុងយ៉ាងបានគាំទ្រគ្នាទៅវិញទៅមកយ៉ាងមុតមាំ និងធ្វើការជាមួយគ្នាដើម្បីពង្រឹងទំនាក់ទំនងរាប់ឆ្នាំ។
យោងតាមក្រសួងការបរទេសចិន លោក ស៊ី មានប្រសាសន៍ថា លោកបានត្រៀមខ្លួនរួចហើយដើម្បីធ្វើការងារជាមួយលោក គីម សម្រាប់កិច្ចសហប្រតិបត្តិការមិត្តភាពទ្វេភាគីដើម្បីឈានដល់កម្រិតថ្មីមួយ និងនាំផលប្រយោជន៍កាន់តែច្រើនដល់ប្រទេសទាំងពីរ និងប្រជាជនរបស់ខ្លួន។
ស្ថិតក្រោមសន្ធិសញ្ញាឆ្នាំ១៩៦១ ប្រទេសចិន និងកូរ៉េខាងជើងត្រូវតែការពារគ្នាទៅវិញទៅមកដោយស្វ័យប្រវត្តិនៅពេលប្រទេសណាមួយរងការវាយប្រហារ។
ប្រទេសចិនគឺជាដៃគូពាណិជ្ជកម្មធំបំផុតនិងជាសម្ព័ន្ធមិត្តសំខាន់របស់កូរ៉េខាងជើងនៅលើឆាកអន្តរជាតិ ហើយកន្លងមកចិនធ្លាប់អំពាវនាវឲ្យមានការបន្ធូរបន្ថយទណ្ឌកម្មអន្តរជាតិលើទីក្រុងព្យុងយ៉ាង។
ប្រធានាធិបតីចិន លោក ស៊ី និងមេដឹកនាំកូរ៉េខាងជើង លោក គីម បានជួបមុខគ្នាផ្ទាល់ជាច្រើនលើកមកហើយនៅក្នុងឆ្នាំ២០១៨ និង២០១៩៕
ប្រែសម្រួល៖ វីរបុត្រ
ប្រភព៖ RT
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៧ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម