ធ្ងន់ធ្ងរបំផុត! ប្រកាសក្តៅៗ ថៃ រកឃើញទាំងករណីឆ្លងនិងស្លាប់ដោយសារកូវីដ ក្នុងកម្រិតបំបែកកំណត់ត្រាថ្មី

ក្រសួងសុខាភិបាលថៃ បានរាយការណ៍នៅព្រឹកថ្ងៃសៅរ៍នេះថា ក្នុងរយៈពេល២៤ម៉ោងចុងក្រោយ ប្រទេសថៃ មានអ្នកស្លាប់ដោយសារជំងឺកូវីដ-១៩ ក្នុងកម្រិតខ្ពស់បំផុតមិនធ្លាប់មាន ១៤១នាក់និងឆ្លងថ្មីក៏ក្នុងកម្រិតបំបែកកំណត់ត្រាដែរគឺ ១០,០៨២ករណី។

ក្នុងចំណោមការឆ្លងថ្មី មាន ៩,៩៥៥ករណីជាប្រជាជនទូទៅនិង ១២៧ ករណីជាអ្នកទោសក្នុងពន្ធនាគារ។

ចាប់តាំងពីថ្ងៃទី១ខែមេសាមក នៅពេលកូវីដរលកទី៣ផ្ទុះឡើង មានអ្នកជំងឺកូវីដចំនួន ៣៦៣,១២៦នាក់ ក្នុងនោះមាន ២៥០,៧៥៨ នាក់បានជាសះស្បើយ។

ចាប់តាំងពីជំងឺរាតត្បាតផ្ទុះឡើងកាលពីដើមឆ្នាំមុនមក មានការឆ្លងសរុប ៣៩១,៩០៩ករណី ក្នុងនោះមាន ២៧៨,១៨៤នាក់ បានជាសះស្បើយ។

ចំណែកចំនួនអ្នកស្លាប់ក្នុងរលកទី៣គឺមាន ៣,០០៥នាក់ ធ្វើឲ្យការស្លាប់សរុបចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនដល់ ៣,២៤០នាក់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ប្រសិទ្ធភាពពិតៗ ស្មៅមួយប្រភេទ ជួយអ្នកជំងឺកូវីដ ថៃ ជិត ៣ ពាន់នាក់ឲ្យជាសះស្បើយ