អ្នកស្រាវជ្រាវបញ្ជាក់ច្បាស់ៗថា វីរុសបំប្លែងខ្លួនឥណ្ឌា Delta ជាភ្នាក់ងារបង្ករោគច្រើនជាងប្រភេទផ្សេងទៀតទាំងអស់

អ្នកស្រាវជ្រាវនៅប្រទេសជប៉ុននិយាយថា វីរុសបំប្លែងខ្លួនឥណ្ឌា “Delta” អាចជាភ្នាក់ងារបង្ករោគច្រើនជាង វីរុសបំប្លែងខ្លួនដែលមានស្រាប់ផ្សេងទៀត ។

ក្រុមមួយដែលដឹកនាំដោយសាស្រ្តាចារ្យ Sato Kei នៃវិទ្យាស្ថានវិទ្យាសាស្ត្រវេជ្ជសាស្ត្រនៅសាកលវិទ្យាល័យតូក្យូ បានរាយការណ៍ពីការរកឃើញរបស់ពួកគេនៅក្នុងអត្ថបទមួយ ដែលបានចេញផ្សាយនៅលើអ៊ីនធឺណិត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនេះបានបង្កើតវីរុសបំប្លែងខ្លួនសិប្បនិម្មិតប្រភេទ P681R ហើយដាក់ការវិវត្តជាមួយវីរុសបំប្លែងខ្លួនឥណ្ឌា “Delta” ខណៈការឆ្លងជំងឺកូវីដ ១៩ ត្រូវបានគេដឹងថា នាំឲ្យមានការបំបែកកោសិកា ដែលបន្ទាប់មកបញ្ចូលគ្នាទៅជាកោសិកា ដែលត្រូវបានគេស្គាល់ថា “កោសិកា Syncytia” ។

អ្នកវិទ្យាសាស្ត្របានធ្វើការពិសោធន៍នេះ ហើយបានរកឃើញថា កោសិកា Syncytia ដែលបង្កើតឡើងដោយការឆ្លងមេរោគជាមួយវីរុសបំប្លែងខ្លួន Delta មានទំហំធំជាងការបង្កើតដោយការឆ្លងមេរោគ ជាមួយវ៉ារ្យ៉ង់ផ្សេងទៀតចំនួន ២.៧ ដង ។

ក្រុមនេះក៏បានរកឃើញផងដែរថា ការឆ្លងវីរុសដែលមានផ្ទុកនូវវីរុសបំប្លែងខ្លួនសិប្បនិម្មិតប្រភេទ P681R បានថយចុះយ៉ាងខ្លាំងពោលគឺចន្លោះពី ៤.៧ ទៅ ៦.៩ ភាគរយ ច្រើនជាងអ្នកដែលឆ្លងមេរោគផ្សេង ។

ជាចុងក្រោយក្រុមនេះនិយាយថា កោសិកា Syncytia កាន់តែធំបង្កឲ្យមានមេរោគកាន់តែច្រើន ហើយក្រុមការងារនឹងបន្តព្យាយាមបង្ហាញពីលក្ខណៈពិសេសនៃវីរុសបំប្លែងខ្លួនថ្មីៗទៀត ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកជំនាញអះអាងថា មេរោគស្រដៀងនឹងវីរុស SARS-CoV-2 មានតាំងពីឆ្នាំនេះមកម្ល៉េះ