ព័ត៌មានអន្ដរជាតិ
ប្រជាជនឥណ្ឌូណេស៊ីភាគច្រើន ចង់ចាក់វ៉ាក់សាំងកូវីដណាស់ តែគ្មានថ្នាំចាក់ឲ្យ
ប្រជាជនឥណ្ឌូណេស៊ីភាគច្រើន បានលើកឡើងពីការខ្វះវ៉ាក់សាំងថា ជាមូលហេតុដែលពួកគេមិនចាក់ថ្នាំបង្ការជំងឺកូវីដ-១៩បាន។
ក្នុងចំណោមអ្នកដែលមិនទាន់ទទួលបានវ៉ាក់សាំង, ៨០ភាគរយនិយាយថា ពួកគេកំពុងរង់ចាំការហៅទៅចាក់ កំពុងរង់ចាំវ៉ាក់សាំងមកដល់ ឬមិនអាចទទួលការចាក់ថ្នាំបង្ការដោយសារហេតុផលផ្សេងទៀត រួមមានដូចជាស្ថានភាពសុខភាពឬកង្វះការដឹកជញ្ជូនជាដើម។
នៅក្នុងការស្ទង់មតិកាលពីខែកក្កដា ដែលធ្វើឡើងដោយទីភ្នាក់ងារស្ថិតិបានបង្ហាញថា ៤,២ភាគរយទៀតនិយាយថា ពួកគេសង្ស័យអំពីប្រសិទ្ធភាពរបស់វ៉ាក់សាំងខណៈ ១៥,៨ភាគរយ ព្រួយបារម្ភអំពីផលរំខានក្រោយការចាក់។
ប្រទេសដែលមានប្រជាជនច្រើនបំផុតលំដាប់ទីបួននៅលើពិភពលោកមួយនេះ កំពុងព្យាយាមពន្លឿនយុទ្ធនាការចាក់វ៉ាក់សាំងរបស់ខ្លួន ខណៈវីរុសកូវីដ បានសម្លាប់ប្រជាជនរាប់ពាន់នាក់ជារៀងរាល់ថ្ងៃ។
បច្ចុប្បន្ន ឥណ្ឌូណេស៊ី ឈរនៅលើទីកំពូល ជាប្រទេសមានអ្នកស្លាប់ដោយសារកូវីដប្រចាំថ្ងៃច្រើនបំផុតលើពិភពលោក។
ប្រហែល៨ភាគរយ នៃប្រជាជនឥណ្ឌូណេស៊ី បានទទួលវ៉ាក់សាំងគ្រប់ដូស។ រដ្ឋមន្រ្តីក្រសួងសុខាភិបាលលោក Budi Gunadi Sadikin បាននិយាយថា ប្រទេសនៅអាស៊ីអាគ្នេយ៍មួយនេះ គ្រោងនឹងចាក់វ៉ាក់សាំងឲ្យបាន ២.៥លានដូសក្នុងមួយថ្ងៃ នៅខែសីហានិងខែកញ្ញា ហើយរំពឹងថា រដ្ឋធានីហ្សាការតានិងតំបន់ទេសចរណ៍កោះបាលី នឹងចាក់បាន ១០០ភាគរយ នៅត្រឹមចុងខែនេះ។
ទោះបីជាយ៉ាងណាក៏ដោយ លោកមិនបានបញ្ជាក់ទេថា ការចាក់នេះ គឺជាការចាក់មួយដូសឬពីរដូស៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ខុសគ្នាដាច់! រោគសញ្ញា Delta ចំពោះអ្នកចាក់វ៉ាក់សាំងហើយ និងអ្នកមិនទាន់ចាក់
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)