ប្រកាសមុននេះ ថៃ រកឃើញអ្នកឆ្លងកូវីដជិត ២ ម៉ឺនករណី និងស្លាប់ ១៣៨ នាក់ក្នុងរយៈពេល ២៤ ម៉ោងចុងក្រោយ

ក្រសួងសុខាភិបាលថៃបានរាយការណ៍នៅព្រឹកថ្ងៃអាទិត្យនេះថា ក្នុងរយៈពេល ២៤ ម៉ោងចុងក្រោយ ប្រទេសថៃ មានអ្នកស្លាប់ដោយសារជំងឺកូវីដ ១៩ ចំនួន ១៣៨ នាក់បន្ថែមទៀត និងឆ្លងថ្មីចំនួន ១៩,៩៨៣ ករណី ។

ទន្ទឹមនោះ ក្នុងចំណោមករណីឆ្លងថ្មី មាន ១៩,៦៣៣ ករណីជាប្រជាជនទូទៅ និង ៣៥០ ករណីជាអ្នកអ្នកទោសក្នុងពន្ធនាគារ ។

ស្របពេលជាមួយគ្នានេះដែរ អ្នកជំងឺចំនួន ១៨,៥០៣ នាក់បានជាសះស្បើយ និងត្រូវបានអនុញ្ញាតឲ្យចាកចេញមន្ទីរពេទ្យ ។

ចាប់តាំងពីថ្ងៃទី ១ ខែមេសាមក នៅពេលជំងឺកូវីដ ១៩ រលកទី ៣ ផ្ទុះឡើង មានអ្នកជំងឺកូវីដចំនួន ៧២៧,៦៤២ នាក់ ក្នុងនោះមាន ៥០៨,០៨៩ នាក់បានជាសះស្បើយ ។

ចំណែក ចាប់តាំងពីជំងឺរាតត្បាតផ្ទុះឡើងកាលពីដើមឆ្នាំមុនមក មានការឆ្លងជំងឺកូវីដ ១៩ សរុប ៧៥៦,៥០៥ ករណី ក្នុងនោះមាន ៥៣៥,៥១៥ នាក់ បានជាសះស្បើយ ។

បន្ថែមពីនេះ ចំនួនអ្នកស្លាប់ក្នុងរលកទី ៣ គឺមាន ៦,១១០ នាក់ ធ្វើឲ្យការស្លាប់សរុប ចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនដល់ ៦,២០៤ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ប្រកាសព្រឹកនេះ! ថៃ មានអ្នកស្លាប់ច្រើនបំផុត ដោយសារកូវីដ