Connect with us

ព័ត៌មានអន្ដរជាតិ

វៀតណាម ត្រូវប្រុងប្រយ័ត្ន អាមេរិក កំពុងវិលត្រឡប់ទៅរកអាណាចក្រសង្គ្រាមឥណ្ឌូចិនជាថ្មី

បានផុស

នៅ

អនុប្រធានាធិបតីអាមេរិកលោកស្រី Kamala Harris នឹងធ្វើដំណើរទៅកាន់ប្រទេសសិង្ហបុរី និងវៀតណាមនៅចុងខែសីហានេះ ដោយសង្ឃឹមថា នឹងពង្រឹង “ភាពជាដៃគូយុទ្ធសាស្ត្រ” ជាមួយបណ្តាប្រទេសអាស៊ី ។ ការិយាល័យរបស់លោកស្រីបានរងការរិះគន់យ៉ាងខ្លាំង ចំពោះការដកស្រង់សាររបស់រដ្ឋបាលលោក ចូ បៃដិន ថា “អាមេរិកត្រឡប់មកវិញហើយ” ដោយសារប្រវត្តិសាស្ត្រដ៏អាក្រក់នៃការចូលរួមរបស់អាមេរិកនៅក្នុងសង្គ្រាមវៀតណាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះលោក Mike Hastie អាយុ ៧៦ ឆ្នាំដែលបានបម្រើការជាពេទ្យទាហាននៅប្រទេសវៀតណាមនៅឆ្នាំ ១៩៧០-៧១ ខណៈឪពុករបស់គាត់គឺជាមន្រ្តីកងទ័ពអាមេរិក ហើយគាត់ធំឡើងនៅមូលដ្ឋានយោធានៅបរទេសបានប្រាប់ទូរទស្សន៍ RT ដោយហៅសង្រ្គាមនេះថា “ជាសង្គ្រាមឃោរឃៅប្រឆាំងនឹងប្រជាជនវៀតណាម” ដោយឲ្យសហរដ្ឋអាមេរិកទទួលខុសត្រូវចំពោះឃាតកម្ម និងអំពើឃោរឃៅជារៀងរាល់ថ្ងៃនៅឯមូលដ្ឋានខ្លួនក្នុងប្រទេសវៀតណាម ។

លោក Hastie បាននិយាយថា “ទាំងទីក្រុងវ៉ាស៊ីនតោន និងទីក្រុងហាណូយ ហាក់ដូចជាចង់ដាក់អតីតកាលនៅពីក្រោយពួកគេ ហើយបន្តទំនាក់ទំនងសេដ្ឋកិច្ចដែលមានផលប្រយោជន៍ទៅវិញទៅមក ប៉ុន្តែសំណួរគឺថាតើជនជាតិវៀតណាមអាចទុកចិត្តរដ្ឋាភិបាលអាមេរិកបានទេ” ។

លោកបានប្រាប់ទូរទស្សន៍ RT ថា “សហរដ្ឋអាមេរិក គឺជាប្រទេសដែលប្រកាន់ពូជសាសន៍និយមបំផុតនៅលើពិភពលោក ។ យើងគិតតែពីប្រយោជន៍ផ្ទាល់ខ្លួន ។ សេដ្ឋកិច្ចរបស់យើងទាំងមូលគឺផ្អែកលើសង្គ្រាម ។ យើងសម្លាប់មនុស្សដើម្បីចំណេញពីវៀតណាម ឡាវ និងកម្ពុជា ក្នុងទសវត្សរ៍ឆ្នាំ ១៩៦០ និង ១៩៧០ រហូតដល់អាមេរិកឡាទីន និងមជ្ឈិមបូព៌ាក្នុងសម័យបច្ចុប្បន្ននេះ ។ វាតែងតែត្រឡប់ទៅអាមេរិកដែលជាអាណាចក្រពិភពលោក” ។

លោកបានសន្និដ្ឋានថា “ជនជាតិអាមេរិកគិតថា ប្រទេសរបស់ពួកគេគឺប្រជាធិបតេយ្យ ។ អ្នកពិតជាមិនអាចក្លាយជាប្រជាធិបតេយ្យ និងអាណាចក្រពិភពលោកក្នុងពេលតែមួយបានទេ ។ ដោយសារតែអាមេរិកក្លាយទៅជាប្រទេសទីបី ហើយយើងបំផ្លាញលទ្ធិប្រជាធិបតេយ្យរបស់ពួកគេ ដូច្នេះយើងអាចកេងចំណេញពួកគេ ។ នោះគឺជាអ្វីដែលយើងធ្វើ ខ្ញុំជឿជាក់លើជនជាតិវៀតណាមថា ពួកគេដឹងថាពួកគេកំពុងធ្វើអ្វី” ។

លោក Hastie បានវិលត្រឡប់មកវៀតណាមជាលើកដំបូងនៅឆ្នាំ ១៩៩៤ ហើយក្រោយមកបានធ្វើដំណើរ ២ ដងទៀតទៅកាន់ប្រទេសនេះនៅឆ្នាំ ២០១៦ និងឆ្នាំ ២០១៨ ។

គួររំឭកថា អាមេរិកបានចូលវៀតណាមលើកដំបូងក្នុងឆ្នាំ ១៩៥៥ ខណៈអន្តរាគមន៍សម្ងាត់ផ្នែកយោធា និងនយោបាយរយៈពេល ២០ ឆ្នាំត្រូវបានគេប៉ាន់ស្មានថា បានឆក់យកជីវិតជនស៊ីវិលវៀតណាម ២លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិក ចាប់ខ្លួនពលរដ្ឋមីយ៉ាន់ម៉ាពីបទប៉ុនប៉ងសម្លាប់ឯកអគ្គរដ្ឋទូតរបស់ខ្លួនប្រចាំ UN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម