ព័ត៌មានអន្ដរជាតិ

ឧប្បត្តិហេតុស្អប់ខ្ពើមលើជនជាតិអាស៊ីនៅអាមេរិកមានជាង៩ពាន់ករណីតាំងពីផ្ទុះកូវីដ

បានផុស

៤ years មុន

នៅ

ថ្ងៃសុក្រ ១៣ សីហា ២០២១

ដោយ

ឧប្បត្តិហេតុប្រឆាំងលើជនជាតិអាមេរិកដើមកំណើតអាស៊ីកើតមានជាង៩០០០ករណីនៅសហរដ្ឋអាមេរិក ចាប់តាំងពីកូវីដ-១៩បានផ្ទុះឡើង។ នេះបើតាមរបាយការណ៍មួយបានចេញផ្សាយកាលពីថ្ងៃព្រហស្បតិ៍។

អង្គភាព Stop AAPI Hate ដែលជាសម្ព័ន្ធជាតិតាមដាន និងឆ្លើយតបទៅនឹងឧក្រិដ្ឋកម្មស្អប់ខ្ពើមចំពោះជនជាតិអាមេរិកដើមកំណើតអាស៊ី និងប៉ាស៊ីហ្វិកទទួលបានរបាយការណ៍ចំនួន ៩០៨១ករណីចន្លោះពីថ្ងៃទី១៩ ខែមីនា ឆ្នាំ២០២០ ដល់ខែមិថុនា ឆ្នាំ២០២១។ សរុបឧក្រិដ្ឋកម្មស្អប់ខ្ពើមចំនួន៤៥៤៨ករណីបានកើតឡើងនៅឆ្នាំ២០២០ និង៤៥៣៣ករណីទៀតបានកើតនៅដើមពាក់កណ្តាលឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីកូវីដ-១៩ត្រូវបានរាយការណ៍លើកដំបូងនៅប្រទេសចិនមក សមាជិកនៃសហគមន៍ជនជាតិអាមេរិកដើម្បីកំណើតអាស៊ី និងប៉ាស៊ីហ្វិកទូទាំងសហរដ្ឋអាមេរិកបានប្រឈមនឹងការរើសអើងដែលមានទ្រង់ទ្រាយជាការបៀតបៀនពាក្យសំដី និងការធ្វើទុក្ខបុកម្នេញលើរាងកាយ។

មនុស្សជាច្រើនបានស្តីបន្ទោសទៅអតីតប្រធានាធិបតី លោក ដូណាល់ ត្រាំ ដែលបានជួយជំរុញឲ្យមានការរើសអើងប្រឆាំងជនជាតិអាស៊ីតាមរយៈការប្រើភាសាប្រកាន់ពូជសាសន៍នៅពេលនិយាយអំពីជំងឺដូចជា វីរុសចិន និងគ្រុនផ្តាសាយចិន។

យោងយតាមរបាយការណ៍បង្ហាញថា ៦៣.៧%នៃឧប្បត្តិហេតុបានកើនឡើងពាក់ព័ន្ធការបៀតបៀនពាក្យសំដី និង១៦.៥%ពាក់ព័ន្ធនឹងការគេចវេស ដែលមានចេតនាគេចចេញពីជនជាតិអាមេរិកដើមកំណើតអាស៊ី និងអ្នកកោះប៉ាស៊ីហ្វិក។

ប្រហែលជា១៣.៧%នៃរបាយការណ៍គឺការរំលោភបំពានលើរាងកាយ ដែលជាករណីធំលំដាប់ទី៣នៃឧប្បត្តិហេតុ។ ការបំពានសិទ្ធិស៊ីវិលបានកើតឡើង១១% ខណៈការបៀតបៀនតាមអនឡាញមាន៨.៣%។

របាយការណ៍បង្ហាញថា ករណីភាគច្រើនគឺកើតឡើងលើស្ត្រីភេទដែលមានដល់៦៣.៣%។

ចំនួននៃមនុស្សចាស់ដែលមានអាយុ៦០ឆ្នាំឡើង របាយការណ៍បង្ហាញថា ឧក្រិដ្ឋកម្មស្អប់ខ្ពើមបានកើតឡើង៦.៥%នៅឆ្នាំ២០២០ដល់ ៧.២%នៅឆ្នាំ២០២១។ តាំងពីកូវីដ-១៩បានចាប់ផ្តើមផ្ទុះឡើង ភាគច្រើននៃការវាយប្រហារដែលទាក់ទាញខ្លាំងពាក់ព័ន្ធនឹងជនជាតិអាស៊ីវ័យចាស់ទូទាំងអាមេរិកតាមរយៈការវាយដុំ ទាត់ធាត់ ឬចាក់ជាដើម។

លោក Manjusha Kulkarni សហស្ថាបនិកក្រុម Stop AAPI Hate និងជានាយកប្រតិបត្តិនៃក្រុមប្រឹក្សាគោលនយោបាយ និងផែនការអាស៊ីប៉ាស៊ីហ្វិកបានឲ្យដឹងថា ៖«នៅពេលអ្នកជំរុញឲ្យស្អប់ខ្ពើម វាមិនដូចជាមេរោគនៅក្នុងដបមួយនៅពេលអ្នកបើកគំរបចេញ ហើយទម្លាយវាចេញនៅកន្លែងណាដែលអ្នកចង់នោះទេ។ វាមានច្រើនពេកដែលបន្តប្រព័ន្ធជំនឿទាំងនេះដើម្បីធ្វើឲ្យពួកគេទៅឆ្ងាយ»។

លោក Kulkarni បានលើកឡើងពីកត្តាជាច្រើនដែលរួមចំណែកដល់ទិន្នន័យ រាប់ទាំងការបើកសេដ្ឋកិច្ចឡើងវិញដែលធ្វើឲ្យកើនឡើងអនន្តរកម្មសាធារណៈ និងឱកាសដើម្បីវាយប្រហារ។

លើសពីនេះទៀត របាយការណ៍ជាធម្មតាបានកើតឡើង បន្ទាប់ពីឧប្បត្តិហេតុដ៏អាក្រក់ដូចជាការបាញ់ប្រហារហាងស្ប៉ានៅអាត្លង់តាកាលពីថ្ងៃទី១៦ ខែមីនា ដែលបណ្តាលឲ្យមនុស្សស្លាប់៨នាក់ ក្នុងនោះស្ត្រីអាស៊ី៦នាក់បានស្លាប់៕

ប្រែសម្រួល៖ វីរបុត្រ
ប្រភព៖ theguardian