ព័ត៌មានអន្ដរជាតិ
កូរ៉េខាងត្បូង ប្តឹងទារសំណង ៦,៧ពាន់លានវុនពី Facebook ពាក់ព័ន្ធចែករំលែកព័ត៌មានអ្នកប្រើប្រាស់
កូរ៉េខាងត្បួង កាលពីថ្ងៃពុធ បានសម្រេចប្តឹងទាមទារសំណងពីក្រុមហ៊ុនបណ្តាញសង្គមយក្ស Facebook Inc ជាទឹកប្រាក់សរុប ៦,៧ពាន់លានវុន ស្មើប្រមាណជាង ៦លានដុល្លារអាមេរិក ពាក់ព័ន្ធករណីផ្តល់ព័ត៌មានឯកជនរបស់អ្នកប្រើប្រាស់ខ្លួនទៅកាន់បណ្តាញប្រតិបត្តិការផ្សេងទៀត ដោយមិនមានការអនុញ្ញាត។
គណៈកម្មាធិការការពារព័ត៌មានផ្ទាល់ខ្លួនរបស់ពលរដ្ឋកូរ៉េខាងត្បូង បានបើកការស៊ើបអង្កេតករណីបញ្ចេញព័ត៌មានអ្នកប្រើប្រាស់ Facebook ដោយគ្មានការអនុញ្ញាតចាប់តាំងពីខែសីហាមកម៉្លេះ ដោយក្នុងរបាយការណ៍ចេញផ្សាយកាលពីថ្ងៃពុធម្សិលមិញ ពួកគេបញ្ជាក់រកឃើញភស្តុតាងពាក់ព័ន្ធព័ត៌មានផ្ទាល់ខ្លួនអ្នកប្រើប្រាស់ Facebook ៣,៣លាននាក់ ក្នុងចំណោមអ្នកប្រើប្រាស់សរុប ១៨លាននាក់ ត្រូវបានគេផ្តល់ទៅកាន់ក្រុមហ៊ុនប្រតិបត្តិការផ្សេងទៀត ដោយមិនមានការអនុញ្ញាតពីម្ចាស់គណនី ចាប់តាំងពីខែឧសភា ឆ្នាំ២០១២ ដល់ខែមិថុនា ឆ្នាំ២០១៩។ នេះបើតាមការបញ្ជាក់ពីភ្នាក់ងារព័ត៌មាន Reuters។
យោងតាមខ្លឹមសារសរសេរដោយភ្នាក់ងារ Reuters នៅពេលអ្នកប្រើប្រាស់ Facebook ណាម្នាក់ប្រើកម្មវិធីប្រតិបត្តិការផ្សេងទៀតដោយចូលទៅតាម Facebook នោះព័ត៌មានពាក់ព័ន្ធនិងមិត្តភ័ក្តិរបស់គេ នឹងត្រូវផ្តល់ទៅកាន់ក្រុមហ៊ុនប្រតិបត្តិការនោះ ដោយមិនដឹងខ្លួន។
គណៈកម្មាធិការនៅកូរ៉េ និយាយថា ខ្លួននឹងប្តឹងក្រុមហ៊ុន Facebook នៅអៀរឡង់ Facebook Ireland Ltd ដើម្បីទទួលខុសត្រូវប្រាក់ជំងឺចិត្ត ខណៈអ្នកច្បាប់របស់ប្រទេសកូរ៉េ ក៏កំពុងដាក់ពាក្យបណ្តឹងឧក្រិដ្ឋកម្មប្រឆាំង Facebook Ireland Ltd ដូចគ្នា។
គួរបញ្ជាក់ថា មកទល់នឹងពេលនេះ Facebook កំពុងរងសម្ពាធខ្លាំងពីបណ្តារដ្ឋាភិបាលប្រទេសជាច្រើន ដែលកំពុងប្តឹងបណ្តាញសង្គមយក្សមួយនេះ ខណៈករណីភាគច្រើន គឺពាក់ព័ន្ធការចែករំលែកព័ត៌មានផ្ទាល់ខ្លួនរបស់អ្នកប្រើប្រាស់ដោយមិនមានការអនុញ្ញាត៕
ប្រែសម្រួល៖ សុភា
ប្រភព៖ Vietnam Insider
-
ព័ត៌មានជាតិ១ សប្តាហ៍ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ១ សប្តាហ៍ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ១ សប្តាហ៍ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៥ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា២ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
ព័ត៌មានជាតិ៦ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សន្តិសុខសង្គម៧ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង