ព័ត៌មានអន្ដរជាតិ

ចិន អនុញ្ញាតឲ្យចាក់វ៉ាក់សាំង Sinopharm ដល់កុមារអាយុ ៣ ទៅ ១៧ ឆ្នាំ

បានផុស

៥ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

ក្រុមហ៊ុនជីវវិទ្យាសាស្ត្រជាតិចិន (CNBC) បានប្រកាសតាមរយៈគណនី WeChat ផ្លូវការរបស់ខ្លួនកាលពីថ្ងៃពុធថា វ៉ាក់សាំងការពារជំងឹកូវីដ ១៩ Sinopharm ត្រូវបានអនុញ្ញាតឲ្យប្រើជាបន្ទាន់លើកុមារដែលមានអាយុចន្លោះពី ៣ ទៅ ១៧ ឆ្នាំ ដោយអាជ្ញាធររដ្ឋរបស់ប្រទេសចិន ។

CNBG បាននិយាយថា កុមារដែលមានអាយុពី ៣ ទៅ ១៧ ឆ្នាំបានក្លាយជាក្រុមដ៏សំខាន់សម្រាប់ការចាក់វ៉ាក់សាំង ហើយវាពិតជាមានសារៈសំខាន់ណាស់ ក្នុងការបង្កើតប្រព័ន្ធភាពស៊ាំប្រឆាំងនឹងវីរុសកូវីដបំប្លែងខ្លួនផ្សេងៗ ។

វ៉ាក់សាំងនេះបានបញ្ចប់ការសាកល្បងព្យាបាលដំណាក់កាលទី ១ និងទី ២ ហើយបង្ហាញពីកម្រិតបង្កើនអង់ទីគ័រខ្ពស់ ក្នុងចំណោមក្រុមអាយុទាំងនេះ ហើយដំណាក់កាលទី ៣ ត្រូវបានធ្វើឡើងនៅប្រទេសអារ៉ាប់រួម ចាប់តាំងពីខែកក្កដា ឆ្នាំ ២០២០ ហើយលទ្ធផលបង្ហាញថា អត្រាការពារអ្នកជំងឺប្រឆាំងរកសញ្ញាធ្ងន់ធ្ងរឈានដល់ ១០០ ភាគរយ ខណៈអត្រាការពារមិនឲ្យឆ្លងកូវីដសរុបគឺ ៧២.៥១ ភាគរយ ។

ទន្ទឹមនោះ ក្មេងៗចំនួន ៩៦.១ ភាគរយដែលបានទទួលការចាក់វ៉ាក់សាំង Sinopharm ពេញ ២ ដូសបានផលិតអង់ទីគ័រប្រឆាំងនឹងជំងឺកូវីដ ១៩ ហើយលទ្ធផលមិនមានភាពខុសគ្នាខ្លាំងនោះទេ ចំពោះមនុស្សពេញវ័យ ហើយក៏មិនមានផលប៉ះពាល់ធ្ងន់ធ្ងរណាមួយ ត្រូវបានគេសង្កេតឃើញ បន្ទាប់ពីការចាក់វ៉ាក់សាំងនេះ ។ ការសាកល្បងព្យាបាលនេះ ត្រូវបានធ្វើឡើងក្រោមការរៀបចំរបស់មជ្ឈមណ្ឌលត្រួតពិនិត្យ និងបង្ការជំងឺនៃខេត្ត Henan ភាគកណ្តាលប្រទេសចិន ។

គួរបញ្ជាក់ថា ប្រទេសចិនបានចាប់ផ្តើមអនុញ្ញាតឲ្យមនុស្សដែលមានអាយុចន្លោះពី ៣ ទៅ ១៧ ឆ្នាំ ចាក់វ៉ាក់សាំងការពារជំងឺកូវីដ ១៩ នៅដើមខែមិថុនា ដោយធ្វើឲ្យប្រទេសនេះក្លាយជាប្រទេសដំបូងគេ ដែលប្រកាសពីការអនុម័តការចាក់វ៉ាក់សាំងសម្រាប់ក្រុមក្មេងៗបែបនេះ ៕