Connect with us

កីឡា

ស្ថាបនិក KSF ផ្តល់តម្លៃ ឈឿង ល្វៃ ខ្ពស់​បំផុតសម្រាប់កំណត់ត្រាជូនជាតិ

បានផុស

នៅ

លោក សឿ វណ្ណៈ ស្ថាបនិក​កម្មវិធី​ប្រដាល់«គុន​ខ្មែរ​ស៊ុបើហ្វៃ Kun Khmer Super Fight» បាន​កោត​សរសើរ និង​ឲ្យ​តម្លៃ​​ខ្លាំង​បំផុត​ចំពោះ​កីឡាករ​គុន​ខ្មែរ ឈឿង ល្វៃ ដែល​មាន​កំណត់​ត្រា​ខ្ពស់​បំផុតជូន​ជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​បទ​សម្ភាស​​មុន​ដឹក​នាំ​ក្រុម​អត្តពលិក​គុន​ខ្មែរ​ទៅ​ប្រកួត​នៅ​ប្រទស​បារាំង លោក សឿ វណ្ណៈ បាន​និយាយ​ថា ៖«យើង​អរគុណ​ដល់ ឈឿង ល្វៃ ដែល​មាន​ទឹក​ចិត្ត​ប្រយុទ្ធ​លើ​ឆាក​អន្តរជាតិ។ ខ្ញុំ​ឲ្យ​តម្លៃ​លើ​ ឈឿង ល្វៃ ខ្លាំង ដោយសារ​គាត់ជា​ម្ចាស់​មេដាយ​មាស​ស៊ីហ្គេម ម្ចាស់​មេដាយ​ប្រាក់​ឃីក​បុក​ស៊ីង​អាស៊ី។ ជើង​ឯក​ឃីក​បុក​ស៊ីង​អាស៊ី មាន​ជាង​៤០​ឆ្នាំ​​​ គាត់​ទទួល​បាន​មេដាយ​ប្រាក់។ នេះ​ជា​កីឡាករ​ម្នាក់​ដែល​មាន​កំណត់​ត្រា​ខ្ពស់​បំផុត​នៅ​ក្នុង​ស្រុក​ខ្មែរ ហើយ​កីឡា​ស៊ីហ្គេម​នៅ​វៀតណាម (២០២២) គាត់​បាន​មេដាយ​ប្រាក់​ផ្នែក​ឃីក​បុក​ស៊ីង។ នៅ​ស្រុក​ខ្មែរ​គាត់​ទទួល​បាន​មេដាយ​មាស​​ស៊ីហ្គេមកីឡា​ឃីក​បុក​ស៊ីង​។ នេះ​គឺ​ជា​កំណត់​ត្រា​សម្រាប់​ជាតិ​ធំ​បំផុតគឺ​អត់​មាន​កីឡាករ​ណា​ធ្វើ​បាន​ដូច​គាត់​ទេ​សម្រាប់​​ទម្ងន់​ជាង៧០​គីឡូក្រាម»។

លោក​បាន​បន្ត​ថា ៖«គាត់​តែង​តស៊ូ​ចេញ​ទៅ​ប្រកួត​នៅ​គ្រប់​កន្លែង​មាន​ដូច​ជា ហុងកុង ជា​ដើម។ ទៅ​ណា​ក៏​គាត់​ទៅ​ដែរ​ឲ្យ​តែ​ប្រូម៉ូទ័រ​នាំទៅ។ គាត់​គឺ​ជា​ឈាម​អ្នក​ប្រយុទ្ធ​ពិត​ប្រាកដ ដូច្នេះ​យើង​ត្រូវ​តែ​លើក​ទឹក​ចិត្ត។ ខ្ញុំ​បាន​​ប្រាប់​គាត់​ហើយ​​ថា ប្អូន​លើក​នេះ​វ៉ៃ​មិន​ទាន់​បាន​ឡាន នៅ​ពេល​ខាង​មុខ​ទៀត​ដូច​ជា​នៅ​ប្រទេស​ព័រទុយហ្គាល់ ក្រិក និង​ប្រទេស​ច្រើន​ទៀត។ ប្អូន​ហ៊ាន​គ្រប់​កាលៈ​ទេសៈ ងាយ​នឹង​ទាក់​ទង ងាយ​នឹង​និយាយ​គ្នា ងាយ​នឹង​ស្តាប់​បាន។ អីចឹង​ខ្ញុំ​​នឹង​លើក​ទឹក​ចិត្ត​ប្អូន​បន្ត​ទៀត ប្អូន​កុំ​មាន​ការ​បាក់​ទឹក​ចិត្ត ប្រាក់​រង្វាន់​គឺ​ប្រាក់​រង្វាន់​ហើយ ប្រាក់​រង្វាន់​ និង​ឡាន​ខុស​គ្នា ប៉ុន្តែ​​ប្អូន​ត្រូវ​តែ​ទៅ​ទៀត។ នៅ​ពេល​វេលា​ណា​មួយ​ដ៏​សម​ស្រប ប្អូន​នឹង​ទទួល​បាន​ជោគជ័យ»។

ឈឿង ល្វៃ ជា​កីឡាករ​ឃីក​បុក​ស៊ីង​ជម្រើស​ជាតិ​កម្ពុជា​ដែល​បាន​ចេញ​ប្រកួត​លើ​ឆាក​អន្តរជាតិ​នា​ប៉ុន្មាន​ឆ្នាំ​ចុង​ក្រោយ​នេះ។ រូប​គេ​បាន​ឈ្នះ​មេដាយ​ប្រាក់​កីឡា​ស៊ីហ្គេម ឆ្នាំ​២០២១ នៅ​ប្រទេស​វៀតណាម និង​ឈ្នះ​មេដាយ​មាស​កីឡា​ស៊ីហ្គេម ឆ្នាំ​២០២៣ នៅ​ប្រទេស​កម្ពុជា។ ​រូប​គេ​បាន​ឈ្នះ​មេដាយ​ប្រាក់​ពី​ការ​ប្រកួត​កីឡា​ឃីក​បុក​ស៊ីង​ជើង​ឯក​អាស៊ី​ ឆ្នាំ​២០២២ នៅ​ប្រទេស​ថៃ​ដែល​ពេល​នោះ កម្ពុជា​ បាន​ឈ្នះ​មេដាយ​ចំនួន​១២​គ្រឿង​គឺ​មាស​២ ប្រាក់​៥ និង​សំរិទ្ធ​៥។

ជា​មួយ​គ្នា​នេះ ឈឿង ល្វៃ បាន​ឈ្នះ​ខ្សែ​ក្រវាត់​ពិភព​លោក I-1 WORLD នៅ​ទី​ក្រុង​ហុងកុង និង​បាន​ឈ្នះ​ខ្សែ​ក្រវាត់​គុន​ខ្មែរ​ពិភព​លោក ISKA ព្រម​ទាំង​ខ្សែ​ក្រវាត់ និង​ពាន​រង្វាន់​មួយ​ចំនួន​ទៀត។

នៅ​ថ្ងៃ​ទី​២ ខែ​មិថុនា ខាង​មុ​ខ​នេះ ឈឿង ល្វៃ នឹង​ប្រកួត​ដណ្តើម​ខ្សែ​ក្រវាត់​គុន​ខ្មែរ​ពិភព​លោក​ជា​មួយ​កីឡាករ​បារាំង Omar Samb។ ប្រសិន​បើ​រូប​គេទទួល​បាន​ជ័យជម្នះ​អាច​នឹង​ក្លាយ​ជា​ខ្សែ​ក្រវាត់​អន្តរជាតិ​ទី​២ ខណៈ​មាន​ទីផ្សារ​អន្តរជាតិ​ជា​ច្រើន​ទៀត​កំពុង​រង់​ចាំ​កីឡាករ​ដែល​មាន​ដើម​កំណើត​នៅ​ខេត្ត​កំពង់ធំ​រូប​នេះ​ចេញ​ទៅ​ប្រកួត៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៥ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៥ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៨ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៨ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៨ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៣ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម