Connect with us

ព័ត៌មានអន្ដរជាតិ

អាមេរិក ប្រហារជីវិតអ្នកទោសច្រើនបំផុត មិនធ្លាប់មាន ក្នុងរយៈពេល៥ឆ្នាំ

បានផុស

នៅ

កាលពីថ្ងៃពុធទី២៩ខែឧសភា អង្គការលើកលែងទោសអន្តរជាតិ បានចេញរបាយការណ៍ថ្មីមួយ ដែលបង្ហាញថា ឆ្នាំមុន សហរដ្ឋអាមេរិក បានអនុវត្តការប្រហារជីវិតអ្នកទោស ក្នុងអត្រាខ្ពស់បំផុតមិនធ្លាប់មានសោះ គិតចាប់តាំងពីឆ្នាំ២០១៨មក។

(រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍, ឆ្នាំ២០២៣ មនុស្សចំនួន២៤នាក់ ត្រូវបានប្រហារជីវិតនៅសហរដ្ឋអាមេរិក ដោយនេះជាការកើនឡើង៣៣% បើធៀបនឹងឆ្នាំ២០២២ ដែលមានត្រឹម ១៨នាក់ប៉ុណ្ណោះ។

ក្នុង​ចំណោម​អ្នក​​ត្រូវប្រហារជីវិត​នៅ​អាមេរិក​កាល​ពី​ឆ្នាំ​មុន​គឺមាន Amber McLaughlin ជា​ស្ត្រី​កែ​ភេទ​ដំបូង​គេ ​ដែល​ត្រូវ​ប្រហារ​ជីវិត​ក្នុងប្រទេសនេះ។ ជាឃាតករនិងជាអ្នករំលោភសេពសន្ថវៈ, McLaughlin ត្រូវបានប្រហារជីវិតនៅរដ្ឋ Missouri ក្នុងខែមករាឆ្នាំ២០២៣ ខណៈដែលការប្រហារជីវិតអ្នកទោសទាំង២៤នាក់ គឺសុទ្ធតែប្រើថ្នាំចាក់សម្លាប់។

Amber McLaughlin (រូបថត៖ AP)

សូមបញ្ជាក់ថា រដ្ឋចំនួន២៧របស់សហរដ្ឋអាមេរិកនិងរដ្ឋាភិបាលសហព័ន្ធ បានអនុវត្តការប្រហារជីវិត ភាគច្រើនដោយការចាក់ថ្នាំ។ យ៉ាងណា រដ្ឋ Idaho, Mississippi, Oklahoma, South Carolina និង Utah ឥឡូវនេះ បានអនុញ្ញាតឲ្យមានការប្រហារជីវិតដោយបាញ់សម្លាប់នឹងកាំភ្លើង ចំណែកឯរដ្ឋ Alabama, Arkansas, Florida, Kentucky, Mississippi, Oklahoma, South Carolina និង Tennessee អនុញ្ញាតឲ្យប្រើប្រាស់កៅអីឆក់ រីឯរដ្ឋចំនួន៧ រួមទាំង Alabama ផងនោះ អនុញ្ញាតឲ្យប្រើប្រាស់បន្ទប់បាញ់ឧស្ម័នចូល។

បើគិតជាសកល អង្គការលើកលែងទោសអន្តរជាតិប៉ាន់ប្រមាណថា មានការប្រហារជីវិតអ្នកទោសចំនួន ១ ១៥៣នាក់ នៅក្នុងឆ្នាំ២០២៣ ពោលគឺកើនជាង ៣០% បើធៀបនឹងឆ្នាំ២០២២ ហើយនេះគឺជាតួលេខខ្ពស់បំផុត មិនធ្លាប់មានសោះចាប់តាំងពីឆ្នាំ២០១៥មក ដែលកាលនោះ អ្នកទោសចំនួន ១ ៦៣៤នាក់ ត្រូវបានប្រហារជីវិត៕

អត្ថបទ៖ សុខ សុវណ្ណ

ចុចអាន៖ អ៊ីរ៉ង់ ប្រហារជីវិតមនុស្ស៤នាក់ ព្រោះធ្វើការឲ្យអ៊ីស្រាអែល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៥ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៣ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម