Connect with us

វប្បធម៌ ជំនឿ

ការសម្ដែង អាយ៉ៃជំនាន់ថ្មី “Ayai 5G” ល្ងាចនេះ លក់សំបុត្រអស់មុនកំណត់

បានផុស

នៅ

ខណៈសិល្បៈបុរាណ អាយ៉ៃ ហាក់ស្ងាត់បាត់មុខក្នុងសង្គមបច្ចុប្បន្ន ទន្ទឹមពេលអ្នកសិល្បៈអាយ៉ៃបានបាត់បង់ និងកាន់តែចាស់ទៅៗ ហើយមិនសូវមានអ្នកចង់រៀនវិជ្ជានេះបន្តដ្បិតមិនមានទីផ្សារនោះ ប៉ុន្តែ ការសម្ដែងអាយ៉ៃឆ្លើយឆ្លងជំនាន់ថ្មី នៅសាកលវិទ្យាល័យ ភូមិន្ទវិចិត្រសិល្បៈ (RUFA) នាល្ងាចថ្ងៃទី៣១ ខែឧសភា ឆ្នាំ២០២៤នេះ បែរជាបានលក់សំបុត្រអស់ មុនកាលកំណត់មិនគួរឱ្យជឿ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី លឹម សូលីន ឬហៅថា នាងស៊ូស៊ូ ជាជាអ្នកផ្ដួចផ្ដើមកម្មវិធី និងសិល្បការិនីអាយ៉ៃជំនាន់ថ្មី ច្រៀងដៃគូជាមួយព្រឹទ្ធាចារ្យអាយ៉ៃ ព្រហ្ម ម៉ាញ បានឱ្យ “កម្ពុជាថ្មី” ដឹងនៅថ្ងៃនេះថា មូលហេតុនៃការបង្កើត ទស្សនីយភាព “អាយ៉ៃហ្វាយជី” “Ayai 5G” វគ្គ​ “គ្រូខ្លាំង សិស្សខ្លឹម” គឺដើម្បីបង្កើតមាតិកាថ្មីៗដែលធ្វើបច្ចុប្បន្នភាពតាមជីវភាពរស់នៅ និងចំណង់ចំនូលចិត្តរបស់យុវជន ដោយប្រើបច្ចេកវិជ្ជាឱ្យបងប្អូនទាំងខ្មែរ និងបរទេស អាចរៀនច្រៀង និងបង្កើតអាយ៉ៃបានដោយងាយស្រួល និងឥតគិតថ្លៃ។

នៅពេលសំបុត្រអាយ៉ៃលក់អស់បែបនេះ អ្នកស្រី លឹម សូលីន មានរំភើបចិត្តរំភើប សប្បាយរីករាយដែលបានទទួលការគាំទ្រ ជាពិសេសនៅពេលឃើញបងប្អូនខ្មែរចង់ចូលរួមអភិរក្ស និងឃើញបរទរសចង់ដឹងចង់យល់ពីអាយ៉ៃខ្មែរបែបនេះ។ នាងស៊ូស៊ូ បញ្ជាក់ថា ល្ងាចនេះជាការសាកល្បងបង្ហាញថា អាយ៉ៃអាចសម្ដែងទម្រង់ថ្មី ហើយបើបរទេសយល់ និងឱ្យតំលៃ អ្នកស្រី នឹងជំរុញឱ្យផ្សព្វផ្សាយដល់អន្តរជាតិ។

ចំពោះគម្រោងបង្កើតកម្មវិធី អាយ៉ៃ លើកក្រោយនៅពេលណាទៀតនោះ នាងស៊ូស៊ូ មិនទាន់ដឹង ឬអាចកំណត់ច្បាស់លាស់បានទេ ដោយសារការរៀបចំកម្មវិធីត្រូវចំណាយថ្លៃណាស់។ អ្នកស្រី បានបញ្ជាក់ថា សូម្បីចំណូលពីការលក់សំបុត្រទាំងអស់ ក៏មិនរួចថ្លៃជួលឧបករណ៍បំពងសំឡេងផង អ៊ីចឹងគឺទាល់តែរកបាន អ្នកឧបត្ថម្ភធំ ទើបចេញវគ្គទី២។

អ្នកស្រី លឹម សូលីន បានឱ្យដឹងថា តាមគម្រោង គឺមាន មាតិកាដល់ទៅ ៥វគ្គ ឯណោះ ប៉ុន្តែតែខ្វះថវិកា។ ជាមួយគ្នានេះ ក្រុមការងារនឹងមានការរៃអង្គាសថវិការជាសាធារណៈ បន្ទាប់ពីកម្មវិធីវគ្គ១នេះ ដើម្បីបង្កើតជា វេទិកាឌីជីថលអាយ៉ៃជាសាធារណៈ និងមិនរកប្រាក់ចំណេញ សម្រាប់ការរៀន និងការផ្សាយជាភាសាខ្មែរ និងភាសាអង់គ្លេស។ នាងស៊ូស៊ូ ស្នើប្រជាពលរដ្ឋ ចូលរួមគាំទ្រសកម្មភាពទ្រទ្រង់សិល្បៈអាយ៉ៃ នៅខែមិថុនា ខាងមុខនេះ តាមលទ្ធភាព និងទឹកចិត្ត។

គួរបញ្ជាក់ថា អាយ៉ៃឆ្លើយឆ្លង ជាសិល្បៈប្រជាប្រិយខ្មែរមួយបែបដែលអ្នកច្រៀងមានភាពប៉ិនប្រសប់ខាង ជើងកាព្យ ចុងជួន សំនួនពាក្យ បញ្ញាស្មារតី មិនមានត្រៀមទុកជាមុន ដោយផ្តើមដោយភ្លេង បន្ទាប់មកច្រៀងដោយមិនមានភ្លេង ច្រៀងចប់ទើបភ្លេងផ្តើមប្រគំ គឺ បន្តាក់គ្នារវាងភ្លេង និងចំរៀង។ សិល្បៈអាយ៉ៃនេះ ចែកចេញជាពីរប្រភេទ គឺមានអាយ៉ៃឆ្លើយឆ្លង និង អាយ៉ៃរឿង។

អាយ៉ៃ ត្រូវបាន​ហៅតាមឈ្មោះអ្នកច្រៀងចម្រៀងនេះម្នាក់ដែលវោហាស័ព្ទពូកែណាស់​ ឈ្មោះ “តាយ៉ៃ” (១៨៧៨-១៩៥៨) មានស្រុក​កំណើត​នៅ​ភូមិ​ឈើ​នាង ឃុំព្រះនិព្វាន ស្រុកគងពិសី ខេត្ត​កំពង់​ស្ពឺ។​ ចាស់ៗជំនាន់នោះច្រើនហៅគ្នា​ទៅមើល ​អាយ៉ៃច្រៀងៗ ហើយក៏ជាប់ឈ្មោះសិល្បៈ “អាយ៉ៃ” ដល់បច្ចុប្បន្ន។

អ្នកចម្រៀងអាយ៉ៃកន្លងមកមានដូចជា៖ លោកស្មៀនឈិន តាសាលួត តាម៉ុក ស្មៀននៅ ស្មៀនយាន ស្មៀន ឈិន ឈៀង (កូនប្រុស លោកស្មៀន ឈិន) ស្មៀនឆេង ឯកឧត្តម ហ៊ុន ហេង ស្មៀនសាឡាត់ ស្មៀនមឿក លោក ជី វ៉ាន់ស៊ុយ នាយ សង់ស៊ីស អ្នកស្រី សារាំ ប៉ាក អ្នកស្រី កែវ សង្វាពេជ្រ អ្នកស្រី អ៊ុក សូផា (ភរិយាស្មៀន ឈិន ឈៀង)

អ្នកស្រី ប៉ក់ សំអុល អ្នកស្រី ណយ សំណាង អ្នកស្រី ព្រហ្ម ផល្លា អ្នកស្រី ណយ ស៊ីថា អ្នកស្រី ផល្លី (យាយខ្លី) អ្នកស្រី សួន សំអឿន (យាយអឿន) លោក ព្រហ្ម ម៉ាញ (ស្មៀនម៉ាញ) អ្នកស្រី នួន សារី (យាយយ៉យ) លោក ដួង សុខគា អ្នកស្រី ខាត់ សុឃីម ជាដើម៕

អត្ថបទ៖ ច័ន្ទ ​វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

វត្តតិក្ខប្បញ្ញោ រៀបចំពិធីសិតទៀនព្រះវស្សា និងបុណ្យផ្កាប្រាក់សាមគ្គី ដោយមានពុទ្ធបរិស័ទចូលរួមច្រើនកុះករ

ព័ត៌មានជាតិ៥ ម៉ោង មុន

លោក ឃួង ស្រេង៖ រដ្ឋាភិបាលបានកំណត់យ៉ាងច្បាស់ពីតម្លៃដ៏សំខាន់របស់ព្រៃឈើដែលមិនអាចកាត់ផ្តាច់ចេញពីវិស័យអាទិភាពរបស់រដ្ឋ

សេដ្ឋកិច្ច៦ ម៉ោង មុន

ក្រុមហ៊ុនខ្នាតយក្សផលិតរថយន្តអគ្គិសនី AION សម្ពោធរោងចក្រជាផ្លូវការនៅប្រទេសថៃ

ព័ត៌មានជាតិ៦ ម៉ោង មុន

អាជ្ញាធរខេត្តកំពត បន្តដាំដើមត្នោត ៤,៥ ពាន់ដើម លើផ្លូវខ្សែក្រវ៉ាត់ព្រំដែន កម្ពុជា-វៀតណាម

ព័ត៌មានជាតិ៦ ម៉ោង មុន

វគ្គ១.៥លាននាក់៖ សិក្ខាកាមសរសើរពីវគ្គបណ្តុះបណ្តាលជំនាញ “សម្ភារៈទំនើបគ្រប់គ្រាន់ សិក្សាទាំងទ្រឹស្តី និងអនុវត្តផ្ទាល់” ដែលអាចមានជំនាញពិតប្រាកដ

ព័ត៌មានជាតិ១៣ ម៉ោង មុន

អាជ្ញាធរខេត្តបាត់ដំបងប្រកាស ត្រៀមរៀបចំទីទួលសុវត្ថិភាពជូនពលរដ្ឋ ខណៈកម្ពស់ទឹកបន្តកើនឡើងជិតដល់កម្រិតឱ្យប្រុងប្រយ័ត្ន

ព័ត៌មានជាតិ១៥ ម៉ោង មុន

កម្ពុជាទទួលរងឥទ្ធិពលព្យុះ «ហ្គ្សាមី» បណ្ដាលឱ្យមានភ្លៀងធ្លាក់ និងខ្យល់កន្ត្រាក់

កីឡា៧ ម៉ោង មុន

ប៊ីវីអឹម​ សហការជាមួយ វិទ្យាល័យជាស៊ីមព្រែកអញ្ចាញ រៀបចំកម្មវិធី “រត់ដើម្បីសុខភាពសហគមន៍”

សេដ្ឋកិច្ច៦ ម៉ោង មុន

ក្រុមហ៊ុនខ្នាតយក្សផលិតរថយន្តអគ្គិសនី AION សម្ពោធរោងចក្រជាផ្លូវការនៅប្រទេសថៃ

សន្តិសុខសង្គម៨ ម៉ោង មុន

ទំនាស់ពាក្យសម្ដីក្នុងវង់ផឹកស៊ី ទាញកាំបិតចាក់សម្លាប់ស្លាប់ម្នាក់

Sokha Hotels

ព័ត៌មានពេញនិយម