ព័ត៌មានជាតិ
UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌
ករណីឡានទំនើបបុកម៉ូតូ នៅក្នុងបុរីសៀងណាំ បណ្តាលឱ្យបុរសម្នាក់រងរបួសធ្ងន់រហូតឈានដល់ស្លាប់ក្នុងមន្ទីរពេទ្យនោះ គ្រួសារជនរងគ្រោះបានទៅដាក់ពាក្យបណ្តឹងទៅកាន់ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប បន្ទាប់ពីភាគីជនបង្កចង់ឱ្យសំណងជំងឺចិត្តចំនួន ៣លានរៀល ដើម្បីបញ្ចប់រឿង។
![](https://www.kampucheathmey.com/wp-content/uploads/2024/05/986565-1024x614.jpg)
បើតាមសាក្សីនៅកន្លែងកើតហេតុ បានឱ្យដឹងថា នៅវេលាម៉ោង ៧៖៣០នាទី ថ្ងៃទី២៨ ខែឧសភា ឆ្នាំ២០២៤ ចំណុចផ្លូវលេខ១៥ ក្នុងបុរីសៀងណាំ ភូមិខ្នារ សង្កាត់ជ្រាវ ក្រុងសៀមរាប មានរថយន្តទំនើប ១គ្រឿងពណ៌ខ្មៅ ពាក់ស្លាកលេខកម្ពុជា បានបើកចេញពីផ្ទះ លោកស្រី លី អ៊ុអេង អតីតអនុប្រធានសភាពាណិជ្ជកម្មខេត្តសៀមរាប និងជាអ្នកជំនួញដីធ្លីដ៏មានឥទ្ធិពលម្នាក់ បានបោះពួយលឿនជ្រុលទៅបុកម៉ូតូដែលកំពុងឆ្លងផ្លូវបណ្ដាលឱ្យរងរបួសធ្ងន់ (បាក់ចង្កេះ) ដោយគ្មានអ្នកបញ្ជូនទៅមន្ទីរពេទ្យអស់រយៈពេលជាងមួយម៉ោង ហើយបានស្លាប់ ខណៈបញ្ជូនដល់មន្ទីរពេទ្យ បានប្រហែលជាង ២ម៉ោង។ សាក្សីបានឱ្យដឹងទៀតថា ដោយសារឃើញគ្រួសារជនរងគ្រោះក្រីក្រ ទើបគ្រួសារអ្នកជំនួញដីធ្លីរូបនោះធ្វើទង្វើមិនសមរម្យ ក្អេងក្អាង ពោលគឺបុកហើយនៅឈរមើលជនរងគ្រោះដែលកំពុងដួលស្តូកស្តឹងទៀតផង។
ចំណែក កូនប្រុសរបស់ជនរងគ្រោះ បានឱ្យដឹងនៅព្រឹកថ្ងៃទី២៩ ខែឧសភា ថា ឪពុករបស់ខ្លួនមានឈ្មោះ គល់ ហ៊ៅ អាយុ ៦៤ឆ្នាំ មុខរបរឃ្វាលគោឱ្យមេការក្នុងបុរីសៀងណាំ និងគោរបស់គាត់ខ្លះ។ បច្ចុប្បន្នក្រុមគ្រួសារបានរៀបចំធ្វើពិធីបុណ្យសពឱ្យឪពុករបស់ខ្លួននៅភូមិព្រៃក្រូច សង្កាត់ក្របីរៀល ក្រុងសៀមរាប ទៅតាមគន្លងប្រពៃណី។ កូនប្រុសជនរងគ្រោះបានបញ្ជាក់ឱ្យដឹងថា បន្ទាប់ពីកើតហេតុមួយសន្ទុះធំ ក៏បញ្ជូនឪពុករបស់ខ្លួនទៅព្យាបាលនៅមន្ទីរពេទ្យបង្អែកខេត្តសៀមរាប តែបន្ទាប់ពីព្យាបាលអស់ជាង ២ម៉ោង ឪពុករបស់ខ្លួនក៏ស្លាប់បាត់បង់ជីវិតនៅមន្ទីរពេទ្យតែម្ដង។
![](https://www.kampucheathmey.com/wp-content/uploads/2024/05/image-1823-edited.png)
កូនជនរងគ្រោះបន្តទៀតថា នៅថ្ងៃបន្ទាប់ គឺថ្ងៃទី២៩ ឃើញមានភាគីជនបង្កមកសម្រួលដល់កន្លែងបុណ្យសពដែរ ដោយគ្រួសារជនបង្កហ៊ានជួយបង់សំណងជំងឺចិត្តត្រឹមតែ ៣លានរៀល ប៉ុណ្ណោះ ទើបការសម្របសម្រួលគ្នានេះមិនអាចបញ្ចប់ទៅបានដោយសារតែគ្រួសារជនរងគ្រោះថាលុយប៉ុណ្ណឹងគ្រាន់ចូលពេទ្យអស់បាត់ទៅហើយ ចុះទម្រាំថ្លៃធ្វើបុណ្យទៀតនោះវាមិនគ្រប់ទេ ហើយពួកគាត់ស្នើសុំ ៨លានរៀលដើម្បីទុកធ្វើបុណ្យសពឱ្យរួចរាល់។
ដោយឡែក នៅថ្ងៃទី៣០ ខែឧសភា ឆ្នាំ២០២៤ នេះ គ្រួសាររងគ្រោះបានឱ្យដឹងថា ករណីគ្រោះថ្នាក់ចរាចរណ៍នេះ ពួកគាត់មិនយល់ព្រមតាមគ្រួសារជនបង្កនោះទេ ដោយបានទៅទៅដាក់ពាក្យបណ្តឹងទៅកាន់ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប ជាពិសេស ស្ថាប័នតុលាការខេត្តសៀមរាប មេត្តាជួយរកភាពយុត្តិធម៌ និងផ្តល់សំណងសមរម្យដល់គ្រួសារពួកគាត់ផង។
រីឯមន្ត្រីផ្នែកច្បាប់ បានលើកឡើងថា ករណីបុកបណ្តាលឱ្យរបួសធ្ងន់បាក់ដៃ,បាក់ជើង និងអាចឈានដល់ស្លាប់ ក្នុងនាមជាមន្ត្រីនគរបាលយុត្តិធម៌ ត្រូវធ្វើអ្វី ពួកគេគួរតែដឹងហើយមិនបាច់ចាំគាត់ធ្វើអត្ថាធិប្បាយនោះទេ ហើយសំណុំរឿងគ្រោះថ្នាក់ចរាចរណ៍បែបនេះ ក៏មិនគួរទុកបណ្តែតបណ្តោយឱ្យជនបង្ករួចពីសំណាញ់ច្បាប់នោះដែរ៕
ដោយ៖ជុន កុសល
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១៤ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សេដ្ឋកិច្ច៩ ម៉ោង ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ១ សប្តាហ៍ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ