សន្តិសុខសង្គម

គោលដៅក្រុមក្មេងទំនើងនៅក្រុងខេមរភូមិន្ទ ត្រូវបានកម្លាំងជំនាញកំណត់រួចរាល់ហើយ

បានផុស

២ years មុន

នៅ

ថ្ងៃព្រហស្បតិ៍ ៣០ ឧសភា ២០២៤

ដោយ

គោលដៅភូមិសាស្ត្រដែលក្រុមក្មេងទំនើងនៅក្រុងខេមរភូមិន្ទ លួចធ្វើសកម្មភាពបង្កអសន្តិសុខសណ្ដាប់ធ្នាប់ ត្រូវបានកម្លាំងជំនាញកំណត់រួចរាល់ហើយ។ នេះបើតាមការបញ្ជាក់របស់លោកអធិការនគរបាលក្រុងខេមរភូមិន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកម្លាំងជំនាញដែលមានជាឯកសណ្ឋាន និងជាស៊ីវិលផងនោះ បានត្រៀមលក្ខណៈគ្រប់ពេលវេលា ដើម្បីចុះបង្ក្រាបក្រុមក្មេងទំនើងធ្វើសកម្មភាពអំពើហិង្សា ឬប្រព្រឹត្តផ្សេងៗ ក្នុងមូលដ្ឋានភូមិសាស្ត្របានកំណត់។

លោកវរសេនីយ៍ឯក យស់ ចាន់វិចិត្រ អធិការនគរបាលក្រុងខេមរភូមិន្ទ បានឱ្យកម្ពុជាថ្មីដឹងនៅថ្ងៃទី ៣០ ខែឧសភា ឆ្នាំ ២០២៤ នេះថា សព្វថ្ងៃ ស្ថានភាពក្នុងមូលដ្ឋានល្អប្រសើរណាស់ មិនមានក្មេងទំនើងធ្វើសកម្មភាពអុកឡុកហិង្សាធ្ងន់ធ្ងរដូចនៅរាជធានីភ្នំពេញ ឬខេត្តដែលមានប្រជាពលរដ្ឋច្រើននោះទេ។

លោកអធិការនគរបាលក្រុងខេមរភូមិន្ទ បន្ថែមថា សមត្ថកិច្ចរបស់លោកបានគ្រប់គ្រង និងកំណត់មុខសញ្ញាបានចំពោះក្រុមក្មេងទំនើង និងទីតាំងគោលដៅពួកគេតែងតែធ្វើសកម្មភាព ទោះបីជាក្រុមក្មេងទំនើងមួយចំនួន បានចេញពីពន្ធនាគារខ្លះហើយក៏ដោយ។

លោក ចាន់វិចិត្រ លើកឡើងទៀតថា ៣ ឆ្នាំមុន មានក្រុមក្មេងទំនើងជាច្រើន បានបែងចែកឈ្មោះក្រុម ៣២ ក្រុម ៣៨០ និងក្រុមខារ៉ាប៉ាវ ធ្វើសកម្មភាពប្រើអំពើហិង្សាបង្កការភ័យខ្លាចដល់ប្រជាពលរដ្ឋ ប៉ុន្តែពួកគេក៏ត្រូវបានបង្ក្រាបចាប់បញ្ជូនទៅពន្ធនាគារអស់ហើយដែរ។

ឆ្លើយតបនឹងបទបញ្ជារបស់ប្រមុខរាជរដ្ឋាភិបាលកម្ពុជា ក្រសួងមហាផ្ទៃ អគ្គស្នងការនគរបាលជាតិ និងស្នងការនគរបាលខេត្តកោះកុង កងកម្លាំងជំនាញអធិការក្រុងខេមរភូមិន្ទ និងប៉ុស្តិ៍នគរបាលរដ្ឋបាលទាំង ៣ នឹងបន្តល្បាតកំណត់មុខសញ្ញាបន្ថែមទៀតចំពោះក្មេងទំនើង៕

អត្ថបទ ៖ សិរីវឌ្ឍនៈ