ក្រុមតាលីបង់ ចាប់រំលោភនិងធ្វើបាប សូម្បីបុរសភេទទី៣

បុរសភេទទី៣ម្នាក់ បានប្រាប់ពីរឿងហេតុដែលគាត់ ត្រូវបានធ្វើបាបនិងចាប់រំលោភដោយសមាជិកក្រុមតាលីបង់ បន្ទាប់ពីពួកគេបានប្រើប្រាស់ប្រព័ន្ធផ្សព្វផ្សាយសង្គមដើម្បីលួងលោមគាត់ឲ្យទៅជួប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ជនជាតិអាហ្វហ្គានីស្ថានរូបនេះបានរួចរស់ជីវិតពីការវាយប្រហារដ៏ឃោរឃៅ ប៉ុន្តែបច្ចុប្បន្ន គាត់នៅតែមានអារម្មណ៍តក់ស្លុតចំពោះហេតុការណ៍នេះ។

យោងតាមទូរទស្សន៍ ITV, ជនរងគ្រោះបានចាញ់បោក បន្ទាប់ពីនិយាយជាមួយបុរសម្នាក់ទៀតតាមអ៊ីនធើណិតអស់រយៈពេលជាច្រើនសប្តាហ៍។ គាត់គិតថា គាត់ត្រូវបានគេសន្យាថានឹងនាំឆ្លងកាត់ដោយសុវត្ថិភាពចេញពីប្រទេសដែលមានវិបត្តិ។

ផ្ទុយទៅវិញ គាត់ត្រូវបានគេនាំទៅជួបពួកតាលីបង់ពីរនាក់ ដែលបានរំលោភបំពានគាត់យ៉ាងឃោរឃៅ។

លោក Artemis Akbary សកម្មជនដែលមានមូលដ្ឋាននៅប្រទេសទួរគីបានប្រាប់ ITV ថា ការគំរាមកំហែងដល់អាយុជីវិតចំពោះជនជាតិអាហ្វហ្គានីស្ថានស្រឡាញ់ភេទដូចគ្នា គឺកាន់តែរីកធំឡើងៗ បន្ទាប់ពីក្រុមតាលីបង់ចូលកាន់កាប់ប្រទេស។

លោកនិយាយថា “ពួកគេកំពុងព្យាយាមប្រាប់ពិភពលោកថា ពួកគេផ្លាស់ប្តូរហើយ ពួកគេមិនមានបញ្ហាជាមួយសិទ្ធិស្ត្រីឬសិទ្ធិមនុស្សទេ ប៉ុន្តែពួកគេកំពុងនិយាយកុហក។ ក្រុមតាលីបង់មិនផ្លាស់ប្តូរទេ ព្រោះមនោគមវិជ្ជារបស់ពួកគេមិនផ្លាស់ប្តូរឡើយ”។

គួរបញ្ជាក់ថា មនោគមន៍វិជ្ជាតាលីបង់ចាត់ទុកមនុស្សស្រលាញ់ភេទដូចគ្នា ជាក្រុមខុសច្បាប់ហើយ នឹងត្រូវផ្តន្ទាទោសប្រហារជីវិតក្រោមការគ្រប់គ្រងរបស់ខ្លួន៕

ប្រែសម្រួល៖ Vann Vann

ប្រភព៖ Daily Star

ចុចអាន៖ តាលីបង់ រៀបគម្រោងសម្លាប់មេដឹកនាំចលនាតស៊ូប្រដាប់អាវុធ អាហ្វហ្គានីស្ថាន ក្រោយមើលងាយរដ្ឋាភិបាលថ្មី