ព័ត៌មានអន្ដរជាតិ

តម្លៃព្យាបាលអ្នកជំងឺកូវីដមិនទាន់ចាក់វ៉ាក់សាំងនៅអាមេរិកម្នាក់ៗខ្ទង់២ម៉ឺនដុល្លារ

បានផុស

៥ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

តាមការវិភាគថ្មីមួយចេញផ្សាយនៅថ្ងៃអង្គារ៍ដោយបានប៉ាន់ស្មានពីចំនួនទឹកប្រាក់ចំណាយលើការព្យាបាលអ្នកជំងឺកូវីដ-១៩អាមេរិកដែលមិនទាន់ចាក់វ៉ាក់សាំងគឺ ៥.៧ប៊ីលានដុល្លារអាមេរិកក្នុងរយៈពេលត្រឹមតែ៣ខែចុងក្រោយ។

នេះជាទិន្នន័យថ្មីបំផុតដែលគណនាចំពេលកើនឡើងអ្នកឆ្លងកូវីដចូលមន្ទីរពេទ្យនៅក្នុងខែសីហាដែលការសិក្សាបានប៉ាន់ស្មានពីការចំណាយចំនួន ៣.៧ប៊ីលានដុល្លារអាមេរិកត្រឹមមួយខែ។

ការវិភាគទិន្នន័យរបស់ មូលនិធិគ្រួសារ Kaiser (KFF) បានរកឃើញដោយប្រើប្រាស់ទិន្នន័យពីមជ្ឈមណ្ឌលសេវាកម្មថែទាំ Medicare និង Medicaid ព្រមទាំងការសិក្សាជាច្រើនទៀតពីតម្លៃព្យាបាលថា តម្លៃព្យាបាលអ្នកជំងឺកូវីដដែលអាចការពារបាននៅមន្ទីរពេទ្យម្នាក់ៗអស់ប្រហែលជា២ម៉ឺនដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការវិភាគទិន្នន័យរបស់ KFF ពីក្រសួងសុខាភិបាល និងសេវាមនុស្សជាតិអាមេរិក និងពីមជ្ឈមណ្ឌលគ្រប់គ្រង និងបង្ការជំងឺឆ្លង (CDC) បង្ហាញថា អាមេរិកមានអ្នកជំងឺកូវីដចូលមន្ទីរពេទ្យដែលអាចការពារបានចំនួន ២៨៧ ០០០នាក់ពីខែមិថុនា និងសីហា។

អ្នកធ្វើការសិក្សាបានប្រើអ្នកជំងឺចូលមន្ទីរពេទ្យដែលអាច«ការពារបាន»គឺសំដៅទៅលើអ្នកជំងឺកូវីដដែលមិនទាន់ចាក់វ៉ាក់សាំងសម្រាប់ការព្យាបាលនៅមន្ទីរពេទ្យកម្រិតបឋម ខណៈការគណនាសម្រាប់ការឆ្លងក្រោយពេលចាក់វ៉ាក់សាំងក៏ត្រូវបានគេរំពឹងទុក ប្រសិនបើប្រជាជនចាក់វ៉ាក់សាំងរួច។

ចំនួនទាំងនេះរួមបញ្ចូលគ្នាគឺការចំណាយសរុបអស់៥.៧ប៊ីលានដុល្លារអាមេរិកលើអ្នកជំងឺចូលមន្ទីរពេទ្យដែលអាចការពារបានក្នុងរយៈពេលតែ៣ខែចុងក្រោយ។ អ្នកស្រាវជ្រាវបាននិយាយថា ចំនួននេះគឺទំនងជាការប៉ាន់ស្មានលើទំហំចំណាយចុងក្រោយ។

«តួលេខប្រហាក់ប្រហែលគ្នានេះទំនងជាការវាយតម្លៃទាបនៃបន្ទុកចំណាយលើការព្យាបាលអ្នកជំងឺកូវីដធំពេញវ័យដែលមិនទាន់ចាក់វ៉ាក់សាំង»។ អ្នកស្រីស្រាវជ្រាវបាននិយាយ។

ការសិក្សាមិនបានគិតទៅលើថ្លៃព្យាបាលអ្នកជំងឺនៅខាងក្រៅទេ ហើយទិន្នន័យខ្លះបង្ហាញពីថ្លៃព្យាបាលអ្នកជំងឺកូវីដនៅមន្ទីរពេទ្យប្រហែលជាខ្ពស់ជាង២ម៉ឺនដុល្លារអាមេរិកថែមទៀត៕

ប្រែសម្រួល៖ វីរបុត្រ
ប្រភព៖ CNN