ព័ត៌មានអន្ដរជាតិ
ចិន ថ្កោលទោសកិច្ចព្រមព្រៀង នាវាមុជទឹកនុយក្លេអ៊ែរ អូ ស្ត្រាលី-អាមេរិក
សម្ព័ន្ធភាពថ្មីរបស់សហរដ្ឋអាមេរិក ជាមួយអូស្ត្រាលីនិងអង់គ្លេស ដែលក្នុងនោះរដ្ឋាភិបាលក្រុងកង់បេរ៉ា នឹងទទួលបានបច្ចេកវិទ្យានាវាមុជទឹកនុយក្លេអ៊ែរ ត្រូវបានទីក្រុងប៉េកាំង ថ្កោលទោសថាជាការគំរាមកំហែង គ្មានទំនួលខុសត្រូវទាល់តែសោះ ចំពោះស្ថិរភាពក្នុងតំបន់។
អ្នកនាំពាក្យក្រសួងការបរទេសចិនលោក Zhao Lijian បានប្រាប់សន្និសីទសារព័ត៌មាន នៅថ្ងៃព្រហស្បតិ៍ទី១៦ខែកញ្ញាថា កិច្ចព្រមព្រៀងនេះ ធ្វើឲ្យប៉ះពាល់យ៉ាងធ្ងន់ធ្ងរ ដល់សន្តិភាពនិងស្ថិរភាពក្នុងតំបន់និងបង្កើនការប្រកួតប្រជែងអាវុធ។
ទោះសម្ព័ន្ធមិត្តលោកខាងលិច មិនបាននិយាយចំឈ្មោះចិន នៅពេលបង្ហាញពីកិច្ចព្រមព្រៀងនាវាមុជទឹកនេះក៏ដោយ ប៉ុន្តែចេតនារបស់ពួកគេគឺច្បាស់ណាស់ សំដៅទៅលើប្រទេសចិន។
សេចក្តីប្រកាសនេះបានកើតឡើង ខណៈអូស្ត្រាលី បង្កើនការចំណាយលើវិស័យការពារជាតិ ជាមួយការប្រយ័ត្នប្រយែងចំពោះការកើនឡើងនៃឥទ្ធិពលរបស់ចិន។
សម្ព័ន្ធភាពនេះ ត្រូវបានគេមើលឃើញថា ជាការប៉ុនប៉ងទប់ទល់នឹងការរីកចម្រើនផ្នែកសេដ្ឋកិច្ចនិងយោធារបស់ចិន នៅក្នុងតំបន់អាស៊ីប៉ាស៊ីហ្វិក។
លោក Zhao និយាយថា “ការនាំចេញបច្ចេកវិទ្យានាវាមុជទឹកនុយក្លេអ៊ែរដ៏រសើប ដោយសហរដ្ឋអាមេរិកនិងចក្រភពអង់គ្លេសទៅឲ្យ អូស្ត្រាលី បានបង្ហាញជាថ្មីម្តងទៀតថា ពួកគេប្រើប្រាស់ការនាំចេញនុយក្លេអ៊ែរ ជាឧបករណ៍នៃល្បែងភូមិសាស្ត្រនយោបាយ និងប្រកាន់យកស្តង់ដារទ្វេដងដែលគ្មានការទទួលខុសត្រូវ”។
លោកបានបន្ថែមថា កិច្ចព្រមព្រៀងនេះបាននាំឲ្យបណ្តាប្រទេសក្នុងតំបន់ ចោទសួរអំពីភាពស្មោះត្រង់របស់អូស្ត្រាលី ក្នុងការគោរពតាមការប្តេជ្ញាចិត្ត មិនរីកសាយអាវុធនុយក្លេអ៊ែររបស់ខ្លួន៕
ប្រែសម្រួល៖ Vann Vann
ប្រភព៖ CNA
ចុចអាន៖ ៣ប្រទេសធំៗ បង្កើតកិច្ចព្រមព្រៀងការពារជាតិជាប្រវត្តិសាស្រ្ត ដើម្បីទប់ទល់ជាមួយ ចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ