ព័ត៌មានអន្ដរជាតិ
វ៉ាក់សាំង Sinopharm មានសុវត្ថិភាព ចំពោះកុមារអាយុ ៣ឆ្នាំ
ក្រុមហ៊ុនផលិតវ៉ាក់សាំងឈានមុខមួយរបស់ប្រទេសចិន Sinopharm បានបញ្ចេញទិន្នន័យថ្មីដែលបង្ហាញថា វ៉ាក់សាំងកូវីដរបស់ខ្លួន អាចចាក់ដល់កុមារចាប់ពីអាយុ៣ឆ្នាំឡើង ដោយសុវត្ថិភាព។
ទិន្នន័យនេះ ត្រូវបានចេញផ្សាយចំពេល ការផ្ទុះឡើងថ្មី ដែលពាក់ព័ន្ធនឹងសិស្សថ្នាក់មត្តេយ្យនិងបឋមសិក្សា បានចោទជាសំណួរថាតើ ពេលណាទើបការចាក់ថ្នាំបង្ការនឹងត្រូវពង្រីកដល់ក្រុមអាយុនេះ។
ទិន្នន័យពីការសាកល្បងគ្លីនិកដំណាក់កាលទី ១ និងទី ២ ដែលចុះផ្សាយនៅក្នុងទស្សនាវដ្តី The Lancet Infectious Diseases នៅសប្តាហ៍នេះ បានបង្ហាញថា វ៉ាក់សាំងដែលបង្កើតឡើងដោយវិទ្យាស្ថានផលិតផលជីវសាស្រ្តប៉េកាំងរបស់ក្រុមហ៊ុន Sinopharm មានសុវត្ថិភាពចំពោះអ្នកចូលរួមដែលមានអាយុពី ៣ ទៅ ១៧ ឆ្នាំ។
ការចាក់វ៉ាក់សាំង BBIBP-CorV ចំនួន២ដូស ត្រូវបានគេប្រើយ៉ាងទូលំទូលាយ នៅក្នុងកម្មវិធីចាក់វ៉ាក់សាំងរបស់ប្រទេសចិន ដែលត្រូវបានពង្រីកដល់ក្មេងអាយុ ១២ ឆ្នាំរួចទៅហើយ។
ប៉ុន្តែការស្រាវជ្រាវដែលធ្វើឡើងដោយអ្នកវិទ្យាសាស្រ្ត មកពីមជ្ឈមណ្ឌលគ្រប់គ្រងនិងបង្ការជំងឺចិន និងក្រុមហ៊ុនផលិតវ៉ាក់សាំង គឺមិនមានទិន្នន័យស្តីពីការឆ្លើយតបនៃប្រព័ន្ធភាពស៊ាំទៅនឹងវីរុសបំប្លែងខ្លួនទេ។
ក្រុមអ្នកវិទ្យាសាស្រ្ត និយាយថា ទិន្នន័យបន្ថែម នឹងត្រូវប្រមូលនៅក្នុងការសិក្សាដំណាក់កាលទី ៣ ក្នុងប្រទេសអារ៉ាប់រួម ដែលនៅទីនោះ កុមារចាប់ពីអាយុ ៣ ឆ្នាំ ត្រូវបានដាក់បញ្ចូលក្នុងកម្មវិធីចាក់ថ្នាំបង្ការ។
គួរបញ្ជាក់ថា ការសាកល្បងវ៉ាក់សាំង Sinopharm ដែលធ្វើឡើងនៅខេត្ត Henan គឺមានការចូលរួមពីកុមារចំនួន ២៨៨ នាក់នៅក្នុងដំណាក់កាលទី ១ និង ៧២០ នាក់នៅក្នុងដំណាក់កាលទី ២។ ប្រតិកម្មមិនល្អគឺភាគច្រើនពីស្រាលទៅមធ្យម ហើយមានប្រតិកម្មអាឡ័កស៊ីធ្ងន់ធ្ងរតែមួយគត់ ក្នុងចំណោមកុមារដែលមានប្រវត្តិអាឡ័កស៊ីអាហារ៕
ប្រែសម្រួល៖ Vann Vann
ប្រភព៖ SCMP
ចុចអាន៖ ចិន បង្កើតវ៉ាក់សាំងថ្មី កម្ចាត់ Delta
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)