Connect with us

ព័ត៌មានអន្ដរជាតិ

មេដឹកនាំតាលីបង់ ស្វែងរកជំនួយបរទេសសម្រាប់ជនភៀសខ្លួន អាហ្វហ្គានីស្ថាន

បានផុស

នៅ

មេដឹកនាំតាលីបង់ បានជំរុញឲ្យមានសកម្មភាពនិងជំនួយពីសហគមន៍អន្តរជាតិ រួមទាំងទីភ្នាក់ងារម្ចាស់ជំនួយផងដែរ ដើម្បីជួយជនភៀសខ្លួនអាហ្វហ្គានីស្ថាន មុនរដូវរងាចូលមកដល់។

ប៉ុន្មានថ្ងៃចុងក្រោយនេះ ក្រុមជំនួយបានព្រមានថា អាហ្វហ្គានីស្ថាន កំពុងប្រឈមមុខនឹងវិបត្តិមនុស្សធម៌ ប្រសិនបើជំនួយនិងធនធានមិនត្រូវបានបញ្ជូនមកប្រទេសនេះទេនោះ។

The UN has warned Afghanistan faces an 'impending humanitarian crisis' [File: Haroon Sabawoon/Anadolu Agency]

យោងតាមកម្មវិធីស្បៀងអាហារពិភពលោករបស់អង្គការសហប្រជាជាតិ បានបង្ហាញថា ភាពក្រីក្រអាចកើនឡើងដល់៩៧ភាគរយ នៅត្រឹមពាក់កណ្តាលឆ្នាំក្រោយ ដោយសារគ្រោះទុរ្ភិក្សនិងគ្រោះរាំងស្ងួត បង្ខំឲ្យមនុស្សរាប់ពាន់នាក់ផ្លាស់ទៅទីក្រុងនានា ដើម្បីស្វែងរកកន្លែងជ្រកកោន។

ក្នុងបទសម្ភាសន៍ជាមួយ Al Jazeera, រដ្ឋមន្ត្រីទទួលបន្ទុកជនភៀសខ្លួនតាលីបង់ លោក Khalil-ur-Rahman Haqqani បាននិយាយថា ខណៈមនុស្សរាប់ពាន់នាក់បានផ្លាស់ប្តូរទីលំនៅ បច្ចុប្បន្នមានសន្តិភាពនៅអាហ្វហ្គានីស្ថាន ហើយមនុស្សគ្រប់គ្នាអាចត្រឡប់មកផ្ទះវិញបាន។

លោក Haqqani បានប្រាប់ Al Jazeera ថា “មនុស្សប្រមាណ២០,០០០នាក់ កំពុងស្ថិតនៅក្នុងទីក្រុងកាប៊ុល ក្រោយចាកចេញពីជ្រលងភ្នំ Panjshir។ អាទិភាពគឺទីក្រុងកាប៊ុល ព្រោះវាជាទីក្រុងដែលមានប្រជាជនច្រើនជាងគេនិងមានចំនួនជនភៀសខ្លួនច្រើនបំផុត”។

លោក Haqqani បានបន្ថែមថា ប្រជាជននឹងត្រូវបានផ្តល់ជំនួយ ដើម្បីត្រឡប់មកវិញ ហើយជួយសាងសង់ផ្ទះរបស់ពួកគេឡើងវិញ ប្រសិនបើមានការខូចខាត។

កាលពីថ្ងៃសុក្រ ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួនលោក Filippo Grandi បានអំពាវនាវឲ្យប្រទេសនានា ចូលរួមជាមួយក្រុមតាលីបង់ បើមិនដូច្នោះទេនឹងជួបប្រទះវិបត្តិមនុស្សធម៌។

ថ្លែងនៅក្នុងរដ្ឋធានី ឥស្លាម៉ាបាដ នៃប្រទេសប៉ាគីស្ថាន លោក Grandi បាននិយាយថា សហគមន៍អន្តរជាតិមិនត្រឹមតែផ្តល់ជំនួយដល់ប្រទេសក្រីក្រប៉ុណ្ណោះទេ ប៉ុន្តែថែមទាំងទទួលយកជនភៀសខ្លួនអាហ្វហ្គានីស្ថានផងដែរ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រដ្ឋាភិបាល ក្រុង កាប៊ុល អនុញ្ញាត ឲ្យ ស្ត្រី ធ្វើ ការ បាន គឺ លាង សម្អាតបន្ទប់ទឹក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម