ព័ត៌មានអន្ដរជាតិ
ជប៉ុន នឹងសាកល្បងវ៉ាក់សាំងកូវីដបាញ់ចូលតាមច្រមុះមួយទៀត ក្រោយជោគជ័យថ្នាំលេបមួយថ្ងៃមួយគ្រាប់
ក្រុមហ៊ុនឱសថជប៉ុនបានប្រកាសកាលពីថ្ងៃអង្គារថា ក្រុមហ៊ុន Shionogi នឹងចាប់ផ្តើមការសាកល្បងវ៉ាក់សាំងកូវីដបាញ់ចូលតាមច្រមុះនៅឆ្នាំ ២០២២ ហើយវាក៏ជាការត្រួសត្រាយផ្លូវ និងផ្ដល់ផលប្រយោជន៍ដល់ប្រទេសដែលខ្វះបុគ្គលិកពេទ្យសម្រាប់ចាក់វ៉ាក់សាំង ។
ក្រុមហ៊ុន Shionogi មានកិច្ចព្រមព្រៀងផ្តល់អាជ្ញាប័ណ្ណជាមួយក្រុមហ៊ុន HanaVax របស់សាកលវិទ្យាល័យតូក្យូ ដើម្បីបង្កើតវ៉ាក់សាំងបាញ់ចូលតាមច្រមុះដោយប្រើប្រព័ន្ធចែកចាយវ៉ាក់សាំងក្រោមស្លាកកម្មសិទ្ធិរបស់ក្រុមហ៊ុន ។
បច្ចេកវិទ្យានេះប្រើសារធាតុភ្ញោច polysaccharide ដើម្បីបញ្ជូនវ៉ាក់សាំងចូលតាមច្រមុះដែលជួយបង្កើនភាពស៊ាំនៅក្នុងប្រព័ន្ធដង្ហើម ។
ក្រោមកិច្ចព្រមព្រៀងដែលបានចុះហត្ថលេខាកាលពីខែកក្កដា ក្រុមហ៊ុន Shionogi មានសិទ្ធិផ្តាច់មុខក្នុងការអភិវឌ្ឍ និងលក់វ៉ាក់សាំងដោយផ្អែកលើបច្ចេកវិទ្យានេះ ។
ស្របពេលជាមួយគ្នានេះ ក្រុមហ៊ុន Shionogi ក៏បានប្រកាសផងដែរថា ខ្លួនកំពុងរៀបចំផែនការសាកល្បងព្យាបាលវ៉ាក់សាំងចាក់ការពារជំងឹកូវីដ ១៩ ដាច់ដោយឡែកមួយទៀតសម្រាប់ប្រើជាការចាក់ដូសជំរុញ ឬដូសទី ៣ ដែលអាចដាក់លក់នៅខែមីនា ។
ទន្ទឹមនឹងនេះក្រុមហ៊ុន Shionogi ក៏ឈានដល់ការសាកល្បងព្យាបាលដំណាក់កាលចុងក្រោយនូវថ្នាំគ្រាប់លេបមួយថ្ងៃមួយគ្រាប់ និងកំពុងពិនិត្យមើលប្រសិទ្ធភាព និងសុវត្ថិភាពថ្នាំមួយនេះសម្រាប់ព្យាបាលអ្នកជំងឺកូវីដ ១៩ ដែលមានរោគសញ្ញាស្រាល ឬមិនបញ្ចេញរោគសញ្ញា ឲ្យជាសះស្បើយក្នុងរយៈពេល ៥ ថ្ងៃប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ Nikkei Asia
ចុចអាន ៖ ថ្នាំកូវីដលេបមួយថ្ងៃមួយគ្រាប់របស់ ជប៉ុន ឈានដល់ការសាកល្បងព្យាបាលជាសះស្បើយត្រឹម ៥ ថ្ងៃ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង