ព័ត៌មានអន្ដរជាតិ
តាលីបង់ ព្រមាន អាមេរិក ឲ្យគោរពសិទ្ធិដែនអាកាស អាហ្វហ្គានីស្ថាន ខ្លះផងប្រយ័ត្នមានផលវិបាក
ក្រុមតាលីបង់នៅថ្ងៃពុធនេះបានព្រមានពីផលវិបាក ប្រសិនបើសហរដ្ឋអាមេរិកមិនបញ្ឈប់ការហោះហើរយន្តហោះគ្មានមនុស្សបើកនៅលើដែនអាកាសអាហ្វហ្គានីស្ថាន ។
អ្នកនាំពាក្យតាលីបង់លោក Zabihullah Mujahid បាននិយាយនៅក្នុងសេចក្តីថ្លែងការណ៍មួយនៅលើបណ្តាញសង្គម Twitter ថា សហរដ្ឋអាមេរិកបានរំលោភសិទ្ធិ និងច្បាប់អន្តរជាតិទាំងអស់ ព្រមទាំងការប្តេជ្ញាចិត្តរបស់ខ្លួនចំពោះក្រុមតាលីបង់នៅទីក្រុងដូហាប្រទេសកាតា ជាមួយនឹងប្រតិបត្តិការរបស់យន្តហោះគ្មានមនុស្សបើកទាំងនេះនៅអាហ្វហ្គានីស្ថាន ។
លោក Mujahid បាននិយាយថា “យើងអំពាវនាវដល់ប្រទេសទាំងអស់ជាពិសេសសហរដ្ឋអាមេរិក ឲ្យគោរពអាហ្វហ្គានីស្ថាន ក៏ដូចជាគោរពសិទ្ធិ ច្បាប់ និងការប្តេជ្ញាចិត្តរបស់អន្តរជាតិដើម្បីការពារផលវិបាកអវិជ្ជមានណាមួយ” ។
គួរបញ្ជាក់ថា ក្រុមសកម្មប្រយុទ្ធឥស្លាមតាលីបង់បានដណ្តើមអំណាចមកវិញនៅអាហ្វហ្គានីស្ថានកាលពីខែមុន បន្ទាប់ពីកងទ័ពអាមេរិក និងបស្ចិមប្រទេសបានចាកចេញពីប្រទេសនេះ ដោយបញ្ចប់បេសកកម្មយោធា និងការទូតដែលបានចាប់ផ្តើមភ្លាមៗ បន្ទាប់ពីការវាយប្រហារថ្ងៃទី ១១ ខែកញ្ញា ឆ្នាំ ២០០១ មកលើសហរដ្ឋអាមេរិក ។
ទន្ទឹមនោះ ក្រុមតាលីបង់ស្ថិតនៅក្រោមសម្ពាធពីសហគមន៍អន្តរជាតិពាក់ព័ន្ធនឹងទំនាក់ទំនងជាមួយក្រុមអាល់កៃដា ដែលជាក្រុមនៅពីក្រោយការវាយប្រហារ ៩/១១ នៅទីក្រុងញូវយ៉ក និងវ៉ាស៊ីនតោន ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ ក្រុមតាលីបង់ អាចមានអាវុធនុយក្លេអ៊ែរ ១៥០ គ្រាប់នៅក្នុងដៃ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore