ព័ត៌មានអន្ដរជាតិ
ដឹងទេម្សិលមិញ Facebook, Instagram និង WhatsApp គាំងម្ដងទៀត
សេវាកម្ម Facebook បានគាំងជាថ្មីម្តងទៀតកាលពីរសៀលថ្ងៃសុក្រ បន្ទាប់ពីគាំងយូរបំផុតមិនធ្លាប់មាននៅក្នុងប្រវត្តិសាស្ត្ររបស់ក្រុមហ៊ុនកាលពីថ្ងៃចន្ទ ។
ក្រុមហ៊ុនបានសរសេរលើបណ្ដាញ Twitter ថា “យើងដឹងថា មនុស្សមួយចំនួនមានបញ្ហាក្នុងការចូលប្រើកម្មវិធីរបស់យើង ។ យើងកំពុងធ្វើការដើម្បីធ្វើឲ្យអ្វីៗត្រលប់មកធម្មតាវិញឲ្យបានលឿនតាមដែលអាចធ្វើទៅបាន ហើយយើងសូមអភ័យទោសចំពោះការរអាក់រអួលនេះ” ។
ទន្ទឹមនឹងនេះដែរកម្មវិធី Instagram ក៏បានសរសេរលើ Twitter ដែរថា “យើងដឹងថា អ្នកខ្លះប្រហែលជាមានបញ្ហាខ្លះនៅពេលប្រើកម្មវិធី Instagram ឥឡូវនេះ ។ យើងពិតជាមានការសោកស្តាយ និងកំពុងធ្វើការយ៉ាងលឿនតាមដែលអាចធ្វើទៅបានដើម្បីដោះស្រាយបញ្ហានេះ” ។
ចំណែកកាសែត TechCrunch ដែលជាសារព័ត៌មានបច្ចេកវិទ្យាតាមអនឡាញបាននិយាយនៅក្នុងរបាយការណ៍មួយថា “ការគាំងម្តងហើយម្តងទៀតនេះ អាចបង្កឲ្យមានការព្រួយបារម្ភអំពីភាពជឿជាក់ និងសុវត្ថិភាពនៃកម្មវិធីរបស់ក្រុមហ៊ុន Facebook” ។
TechCrunch បានឲ្យដឹងទៀតថា ការគាំងម៉ោងកាលពីថ្ងៃសុក្រ គឺដោយសារតែការផ្លាស់ប្តូរការកំណត់រចនាសម្ព័ន្ធ (Configuration Changes) ហើយសេវាកម្មនេះបានប៉ះពាល់ដល់មនុស្សនៅទូទាំងពិភពលោក ប៉ុន្តែវាមិនទាក់ទងនឹងការគាំងរយៈពេល ៦ ម៉ោងកាលពីថ្ងៃចន្ទនោះទេ ។
គួរបញ្ជាក់ថា ការគាំងកាលពីថ្ងៃចន្ទដែលប៉ះពាល់ដល់សេវាកម្ម Facebook ទាំងអស់រួមមាន WhatsApp, Messenger និង Instagram គឺបណ្តាលមកពីបញ្ហា Network (បណ្តាញ) ទៅនឹងរ៉ោតទ័រនៅក្នុងមជ្ឈមណ្ឌលទិន្នន័យរបស់ Facebook ហើយបណ្ដាលឲ្យខាតចំណូល ៦០ លានដុល្លារ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)