ព័ត៌មានអន្ដរជាតិ
អាមេរិក ព្រមានថា កូរ៉េខាងជើង នឹងបន្តបាញ់សាកល្បងមីស៊ីលរយៈចម្ងាយឆ្ងាយ នៅឆ្នាំក្រោយទៀត
ក្រសួងការពារជាតិអាមេរិកព្រមានថា កូរ៉េខាងជើងអាចបន្តការបាញ់សាកល្បងមីស៊ីលផ្លោងរយៈចម្ងាយឆ្ងាយនៅឆ្នាំ ២០២២ ទៀត ។
ទីភ្នាក់ងារស៊ើបការណ៍សម្ងាត់របស់ក្រសួងការពារជាតិអាមេរិកបានចេញរបាយការណ៍នេះ ក្រោយពិនិត្យទៅលើស្ថានភាពបច្ចុប្បន្ននៃអំណាចយោធារបស់កូរ៉េខាងជើង រួមទាំងអាវុធនុយក្លេអ៊ែរ និងគ្រាប់មីស៊ីលជាដើម ។
របាយការណ៍នេះនិយាយថា “មេដឹកនាំកូរ៉េខាងជើងចាត់ទុកអាវុធនុយក្លេអ៊ែរមានសារៈសំខាន់ចំពោះការរស់រានមានជីវិតនៃរបបរបស់ខ្លួន ហើយវាអាចទៅរួចដែលយើងអាចឃើញការបាញ់សាកល្បងមីស៊ីលរយៈចម្ងាយឆ្ងាយនៅឆ្នាំក្រោយ” ។
របាយការណ៍បន្ថែមថា កូរ៉េខាងជើងក៏នឹងធ្វើការកែលម្អមីស៊ីលផ្លោងថ្មី ដែលមានកម្លាំងខ្លាំងក្លាជាងមុនផងដែរ ។ ចំណែកការរួមបញ្ចូលអាវុធនុយក្លេអ៊ែរជាមួយមីស៊ីលផ្លោងជាលក្ខណៈប្រព័ន្ធ គឺជាគោលដៅប្រតិបត្តិការចុងក្រោយរបស់កូរ៉េខាងជើង ។
វាកត់សម្គាល់ថា “ការបាញ់សាកល្បងអាវុធនុយក្លេអ៊ែរក្រោមដីបន្ថែមទៀតដើម្បីបញ្ជាក់ពីសមត្ថភាពអាវុធរបស់កូរ៉េខាងជើង គឺអាចធ្វើទៅបាន” ។ ទោះយ៉ាងណារបាយការណ៍នេះមិនបានបញ្ជាក់ច្បាស់អំពីមូលដ្ឋានណាមួយដែលសន្មតថាមានលទ្ធភាពបែបនេះនោះទេ ។
កូរ៉េខាងជើងបានប្រកាសផ្អាកការធ្វើតេស្តនុយក្លេអ៊ែរ និងមីស៊ីលផ្លោង ICBM ជាឯកតោភាគីនៅឆ្នាំ ២០១៨ មុនកិច្ចប្រជុំកំពូលជាប្រវត្តិសាស្ត្រលើកដំបូងរវាងមេដឹកនាំ គីម ជុងអ៊ុន និងអតីតប្រធានាធិបតីអាមេរិកលោក ដូណាល់ ត្រាំ ។
ប៉ុន្តែនៅក្នុងខែមករា លោក គីម បានប្រកាសពីផែនការដើម្បីបង្កើនកម្មវិធីអភិវឌ្ឍន៍អាវុធនុយក្លេអ៊ែរ និងមីស៊ីលរបស់ប្រទេស ហើយកូរ៉េខាងជើងក៏បានធ្វើការបាញ់សាកល្បងមីស៊ីលប្រភេទថ្មីជាបន្តបន្ទាប់ក្នុងរយៈពេលប៉ុន្មានខែចុងក្រោយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ មើលវីដេអូនេះហើយទើបដឹងថា ទាហាន កូរ៉េខាងជើង មានសមត្ថភាពខ្លាំងក្លាប៉ុនណា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ