ទីបំផុត មីយ៉ាន់ម៉ា ដោះលែងអ្នកទោសនយោបាយ រាប់ពាន់នាក់ ក្រោយរងសម្ពាធពី អាស៊ាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទីបំផុត មីយ៉ាន់ម៉ា ដោះលែងអ្នកទោសនយោបាយ រាប់ពាន់នាក់ ក្រោយរងសម្ពាធពី អាស៊ាន

បានផុស

នៅ

រដ្ឋាភិបាលយោធាមីយ៉ាន់ម៉ា បានដោះលែងអ្នកទោសនយោបាយរាប់ពាន់នាក់ ពីពន្ធនាគារ Insein ដោយក្នុងនោះ រួមមានទាំងអ្នកនាំពាក្យគណបក្សរបស់លោកស្រី អ៊ុងសាន ស៊ូជី និងតារាកំប្លែងដ៏ល្បីឈ្មោះ Zarganar ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្មាននាទីបន្ទាប់ពីសុន្ទរកថារបស់មេដឹកនាំយោធាលោក Min Aung Hlaing កាលពីថ្ងៃចន្ទទី១៨ខែតុលា, ទូរទស្សន៍រដ្ឋបានប្រកាសថា មនុស្សជាង ៥,៦០០ នាក់ដែលត្រូវបានចាប់ខ្លួនឬតាមចាប់ដោយសារតួនាទីរបស់ពួកគេនៅក្នុងការតវ៉ាប្រឆាំងរដ្ឋប្រហារ នឹងត្រូវបានដោះលែងដោយការលើកលែងទោសផ្អែកលើហេតុផលមនុស្សធម៌។

ទោះបីជាយ៉ាងណាក៏ដោយ ការដោះលែងនេះ ត្រូវបានសកម្មជនខ្លះពណ៌នាថា ជាល្បិចកលរបស់យោធា ដែលកំពុងព្យាយាមកសាងកេរ្តិ៍ឈ្មោះអន្តរជាតិរបស់ខ្លួនឡើងវិញ បន្ទាប់ពីសមាគមប្រជាជាតិអាស៊ីអាគ្នេយ៍ហៅកាត់ អាស៊ាន បានចាត់វិធានការដ៏កម្រ ដោយមិនរាប់បញ្ចូលមេដឹកនាំយោធាមីយ៉ាន់ម៉ាក្នុងកិច្ចប្រជុំកំពូលរបស់ខ្លួន។

អ្នករាយការណ៍ពិសេសអង្គការសហប្រជាជាតិ លោក Tom Andrews នៅលើបណ្តាញសង្គម Twitter បានស្វាគមន៍ចំពោះការដោះលែងនេះ ប៉ុន្តែនិយាយថា វាជារឿងហួសចិត្តដែលពួកគេត្រូវបានឃុំខ្លួននៅកន្លែងដំបូង។ យោធាកំពុងដោះលែងអ្នកទោសនយោបាយនៅមីយ៉ាន់ម៉ា មិនមែនដោយចិត្តស្មោះនោះទេ ប៉ុន្តែដោយសារតែសម្ពាធ។

គួរបញ្ជាក់ថា យោធាមីយ៉ាន់ម៉ា បានដោះលែងអ្នកទោសជាច្រើនដងមកហើយ ចាប់តាំងពីរដ្ឋប្រហារខែកុម្ភៈមក៕

ប្រែសម្រួល៖ Vann Vann

ប្រភព៖ Reuters

ចុចអាន៖ ក្រោយដកចេញពីកិច្ចប្រជុំកំពូល អាស៊ាន មេយោធា មីយ៉ាន់ម៉ា ដោះលែងអ្នកទោសដែលធ្វើបាតុកម្មប្រឆាំងរដ្ឋប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services