ព័ត៌មានអន្ដរជាតិ

ទីបំផុត ចិន សម្រេចអនុម័តច្បាប់ កាត់បន្ថយការធ្វើកិច្ចការផ្ទះ លើសិស្សសាលា

បានផុស

៥ years មុន

នៅ

ថ្ងៃសៅរ៍ ២៣ តុលា ២០២១

ដោយ

ទីភ្នាក់ងារព័ត៌មានចិនស៊ិនហួ បាននិយាយនៅថ្ងៃសៅរ៍នេះថា ប្រទេស ចិន បានអនុម័តច្បាប់អប់រំមួយ ដែលព្យាយាមកាត់បន្ថយ “សម្ពាធទ្វេរដង” នៃការធ្វើកិច្ចការផ្ទះ និងហាមឃាត់ការបង្រៀនក្រោយចេញពីសាលា សម្រាប់មុខវិជ្ជាសំខាន់ៗនៅចុងសប្ដាហ៍ និងថ្ងៃឈប់សម្រាក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឆ្នាំនេះ ទីក្រុងប៉េកាំងបានអនុវត្តវិធានការតឹងរ៉ឹងលើកុមារ ដូចជាការរឹតបណ្ដឹង លើការលេងហ្គេមតាមអនឡាញជាដើម។ ដែលចាត់ទុកថាជាទម្រង់នៃ “អាភៀនខាងវិញ្ញាណ” ។

ទោះយ៉ាងណា សភាចិននឹងពិចារណាលើច្បាប់ដាក់ទោសទណ្ឌឪពុកម្ដាយ ប្រសិនបើកូនៗរបស់ពួកគេ បង្ហាញ “អាកប្បកិរិយាអាក្រក់” ឬប្រព្រឹត្តអំពើឧក្រិដ្ឋកម្ម។

ច្បាប់ថ្មីនេះ ក៏បានជំរុញឲ្យឪពុកម្ដាយ រៀបចំពេលវេលាកូនៗរបស់ពួកគេ ដើម្បីគិតគូរពីការសម្រាកនិងលំហាត់ប្រាណសមរម្យ ដោយហេតុនេះ កាត់បន្ថយសម្ពាធ និងចៀសវាងការប្រើប្រាស់អ៊ីនធឺណិតច្រើនពេក។

ក្នុងរយៈពេលប៉ុន្មានខែចុងក្រោយនេះ ក្រសួងអប់រំបានកំណត់ម៉ោងលេងហ្គេមសម្រាប់អនីតិជន ដោយអនុញ្ញាតឲ្យពួកគេលេងតាមអ៊ីនធឺណិត រយៈពេលមួយម៉ោងនៅថ្ងៃសុក្រ ថ្ងៃសៅរ៍ និងថ្ងៃអាទិត្យតែប៉ុណ្ណោះ។

ក្រសួងក៏បានកាត់បន្ថយការធ្វើកិច្ចការផ្ទះ និងហាមប្រាមការបង្រៀនក្រោយចេញពីសាលា សម្រាប់មុខវិជ្ជាសំខាន់ៗ ក្នុងអំឡុងពេលចុងសប្ដាហ៍ និងវិស្សមកាល ដោយបារម្ភអំពីបន្ទុកសិក្សាដ៏ធ្ងន់លើសលប់លើកុមារ៕

ប្រែសម្រួល៖ សាង ស្រីល័ក្ខ

ប្រភព៖CNA

ចុចអាន៖ចិន ធ្វើសេចក្តីព្រាងច្បាប់ ដាក់ទោសទណ្ឌឪពុកម្តាយ បើកូន ប្រព្រឹត្តអាកប្បកិរិយាអាក្រក់

Related Topics:ប្រទេសចិន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា