ព័ត៌មានអន្ដរជាតិ
កងទ័ពអាមេរិក កំពុងបង្វឹកទាហានតៃវ៉ាន់ ស្របពេលតានតឹងខ្លាំងជាមួយ ចិន
នៅក្នុងបទសម្ភាសន៍ជាមួយ CNN ប្រធានាធិបតីតៃវ៉ាន់លោកស្រី Tsai Ing-wen បានបញ្ជាក់ពីវត្តមានរបស់ទាហានអាមេរិកនៅលើកោះដែលគ្រប់គ្រងដោយខ្លួនឯងមួយនេះ ដោយលើកឡើងថា កងកម្លាំងអាមេរិកមួយចំនួនតូច កំពុងឈរជើងនៅតៃវ៉ាន់ ដើម្បីបង្វឹកទាហានតៃវ៉ាន់។

ភាពតានតឹងរវាងកោះតៃវ៉ាន់ និងចិន បានកើនឡើងក្នុងរយៈពេលប៉ុន្មានសប្តាហ៍ថ្មីៗនេះ ខណៈក្រុងប៉េកាំងកាន់តែបង្កើនសម្ពាធផ្នែកយោធា និងនយោបាយ។
លោកស្រី Tsai បានប្រាប់ CNN នៅក្នុងបទសម្ភាសន៍ដែលចាក់ផ្សាយកាលពីថ្ងៃព្រហស្បតិ៍ថា “យើងមានកិច្ចសហប្រតិបត្តិការទូលំទូលាយជាមួយសហរដ្ឋអាមេរិក ក្នុងគោលបំណងបង្កើនសមត្ថភាពការពារជាតិរបស់យើង”។
នៅពេលសួរថាតើមានយោធាអាមេរិកប៉ុន្មាននាក់ ត្រូវបានដាក់ពង្រាយនៅតៃវ៉ាន់ លោកស្រីបាននិយាយដោយខ្លីថា មិនច្រើនដូចមនុស្សគិតទេ។

ការបញ្ជាក់នេះបានកើតឡើង ស្របពេលប្រទេសចិនកំពុងបង្កើនសម្ពាធយោធាយ៉ាងខ្លាំងទៅលើតៃវ៉ាន់ រួមទាំងបេសកកម្មម្តងហើយម្តងទៀតដោយយន្តហោះចម្បាំងរបស់ចិន នៅក្នុងតំបន់កំណត់អត្តសញ្ញាណការពារដែនអាកាសរបស់តៃវ៉ាន់ផងដែរ។
ស្របពេលជាមួយគ្នានោះដែរ នៅពេលសួរអំពីការអត្ថាធិប្បាយរបស់លោកស្រី Tsai, រដ្ឋមន្ត្រីក្រសួងការពារជាតិតៃវ៉ាន់ លោក Chiu Kuo-cheng បានប្រាប់អ្នកយកព័ត៌មានថា អន្តរកម្មយោធារវាងតៃវ៉ាន់ និងសហរដ្ឋអាមេរិកគឺច្រើននិងញឹកញាប់ណាស់ ហើយបានបន្តជាយូរមកហើយ។

ទោះបីជាយ៉ាងណាក៏ដោយ លោកមិនបានបញ្ជាក់លម្អិតទេ។
គួរបញ្ជាក់ថា ដូចប្រទេសភាគច្រើនដែរ សហរដ្ឋអាមេរិកមិនមានទំនាក់ទំនងការទូតផ្លូវការជាមួយកោះតៃវ៉ាន់ទេ ប៉ុន្តែជាសម្ព័ន្ធមិត្តអន្តរជាតិដ៏សំខាន់បំផុត និងជាអ្នកផ្គត់ផ្គង់អាវុធដ៏ធំ៕
ប្រែសម្រួល៖ Vann Vann
ប្រភព៖ CNA
ចុចអាន៖ តៃវ៉ាន់ ត្រូវការអាវុធរយៈចម្ងាយឆ្ងាយ ដើម្បីកំញើញ ចិន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ