ឥណ្ឌូណេស៊ី អនុញ្ញាតឲ្យចាក់វ៉ាក់សាំងកូវីដ Sinovac សម្រាប់កុមារអាយុពី ៦ ដល់ ១១ឆ្នាំ

ប្រទេសឥណ្ឌូណេស៊ីបានអនុម័តវ៉ាក់សាំងកូវីដ Sinovac Biotech សម្រាប់កុមារអាយុពី ៦ ដល់ ១១ឆ្នាំ។ នេះបើយោងតាមការឲ្យដឹងពី ទីភ្នាក់ងារអាហារនិងឱសថរបស់ខ្លួន។

គិតត្រឹមថ្ងៃចន្ទម្សិលមិញ ប្រទេសឥណ្ឌូណេស៊ី បានអនុញ្ញាតឲ្យចាក់វ៉ាក់សាំង Sinovac ដែលផលិតដោយប្រទេសចិន សម្រាប់តែមនុស្សមានអាយុចាប់ពី១២ឆ្នាំឡើងទៅប៉ុណ្ណោះ។

លោក Penny K. Lukito ប្រធានទីភ្នាក់ងារនេះ បានប្រាប់សន្និសីទសារព័ត៌មានថា “ការអនុម័តនេះគឺជា ដំណឹងដ៏រីករាយ។ យើងប្រាកដថា ការចាក់វ៉ាក់សាំងដល់កុមារគឺជារឿងបន្ទាន់ ជាពិសេសឥឡូវការរៀនសូត្រដោយផ្ទាល់បានចាប់ផ្តើមហើយ”។

ទោះបីជាយ៉ាងណាក៏ដោយ លោកស្រី Siti Nadia Tarmizi មន្ត្រីក្រសួងសុខាភិបាលបាននិយាយថា ការចាក់វ៉ាក់សាំងសម្រាប់កុមារ អាចចាប់ផ្តើមនៅដើមឆ្នាំក្រោយ ព្រោះខ្លួនកំពុងរង់ចាំការណែនាំបន្ថែមពីសមាគមគ្រូពេទ្យកុមាររបស់ប្រទេសឥណ្ឌូណេស៊ី និងការចាក់វ៉ាក់សាំងបន្ថែមទៀត។

គួរបញ្ជាក់ថា ប្រទេសឈីលី និងកម្ពុជា ក៏បានអនុម័តវ៉ាក់សាំង Sinovac ដល់កុមារតូចៗផងដែរ៕

ប្រែសម្រួល៖ Vann Vann

ប្រភព៖ Reuters

ចុចអាន៖ វ៉ាក់ សាំង Novavax ទទួល បាន ការ អនុញ្ញាត ប្រើ បន្ទាន់ លើក ដំបូង ពី ប្រទេស អាស៊ាន មួយ នេះ