ព័ត៌មានអន្ដរជាតិ

ការសិក្សា៖ អង់ទីគ័រពីម្តាយឆ្លងកូវីដផ្តល់ទៅទារកតាមការបំបៅដោះលើសពីការរំពឹងទុក

បានផុស

៥ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

អង់ទីគ័រប្រឆាំងកូវីដ-១៩ពីម្តាយដែលឆ្លងកូវីដទៅកូនតូចតាមរយៈការបំបៅដោះបានផ្តល់អត្ថប្រយោជន៍ច្រើនជាងអ្វីដែលអ្នកសិក្សាស្រាវជ្រាវបានរំពឹងទុក។ នេះបើយោងតាមរបាយការណ៍មួយដែលបានចេញផ្សាយកាលពីថ្ងៃពុធនៅJAMA Network Open។

ក្រុមអ្នកស្រាវជ្រាវបានសិក្សាលើទារក២១នាក់ដែលទើបកើតពីម្តាយឆ្លងកូវីដ-១៩នៅពេលសម្រាល។ ពីរខែក្រោយមក អ្នកស្រាវជ្រាបានរកឃើញអង់ទីគ័រហៅថា IgG ចំពោះមេរោគដែលបង្កើតដោយរាងកាយរបស់ម្តាយក្នុងការឆ្លើយតបទៅនឹងការឆ្លងដែលផ្តល់ទៅទារកតាមរយៈទឹកដោះម្តាយ។ នេះហៅថា ភាពស៊ាំអកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែអ្នកស្រាវជ្រាវរកឃើញថា ប្រភេទផ្សេងគ្នានៃម៉ូលេគុលភាពស៊ាំក្នុងទឹកដោះម្តាយ ដែលជា អង់ទីគ័រ IgA បានជំរុញភាពស៊ាំសកម្មនៅក្នុងទារក។ ជំរុញប្រព័ន្ធភាពស៊ាំរបស់ពួកគេឲ្យផលិតអង់ទីគ័រ IgA ខ្លួនឯង។

បើប្រៀបធៀបនឹងទារកបំបៅទឹកដោះគោដែលកើតពីម្តាយឆ្លងកូវីដ ទារកដែលបំបៅទឹកដោះម្តាយមានកម្រិតនៃអង្គទីគ័រ IgA ផលិតខ្លួនឯងខ្ពស់ជាងក្នុងការប្រឆាំងមេរោគតាមទឹកមាត់។

លោកស្រីវេជ្ជបណ្ឌិត Rita Carsetti នៅមន្ទីរពេទ្យកុមារ Bambino Gesu និងលោកវេជ្ជបណ្ឌិត Gianluca Terrin នៅសាកលវិទ្យាល័យ Sapienza ដែលអ្នកទាំងពីរស្ថិតនៅទីក្រុងរ៉ូម ប្រទេសអ៉ីតាលី បាននិយាយក្នុងសារអ៉ីមែលថា ៖«យើងបានបង្ហាញសម្រាប់លើកដំបូងដែលម្តាយក៏អាចបង្កប្រព័ន្ធភាពស៊ាំសកម្មដល់ទារកទើបកើតតាមរយៈការផ្ទេរម៉ូលេគុលភាពស៊ាំនៅក្នុងទឹកដោះម្តាយដែលបណ្តាលឲ្យមានការផលិតអង់ទីគ័រទឹកមាត់»៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩