Connect with us

ព័ត៌មានអន្ដរជាតិ

ថៃ កំពុងធ្វើការជាមួយ កម្ពុជា ដើម្បីបើកច្រកព្រំដែនបន្ថែម ក្រោយបើកជាមួយម៉ាឡេស៊ី 

បានផុស

នៅ

អាជ្ញាធរម៉ាឡេស៊ីបានទទួលយកសំណើរបស់ប្រទេសថៃ ក្នុងការបើកច្រកព្រំដែន Tak Bai និង Buke Ta ក្នុងខេត្ត ណារ៉ាធីវ៉ាត់ ដែលត្រូវបានបិទ ដើម្បីទប់ស្កាត់ការរីករាលដាលនៃមេរោគកូវីដ១៩។

រដ្ឋមន្ត្រីក្រសួងពាណិជ្ជកម្មថៃ លោក Jurin Laksanawisit រំពឹងថា ការបើកច្រកព្រំដែនទាំងពីរនេះឡើងវិញក្នុងខេត្តណារ៉ាធីវ៉ាត់ ភាគខាងត្បូងថៃ កាលពីថ្ងៃទី១៥ខែវិច្ឆិកា នឹងបង្កើនពាណិជ្ជកម្មរបស់ប្រទេសទាំង២យ៉ាងហោចណាស់ ៦០០ លានបាត (១៨.៣២ លានដុល្លារ) ក្នុងមួយឆ្នាំ។

លោករដ្ឋមន្ត្រីបានបន្ថែមថា ប្រទេសថៃមានច្រកព្រំដែនចំនួន ៩៧ ជាមួយប្រទេសជិតខាង ហើយ ៤៦ ក្នុងចំណោមនោះ បានបើកដំណើរការឡើងវិញ ដោយសារស្ថានភាពជំងឺកូវីដ១៩ មានភាពប្រសើរឡើង។

ក្នុងរយៈពេលប្រាំបួនខែដំបូងនៃឆ្នាំនេះ ពាណិជ្ជកម្មឆ្លងព្រំដែនមានទំហំទឹកប្រាក់ ១.២៧ទ្រីលានបាត កើនឡើង៣១,៦៧% ធៀបនឹងរយៈពេលដូចគ្នាក្នុងឆ្នាំ២០២០។

រីឯការនាំចេញបានរួមចំណែក ៧៧៨.៣៦ ពាន់លានបាត កើនឡើង ៣៨,០៦% ខណៈការនាំចូលមាន ៤៩៧.១៧ ពាន់លានបាត កើនឡើង ២២,៧៨%។

ស្របពេលជាមួយគ្នានោះដែរ លោក Jurin បន្ថែមថា រដ្ឋាភិបាលក៏កំពុងធ្វើការជាមួយអាជ្ញាធរកម្ពុជា ដើម្បីបើកច្រកព្រំដែនបន្ថែមទៀត រួមទាំង Tha Sen ក្នុងខេត្តត្រាត និង Nong Ian ក្នុងខេត្តស្រះកែវ ផងដែរ៕

ប្រែសម្រួល៖ Vann Vann

ប្រភព៖ Vietnam Plus

ចុចអាន៖ ថៃ ទទួលភ្ញៀវទេសចរបរទេសសរុប ៤៤,៧៧៤ នាក់ ចាប់តាំងពីបើកប្រទេស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម