ព័ត៌មានអន្ដរជាតិ
ប៉ូលិសរដ្ឋ Maryland ឃាត់កុមារអាយុ ៩ ឆ្នាំម្នាក់ដែលឆ្លងកូវីដ ពីការឡើងជិះយន្តហោះ
មន្ត្រីប៉ូលិសក្នុងតំបន់បាននិយាយថា ក្មេងម្នាក់ដែលឆ្លងជំងឺកូវីដ ១៩ ត្រូវបានបញ្ឈប់ដោយប៉ូលិសរដ្ឋ Maryland ប៉ុន្មាននាទីមុនពេលឡើងជិះយន្តហោះនៅថ្ងៃបុណ្យ Thanksgiving ។
មន្ត្រីប៉ូលិសរដ្ឋលោក Travis Nelson បាននិយាយថា ក្មេងប្រុសអាយុ ៩ ឆ្នាំបានធ្វើតេស្តវិជ្ជមានជំងឺកូវីដ ១៩ នៅទីក្រុង Wicomico ហើយមន្ទីរសុខាភិបាលក្នុងតំបន់មិនអាចទាក់ទងម្តាយរបស់ក្មេងនេះដើម្បីជូនដំណឹងដល់នាងបាននោះទេ ។
លោក Nelson បាននិយាយថា អាជ្ញាធរ និងប៉ូលិសត្រូវបានទាក់ទងនៅម៉ោងប្រហែល ៣ រសៀលនៅថ្ងៃទី ២៤ ខែវិច្ឆិកា និងត្រូវបានគេជូនដំណឹងថា អ្នកទាំងពីរគ្រោងនឹងហោះហើរទៅប្រទេសព័រតូរីកូ ពីអាកាសយានដ្ឋានអន្តរជាតិ Baltimore-Washington ក្នុងរយៈពេល ១ ម៉ោង ១៥ នាទី ។
ប៉ូលីសបានស្ទាក់ចាប់ពួកគេនៅឯព្រលានយន្តហោះ និងបានជួយពួកគេឲ្យទាក់ទងជាមួយផ្នែកសុខាភិបាលក្រុង Wicomico ក្រោយមកម្តាយ និងកូនប្រុសបានត្រលប់មកផ្ទះវិញដើម្បីធ្វើចត្តាឡីស័ក ។
យោងតាមសាកលវិទ្យាល័យ Johns Hopkins បានឲ្យដឹងថា មនុស្សជាង ២០៥,០០០ នាក់នៅរដ្ឋ Maryland ភាគខាងកើតនៃសហរដ្ឋអាមេរិកបានឆ្លងជំងឺកូវីដ ១៩ និងមានអ្នកស្លាប់សរុប ៤,៧៦៤ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ ប្រទេសមួយទៀតអនុញ្ញាតឲ្យប្រើប្រាស់វ៉ាក់សាំងរបស់ក្រុមហ៊ុន Pfizer បន្ទាប់ពីអង់គ្លេស
ចុចអាន ៖ ក្រុមហ៊ុន Moderna មានទំនុកចិត្តផលិតវ៉ាក់សាំងកូវីដចំនួន៥០០លានដូសក្នុងឆ្នាំ២០២១
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង