ព័ត៌មានអន្ដរជាតិ

អឺរ៉ុបនឹងចេញមហាគម្រោង«ច្រកទ្វារសកល»ប្រជែងនឹងគម្រោងយក្សចិន

បានផុស

៥ years មុន

នៅ

ថ្ងៃពុធ ១ ធ្នូ ២០២១

ដោយ

សហភាពអឺរ៉ុបនឹងបញ្ចេញផែនការវិនិយោគសកលលំអិតដែលត្រូវបានគេមើលឃើញថាជាការប្រជែងនឹងគម្រោងយក្ស “ផ្លូវមួយខ្សែក្រវ៉ាត់មួយ” របស់ប្រទេសចិន។

អ្នកនៅខាងក្នុងផែនការសកលនេះនិយាយថា មហាគម្រោងនេះគឺជាគំនិតបេតុងដែលផ្តោតលើឌីជីថល ដឹកជញ្ជូន អាកាសធាតុ និងថាមពល។ វាត្រូវបានចាត់ទុកជាផ្នែកមួយនៃការប្រឹងប្រែងរបស់ប្រទេសលោកខាងលិចដើម្បីប្រជែងនឹងឥទ្ធិពលរបស់ចិននៅអាហ្វ្រិក និងតំបន់ផ្សេងៗទៀត។

ប្រធានគណកម្មការអឺរ៉ុប លោកស្រី Ursula von der Leyen នឹងបង្ហាញមហាគម្រោង «ច្រកទ្វារសកល ឬ Global Gateway»នាថ្ងៃពុធ ទី១ ខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហភាពអឺរ៉ុបកំពុងស្វែងរកពីរបៀបដែលខ្លួនអាចនឹងប្រើប្រាស់ប្រាក់រាប់ពាន់លានអឺរ៉ូដែលទាក់ទាញពីរដ្ឋាភិបាលជាសមាជិក គ្រឹះស្ថានហិរញ្ញវត្ថុ និងវិស័យឯកជន។

លោកស្រី von der Leyen មានប្រសាសន៍ថា ៖«យើងចង់បានការវិនិយោគប្រកបដោយគុណភាពលើលើហេដ្ឋារចនាសម្ព័ន្ធ ការតភ្ជាប់ទំនិញ ប្រជាជន និងសេវាកម្មទូទាំងពិភពលោក»។

ឯកសារដែលមាន១៤ទំព័រនៅថ្ងៃពុធនេះទំនងជាមិនទាន់បង្ហាញច្បាស់លាស់ថាតើខ្លួនជាគូប្រជែងនឹងយុទ្ធសាស្ត្ររបស់ចិនទេ។ គណកម្មការក៏ជៀសវាងការលើកឡើងពីប្រទេសចិនផងដែរនៅពេលនិយាយអំពីផែនការកាលពីថ្ងៃអង្គារ៍ម្សិលមិញ។

ប៉ុន្តែលោក Andrew Small សមាជិកជាន់ខ្ពស់នៅមូលនិធិអាល្លឺម៉ង់ Marshall និយាយថា ស្ថិតនៅពីក្រោយគឺជៀសមិនផុតទេដែល «ច្រកទ្វារសកល»កើតមានឡើងដោយគ្មាន«ផ្លូវមួយខ្សែក្រវ៉ាត់មួយ»។

លោកកត់សំគាល់ថា ៖«នេះជាការប្រឹងប្រឹងដ៏ខ្លាំងបំផុតលើកដំបូងពីភាគីអឺរ៉ុបដើម្បីដាក់ចេញកញ្ចប់រួមគ្នា និងស្វែងរកយន្តការហិរញ្ញវត្ថុ ដូច្នេះបណ្តាប្រទេសកំពុងពិចារណាទទួលកម្ចីពីចិនជាជម្រើសមួយ»។

«ផ្លូវមួយខ្សែក្រវ៉ាត់មួយ»ជាមណ្ឌលកណ្តាលដ៏សំខាន់អំពីគោលនយោបាយការបរទេសចិន ការអភិវឌ្ឍពាណិជ្ជកម្មដោយតភ្ជាប់លំហែសាច់ប្រាក់ចូលទៅក្នុងការកសាងផ្លូវថ្នល់ កំពង់ផែ រថភ្លើង និងស្ពាន។ យុទ្ធសាស្ត្រនេះបោះជំហានចូលទឹកដីអាស៊ី ឥណ្ឌូ-ប៉ាស៊ីហ្វិក អាហ្វ្រិក និងថែមទាំងចូលប្រទេសជិតខាងអឺរ៉ុបនៅតំបន់ខាងលិចទៀតផង។

ឥឡូវនេះ សហភាពអឺរ៉ុបនឹងព្យាយាមពង្រីកសក្តានុពល និងធនធានផ្ទាល់ខ្លួនតាមអ្វីដែលលោក Andrew Small ហៅថា នឹងជាការសាកល្បងមហិមា៕

ប្រែសម្រួល៖ វីរបុត្រ
ប្រភព៖ BBC