Connect with us

ព័ត៌មានអន្ដរជាតិ

ចាក់វ៉ាក់សាំងដូសជំរុញបានប៉ុន្មានខែ ទើបអាចការពារ Omicron ?

បានផុស

នៅ

វីរុសបំប្លែងខ្លួន អូមីក្រុង (Omicron) កំពុងរាលដាលច្រើនឡើងៗ នៅទូទាំងពិភពលោក និងកំពុងកបង្កក្ដីបារម្ភជាសកល ខណៈប្រសិទ្ធភាពនៃវ៉ាក់សាំងក្នុងការទប់ទល់នឹងវីរុសបំប្លែងថ្មីនេះ នៅមិនទាន់មានទិន្នន័យច្បាស់ការនៅឡើយ។

Hogan emphasizes boosters to protect against COVID-19 omicron variant
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលគ្នានេះ មន្ត្រីជាន់ខ្ពស់ក្រសួងសុខាភិបាលអ៊ីស្រាអែលបានអះអាងថា អ្នកចាក់វ៉ាក់សាំងដូសជំរុញរួចរាល់ នឹងទទួលបានការពារពីវីរុសបំប្លែង អូមីក្រុង។

រដ្ឋមន្ត្រីក្រសួងសុខាភិបាល អ៊ីស្រាអែល លោក Nitzan Horowitz ថ្លែងថា មនុស្សដែលបានចាក់វ៉ាក់សាំងដូសទី៣ ឬដូសជំរុញ បាន៦ខែ រាងកាយពួកគេនឹងត្រូវបានការពារប្រឆាំងនឹងវីរុសបំប្លែងខ្លួន អូមីក្រុង។ មិនតែប៉ុណ្ណោះ សូម្បីអ្នកដែលបានចាក់វ៉ាក់សាំងតែពីរដូស ក៏​ទទួលបាន​ការពារ​ពី​វីរុសបំប្លែងខ្លួន អូមីក្រុង បានដែរ។ នេះ​បើយោងតាមស្ថានភាពជាក់ស្ដែងរបស់អ្នកជំងឺ អូមីក្រុង ដែលកំពុងសម្រាកព្យាបាលនៅមន្ទីរពេទ្យ ក្នុងប្រទេសអ៊ីស្រាអែល ខណៈទិន្នន័យផ្លូវការ ត្រូវរង់ចាំប៉ុន្មានសប្ដាហ៍ទៀត។

Health minister announces removal of all blood donation restrictions for  gay men | The Times of Israel

ស្របពេលជាមួយគ្នាដែរ បណ្ដាញសារព័ត៌មានអ៊ីស្រាអែល បានបញ្ចេញរបាយការណ៍ស្ដីពីសមត្ថភាពរបស់វ៉ាក់សាំង Pfizer ប្រឆាំងនឹង អូមីក្រុង ដែលវាមានប្រសិទ្ធភាព ៩០ភាគរយក្នុងការការពារវីរុសបំប្លែងខ្លួនថ្មីនេះ ខណៈអ្នកដែលមិនបានចាក់វ៉ាក់សាំងដូសជំរុញ អាចមានឱកាសវិវត្តទៅជារោគសញ្ញាធ្ងន់ធ្ងរខ្លាំងជាងអ្នកបានដែលបានចាក់រហូតដល់ ២.៤ ដង។ របាយការណ៍កត់សម្គាល់ថា វ៉ាក់សាំង Pfizer មានប្រសិទ្ធភាព ៩៣ ភាគរយក្នុងការការពារអាការធ្ងន់ធ្ងរក្នុងចំណោមអ្នកដែលត្រូវបានចាក់វ៉ាក់សាំងពេញលេញ ឬអ្នកទទួលបានដូសជំរុញរួចរាល់។

ដូចគ្នាដែរ វ៉ាក់សាំងដទៃៗទៀត ក៏មានសមត្ថភាពការពារវីរុសបំប្លែងខ្លួនផ្សេងៗ រួមទាំងវីរុសបំប្លែងខ្លួន អូមីក្រុង គ្រាន់តែពេលនេះ មិនទាន់ប្រមូលបានទិន្នន័យពេញលេញប៉ុណ្ណោះ។

China's Covid-19 vaccines reach final stage of WHO approval process | South  China Morning Post

ដោយឡែក យោងតាមរបាយការណ៍ ពីអាហ្វ្រិកខាងត្បូង សមត្ថភាពរបស់ អូមីក្រុង ក្នុងការចម្លងពីមនុស្សម្នាក់ទៅមនុស្សម្នាក់មានហានិភ័យ ១.៣ ដងខ្ពស់ជាងវីរុសបំប្លែងខ្លួន ដែលតា ប៉ុន្តែរោគសញ្ញារបស់វាមិនសូវធ្ងន់ធ្ងរនោះទេ។

ទោះយ៉ាងណា លោក Nitzan Horowitz និយាយថា វ៉ាក់សាំងពិតជាមានសារៈសំខាន់ណាស់ កំលុងពេលនេះ។ អ្នក​ណា​ដែល​ប៉ះពាល់​នឹងវីរុសបំប្លែងខ្លួន ​ដោយ​មិន​មាន​វ៉ាក់សាំង ​នឹង​ប្រឈម​ហានិភ័យ​ខ្លាំងបំផុត៕

ប្រែសម្រួល៖ សន្យា

ប្រភព៖ Daily ​Mail

ចុចអាន៖ ៦ខែទៀត Omicron នឹងគ្របដណ្តប់ពិភពលោក

ចុចអាន៖ WHO ប្រាប់ កុំទាន់ស្លន់ស្លោ ជាមួយ Omicron

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៤ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម