ព័ត៌មានអន្ដរជាតិ
រុស្ស៊ី បញ្ជាយន្តហោះ អ៊ីស្រាអែល ប្ដូរផ្លូវហោះហើរចៀសវាងប៉ះជាមួយ យន្តហោះចារកម្ម អាមេរិក (មានវីដេអូ)
ប្រភពមកពីទីភ្នាក់ងារគ្រប់គ្រងចរាចរណ៍ផ្លូវអាកាសរុស្ស៊ីបានប្រាប់សារព័ត៌មាន Interfax របស់ទីក្រុងម៉ូស្គូថា យន្តហោះដឹកអ្នកដំណើរមួយគ្រឿងដែលហោះហើរពីទីក្រុង Tel Aviv របស់អ៊ីស្រាអែលទៅ កាន់ទីក្រុងម៉ូស្គូ ត្រូវបង្ខំឲ្យផ្លាស់ប្តូររយៈកម្ពស់ហោះហើរនៅ លើសមុទ្រខ្មៅ ដើម្បីចៀសវាងការប៉ះទង្គិចជាមួយយន្តហោះចារកម្មអាមេរិក ។
យោងតាមទីភ្នាក់ងារនេះបានឲ្យដឹងថា យន្តហោះឈ្លបយកការណ៍របស់អាមេរិកដែលស្ថិតក្នុងភាពអាសន្នកំពុងឆ្លងកាត់ផ្លូវអាកាសចរណ៍ស៊ីវិលនៅ ក្នុងតំបន់កាលពីថ្ងៃសុក្រ ហើយស្ថិតនៅ ជិតយន្តហោះប្រភេទ Airbus ក្នុងចម្ងាយដ៏គ្រោះថ្នាក់ ។
ទីភ្នាក់ងារបានឲ្យដឹងទៀតថា ចំណុចខ្លះយន្តហោះស្ថិតនៅ ចម្ងាយមានតិចជាង ២០ ម៉ែត្រប៉ុណ្ណោះរវាងយន្តហោះទាំង ២ ។ ស្របពេលជាមួយគ្នានេះ ការគ្រប់គ្រងចរាចរណ៍តាមអាកាស តាមសេចក្តីរាយការណ៍បានបញ្ជាឲ្យយន្តហោះស៊ីវិលចុះពីចម្ងាយ ៥០០ ម៉ែត្រ និងឈានដល់កម្រិតហោះហើរប្រកបដោយសុវត្ថិភាព ។
ទន្ទឹមនោះ ទីភ្នាក់ងារដឹកជញ្ជូនផ្លូវអាកាសសហព័ន្ធរបស់រុស្ស៊ីបានបដិសេធមិនធ្វើអត្ថាធិប្បាយលើឧប្បត្តិហេតុនេះនោះទេ នៅ ពេលដែលមានការទាក់ទងទៅ ដោយប្រព័ន្ធផ្សព្វផ្សាយ ។ ឧបទ្ទវហេតុនេះទំនងជាបណ្តាលមកពីយន្តហោះចារកម្មអាមេរិកមួយគ្រឿងក្នុងចំណោមយន្តហោះស៊ើបការណ៍ ២ គ្រឿងដែលត្រូវបានគេប្រទះឃើញនៅ ជិតព្រំដែនរុស្ស៊ីនាថ្ងៃនោះ ។
បន្ថែមពីនេះ យន្តហោះចម្បាំងរុស្ស៊ី Su-27 និង Su-30 ក៏បានចូលរួមដើម្បីនាំពួកយន្តហោះទាំងនោះឲ្យចេញឆ្ងាយពីដែនអាកាសរបស់ប្រទេសផងដែរ ។ យោងតាមក្រសួងការពារជាតិរុស្ស៊ី បានឲ្យដឹងថា យន្តហោះរបស់អាមេរិក ត្រូវបានកំណត់ថាជាយន្តហោះប្រភេទ Boeing RC-135V Rivet Joint និង Bombardier CL-600 Artemis ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ ២ ថ្ងៃទៀត បៃដិន និង ពូទីន ជួបពិភាក្សាគ្នា ផ្ដោតសំខាន់លើសកម្មភាពយោធា អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង