Connect with us

ព័ត៌មានអន្ដរជាតិ

រកឃើញអ្នកស្លាប់កើនដល់ ៣៤នាក់ ក្រោយផ្ទុះភ្នំភ្លើងឥណ្ឌូណេស៊ី (មានវីដេអូ)

បានផុស

នៅ

ចំនួនអ្នកស្លាប់ដោយសារការផ្ទុះភ្នំភ្លើង Semeru ក្នុងប្រទេសឥណ្ឌូណេស៊ី បានកើនឡើងដល់ ៣៤ នាក់ហើយខណៈ១៧​នាក់​ទៀត​នៅ​បាត់​ខ្លួន។ នេះបើយោងតាមរបាយការណ៍ចុងក្រោយពីទីភ្នាក់ងារគ្រោះមហន្តរាយរបស់ប្រទេសនេះ កាលពីថ្ងៃទី ៧ ខែធ្នូ។

លោក Abdul Muhari អ្នកនាំពាក្យទីភ្នាក់ងារកាត់បន្ថយគ្រោះមហន្តរាយបាននិយាយថា គ្រោះមហន្តរាយនេះ ក៏បានបង្ខំឲ្យមនុស្សជិត៣,៧០០នាក់ត្រូវជម្លៀសចេញ ហើយបានបំផ្លាញផ្ទះជិត ៣,០០០ខ្នងនិងសាលារៀនចំនួន៣៨ផងដែរ។

ផេះ​ហុយ​ចេញ​ពី​ភ្នំភ្លើង បាន​គ្រប​ដណ្តប់​លើ​ស្រុក Lumajang នៅ​ក្នុងខេត្ត​ជ្វា​ខាង​កើត ដែល​បណ្ដាល​ឲ្យ​មាន​ការ​បំពុល​បរិយាកាស​យ៉ាង​ធ្ងន់ធ្ងរ។ អ្នកស្រុកត្រូវបានគេណែនាំឲ្យនៅរង្វង់ចម្ងាយ ៥គីឡូម៉ែត្រពីភ្នំភ្លើង។

ការងារ​ជួយ​សង្គ្រោះ​ត្រូវ​បាន​ធ្វើ​ឡើងទាំង​លំបាក ​ដោយសារ​លំហូរ​ទឹក​និង​ភ្លៀងដែលមានសារធាតុមិនល្អពីភ្នំភ្លើង។

គួរបញ្ជាក់ថា ភ្នំភ្លើង Semeru កម្ពស់ ៣,៦០០ ម៉ែត្រ ស្ថិតក្នុងចំណោមភ្នំភ្លើងសកម្មជិត ១៣០ នៅក្នុងប្រទេសឥណ្ឌូនេស៊ី។ ពីមុន​ ​វា​បាន​ផ្ទុះ​ឡើង​ក្នុង​ខែ​មករា ដោយបង្ខំ​ឲ្យមនុស្ស​រាប់​ពាន់​នាក់​ត្រូវ​ភៀស​ខ្លួន ប៉ុន្តែ​មិន​បណ្តាល​ឲ្យ​មាន​អ្នកស្លាប់ឬ​រង​របួសទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ VN Plus

ចុចអាន៖ មកមើលវីដេអូ និងរូបភាពរន្ធត់ពីការផ្ទុះភ្នំភ្លើងនៅ ឥណ្ឌូណេស៊ី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម