ព័ត៌មានអន្ដរជាតិ

វីរុសថ្មី Omicron រាលដាលដល់៥៧ប្រទេសហើយ

បានផុស

៥ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

អង្គការសុខភាពពិភពលោក (WHO) បាននិយាយនៅថ្ងៃពុធម្សិលមិញថា វីរុសកូវីដ-១៩បំប្លែងខ្លួនថ្មី Omicron ត្រូវបានរកឃើញដល់ប្រទេសចំនួន៥៧ក្នុងពិភពលោក ហើយចំនួនអ្នកជំងឺទំនងជាកើនឡើងក្នុងការចូលមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការសុខភាពពិភពលោក នៅក្នុងរបាយការណ៍ជំងឺឆ្លងរាតត្បាតប្រចាំសប្តាហ៍របស់ខ្លួនបាននិយាយថា ត្រូវការទិន្នន័យច្រើនបន្ថែមទៀតដើម្បីវាយតម្លៃពីអាការឈឺធ្ងន់ធ្ងរនៃជំងឺដែលបង្កដោយវីរុស Omicron និងថាតើការផ្លាស់ប្តូររបស់វីរុសនេះអាចធ្វើឲ្យកាត់បន្ថយប្រសិទ្ធភាពការពារប្រព័ន្ធភាពស៊ាំរបស់វ៉ាក់សាំងឬយ៉ាងណា។

របាយការណ៍របស់ WHO បានលើកឡើងថា ៖«បើទោះជាការឈឺធ្ងន់ធ្ងរស្មើគ្នា ឬមានសក្តានុពលទាបជាងវីរុស Delta ក៏វីរុស Omicron ត្រូវបានគេគិតថា ការចូលមន្ទីរពេទ្យនឹងកើនឡើង ប្រសិនបើមនុស្សឆ្លងកាន់តែច្រើន ប៉ុន្តែនឹងមានពេលយឹតយាវរវាងការកើនឡើងនៃករណីឆ្លង និងករណីស្លាប់»។

កាលពីថ្ងៃទី២៦ ខែវិច្ឆិកា WHO បានប្រកាសពី Omicron ដែលរកឃើញដំបូងនៅអាហ្វ្រិកខាងត្បូងជាវីរុសនៃក្តីកង្វល់មួយ។ វាជាវីរុសទី៥របស់មេរោគកូវីដ SARS-CoV-2។

របាយការណ៍បង្ហាញថា ចំនួនឆ្លងកូវីដ-១៩នៅអាហ្វ្រិកខាងត្បូងបានកើនឡើងទ្វេដងនៅសប្តាហ៍ត្រឹមថ្ងៃទី៥ ខែធ្នូរហូតដល់ជាង ៦២០០០នាក់ និងឆ្លងច្រើនបំផុតនៅប្រទេស អេសវ៉ាទីនី ហ្ស៊ីមបាវ៉េ ម៉ូសំប៊ិក ណាមីប៊ី និង ឡេសូតូ។

យោងទៅលើហានិភ័យនៃការឆ្លងឡើងវិញ WHO បាននិយាយថា ៖«ការវិភាគបឋមបង្ហាញថា ការផ្លាស់ប្តូររូបរាងវីរុស Omicron ប្រហែលជាអាចកាត់បន្ថយសកម្មភាពអង់ទីគ័រដែលបណ្តាលឲ្យថយចុះប្រសិទ្ធភាពការពាររបស់ប្រព័ន្ធភាពស៊ាំ»៕

ប្រែសម្រួល៖ វីរបុត្រ
ប្រភព៖ reuters