ព័ត៌មានអន្ដរជាតិ
៥ខែទៀត Omicron អាចសម្លាប់ប្រជាជនអង់គ្លេស ដល់ទៅ ៧៥,០០០ នាក់ (មានវីដេអូ)
វីរុសបំប្លែងខ្លួន Omicron អាចបណ្តាលឲ្យមានមនុស្សស្លាប់ ចន្លោះពី ២៥,០០០នាក់ ទៅ ៧៥,០០០ នាក់ក្នុងប្រទេសអង់គ្លេស នារយៈពេល៥ខែទៀត ប្រសិនបើគ្មានវិធានការបន្ថែមណាមួយត្រូវបានធ្វើឡើងលើសពីផែនការ B ទេនោះ។
គំរូថ្មីពីសាលាអនាម័យ និងវេជ្ជសាស្ត្រត្រូពិចទីក្រុងឡុងដ៍ (LSHTM) បានប្រើទិន្នន័យពិសោធន៍ដើម្បីពិនិត្យមើលថាតើ វីរុសបំប្លែងខ្លួន Omicron អាចរីករាលដាលបែបណា នៅពេលប្រទេសឈានចូលដល់ឆ្នាំ២០២២។
ការសិក្សាបានបង្ហាញថា វីរុស Omicron អាចបង្កឲ្យមានករណីកូវីដ និងការចូលសម្រាកព្យាបាលក្នុងមន្ទីរពេទ្យនៅប្រទេសអង់គ្លេស ច្រើនជាងក្នុងអំឡុងរលកនៃខែមករាឆ្នាំ២០២១ ប្រសិនបើវិធានការត្រួតពិនិត្យបន្ថែមមិនត្រូវបានធ្វើឡើងទេនោះ។
នៅក្រោមសេណារីយ៉ូមួយ វីរុសនេះអាចនាំទៅដល់ការចូលព្យាបាលនៅមន្ទីរពេទ្យក្នុងកម្រិតខ្ពស់បំផុតពោលគឺច្រើនជាង២,០០០នាក់ក្នុងមួយថ្ងៃ ខណៈការសម្រាកនៅមន្ទីរពេទ្យនឹងឈានដល់១៧៥,០០០នាក់ និងការស្លាប់ចំនួន២៤,៧០០នាក់នៅចន្លោះថ្ងៃទី១ខែធ្នូឆ្នាំ២០២១ ដល់ថ្ងៃទី៣០ខែមេសាឆ្នាំ២០២២។
អ្នកជំនាញនិយាយថា វិធានការដូចជាការរឹតបន្តឹងលើបដិសណ្ឋារកិច្ចក្នុងផ្ទះ ការបិទកន្លែងកម្សាន្តមួយចំនួន និងការកំណត់លើទំហំប្រមូលផ្តុំចាប់ពីដើមឆ្នាំក្រោយ នឹងគ្រប់គ្រាន់ដើម្បីគ្រប់គ្រងរលកនេះ ដោយកាត់បន្ថយការសម្រាកព្យាបាលនៅមន្ទីរពេទ្យបានចំនួន៥៣,០០០នាក់ និងការស្លាប់បាន៧,៦០០នាក់។
នៅក្រោមសេណារីយ៉ូអាក្រក់បំផុត ប្រសិនបើគ្មានវិធានការត្រួតពិនិត្យបន្ថែមទេនោះ អាចនឹងមានការសម្រាកព្យាបាលនៅមន្ទីរពេទ្យចំនួន៤៩២,០០០នាក់និងមនុស្សស្លាប់៧៤,៨០០នាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Sky
ចុចអាន៖ ទីបំផុត សិង្ហបុរី មានអ្នកឆ្លង Omicron ក្នុងសហគមន៍ហើយ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត