ព័ត៌មានអន្ដរជាតិ
តៃវ៉ាន់ពិន័យពលករបរទេសម្នាក់ រាប់ពាន់ដុល្លារ ក្រោយចេញពីបន្ទប់ធ្វើចត្តាឡីស័ក
អាជ្ញាធរសុខភាពសាធារណៈនៅទីក្រុង Kaohsiung របស់កោះតៃវ៉ាន់បានដាក់ពិន័យលើពលករបរទេសម្នាក់ដែលបានចាកចេញពីបន្ទប់សណ្ឋាគាររបស់គាត់រយៈពេល ៨ វិនាទី ក្នុងអំឡុងពេលធ្វើចត្តាឡីស័កជំងឺកូវីដ ១៩ ។
អាជ្ញាធរនិយាយថា ពលករមកពីប្រទេសហ្វីលីពីនរូបនេះបានចាកចេញពីបន្ទប់សណ្ឋាគាររបស់គាត់ដោយគ្មានការអនុញ្ញាតនៅថ្ងៃទី ១៩ ខែវិច្ឆិកា ក្នុងអំឡុងពេលធ្វើចត្តាឡីស័ករយៈពេល ១៤ ថ្ងៃ ។ ពួកគេនិយាយថា គាត់បានដើរចេញទៅដើម្បីផ្តល់អ្វីមួយដល់មិត្តរបស់គាត់នៅបន្ទប់ជាប់គ្នា ។
រូបភាពកាមេរ៉ាសុវត្ថិភាពបង្ហាញថា បុរសនោះស្ថិតនៅលើផ្លូវដើរនៃសណ្ឋាគាររយៈពេល ៨ វិនាទី ។ មន្ត្រីសុខាភិបាលសាធារណៈនិយាយថា គាត់ដឹងថា គាត់មិនត្រូវបានអនុញ្ញាតឲ្យចាកចេញទេ ។ ពួកគេបានពិន័យគាត់ ១០ ម៉ឺនដុល្លារតៃវ៉ាន់ ឬប្រហែល ៣,៦០០ ដុល្លារ ។
កោះតៃវ៉ាន់ដាក់ការធ្វើចត្តាឡីស័ករយៈពេល ១៤ ថ្ងៃលើអ្នកដំណើរពីបរទេសរួមទាំងពលរដ្ឋរបស់ខ្លួនផងដែរ ហើយការផាកពិន័យត្រូវបានដាក់ទៅលើមនុស្សដែលបានរំលោភច្បាប់ធ្វើចត្តាឡីស័កនៅក្នុងទីក្រុង Kaohsiung ដែលមានករណីឆ្លង ១៩ ករណីចាប់តាំងពីខែមុន ។
អាជ្ញាធរតៃវ៉ាន់និយាយថាមិនមានករណីឆ្លងក្នុងស្រុកថ្មីត្រូវបានបញ្ជាក់អស់រយៈពេលជិត ៨ ខែមកហើយ ប៉ុន្តែករណីឆ្លងថ្មីក្នុងចំណោមអ្នកដំណើរមកពីបរទេសកំពុងតែកើនឡើងខ្លាំង ។
គួរបញ្ជាក់ថា គិតត្រឹមពេលនេះកោះតៃវ៉ាន់មានករណីឆ្លងជំងឺកូវីដ ១៩ ចំនួន ៧១៦ ករណី និងមានអ្នកស្លាប់ ៧ នាក់ ខណៈមានជាសះស្បើយចំនួន ៥៧៤ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)