Connect with us

ព័ត៌មានអន្ដរជាតិ

ប្រជាជនឥណ្ឌា រាប់លាននាក់ ចូលរួមពិធីសាសនានៅទន្លេ គង្គា ខណៈ អូមីក្រុង កំពុងវាយលុក

បានផុស

នៅ

កាលពីថ្ងៃព្រហស្បតិ៍ទី១៤ខែមករា ជនជាតិឥណ្ឌារាប់លាននាក់ បានប្រមូលផ្តុំគ្នាលើកោះមួយនៅទន្លេ គង្គា សម្រាប់ពិធីបុណ្យសាសនាដ៏ធំ ស្របពេលករណីឆ្លងជំងឺកូវីដ១៩ កំពុងកើនឡើងទូទាំងប្រទេស ដែលជាហេតុជំរុញឲ្យមានការព្រួយបារម្ភអំពីការឆ្លងរីករាលដាល។

ក្រុមមន្ត្រីរំពឹងថា មនុស្សចំនួន៣លាននាក់ នឹងធ្វើពិធីជ្រមុជទឹកក្នុងទន្លេដ៏បរិសុទ្ធនៅថ្ងៃសុក្រនេះ ដែលជាថ្ងៃសំខាន់បំផុតនៃពិធីបុណ្យ Gangasagar Mela ប្រចាំឆ្នាំ។

គួររម្លឹកឡើងវិញថា ពិធីបុណ្យ Kumbh Mela កាលពីខែមេសាឆ្នាំមុន ដែលជាពិធីបុណ្យសាសនាដ៏ធំស្រដៀងគ្នានេះ ត្រូវបានគេស្តីបន្ទោសថាជាផ្នែកមួយនៃការកើនឡើងករណីឆ្លងកូវីដ ដែលបានសម្លាប់មនុស្សប្រមាណ២០ម៉ឺននាក់ ថ្វីបើអ្នកជំនាញមួយចំនួនជឿថា ចំនួនពិតប្រាកដ ខ្ពស់ជាងនេះក៏ដោយ។

ថ្វីបើចំនួនករណីឆ្លងមេរោគកូវីដ១៩បានហក់ឡើងជាថ្មីម្តងទៀតក៏ដោយ ប៉ុន្តែតុលាការក្រុង Kolkata បានសម្រេចកាលពីសប្តាហ៍មុនថា ពិធីបុណ្យ Gangasagar Mela ដែលធ្វើឡើងនៅលើកោះ Sagar មាត់ទន្លេ Ganges ក្នុងរដ្ឋ West Bengal អាចដំណើរការទៅមុខបាន។

យ៉ាងណាក្តី រដ្ឋាភិបាលរដ្ឋកាលពីថ្ងៃព្រហស្បតិ៍ បានអំពាវនាវដល់ប្រជាជនឲ្យធ្វើតេស្តរកកូវីដជាមុនសិន ខណៈនាយករដ្ឋមន្រ្តីរដ្ឋ West Bengal លោក Mamata Banerjee បានជំរុញឲ្យអ្នកកាន់សាសនាត្រូវពាក់ម៉ាសពីរជាន់ហើយកុំខាកស្តោះនៅលើកោះ។

ដូចទៅនឹងពិធីបុណ្យ Kumbh Mela ឆ្នាំ២០២១ដែរ ពិធីបុណ្យសប្តាហ៍នេះ កំពុងទាក់ទាញមនុស្សមកពីទូទាំងភាគខាងជើងប្រទេសឥណ្ឌា ធ្វើឲ្យគេភ័យខ្លាចថា ការធ្វើដំណើររបស់ពួកគេដូចជាជិះរថភ្លើង ឡានក្រុង និងទូកទៅកាន់កោះ និងត្រឡប់ទៅផ្ទះវិញ អាចនាំវីរុសបំប្លែងខ្លួន អូមីក្រុង ទៅជាមួយ។

ស្របពេលជាមួយគ្នានោះ​ Amitava Nandy អ្នកឯកទេសខាងមេរោគមកពីសាលាឱសថត្រូពិកក្នុងទីក្រុង Kolkata បាននិយាយថា រដ្ឋាភិបាលមិនមានគ្រឿងបរិក្ខារ និងបុគ្គលិកគ្រប់គ្រាន់ ដើម្បីធ្វើតេស្តមនុស្សគ្រប់គ្នាដែលចូលរួម ឬដាក់បទដ្ឋានគម្លាតសង្គមនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nandy បានប្រាប់ AFP ថា “ស្ថានភាពដូចជាការរត់ជាន់គ្នាអាចកើតឡើង​ ប្រសិនបើប៉ូលិសព្យាយាមអនុវត្តវិធានការគម្លាតសង្គមនៅលើច្រាំងទន្លេ”។

អ្នកកាន់សាសនាឈ្មោះ Sarbananda Mishra អាយុ៥៦ឆ្នាំ មកពីរដ្ឋជិតខាង Bihar បានប្រាប់ AFP ថា “ជំនឿលើព្រះនឹងយកឈ្នះលើការភ័យខ្លាចកូវីដ។ ការងូតទឹកនឹងសម្អាតពួកគេពីអំពើបាបទាំងអស់ ហើយនាំមកនូវសេចក្តីសង្គ្រោះ។ ការស្លាប់គឺជាសេចក្តីពិតចុងក្រោយ តើការរស់នៅជាមួយនឹងសេចក្តីភ័យខ្លាចជាអ្វី?”៕

ប្រែសម្រួល៖ Vann Vann

ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានជាតិ១៦ នាទី មុន

កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក

ព័ត៌មានជាតិ១៩ នាទី មុន

សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក

ព័ត៌មានជាតិ២០ នាទី មុន

សិក្ខាកាមយោធាកម្ពុជា៣រូប នឹងចេញទៅបន្តការសិក្សានៅបណ្ឌិតសភាការពារជាតិជប៉ុន

ព័ត៌មានជាតិ៥០ នាទី មុន

ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការ​យកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម