Connect with us

ព័ត៌មានអន្ដរជាតិ

បែក​ធ្លាយ​នាយក​រដ្ឋ​មន្ត្រី​អង់គ្លេស​ Boris​ ជប់​លៀង​ខួបកំណើត​ក្នុង​ពេល​បំរាម​កូវីដ

បានផុស

នៅ

នាយករដ្ឋមន្ត្រីអង់គ្លេស លោក Boris Johnson បានរៀបចំពិធីជប់លៀងខួបកំណើតកំឡុងពេលបំរាមបិទខ្ទប់កូវីដ-១៩លើកទី១ក្នុងខែមិថុនា ឆ្នាំ២០២០ ជាពេលដែលការជួបជុំសង្គមទាំងក្នុង និងក្រៅត្រូវបានហាម។ នេះបើយោងតាមការផ្សាយរបស់ទីភ្នាក់ងារសារព័ត៌មាន ITV កាលពីថ្ងៃចន្ទ ទី២៤ ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះបានក្លាយជាសម្ពាធបន្ថែមទៀតលើលោក Johnson បន្ទាប់ពី​មាន​រឿងជួបជុំជប់លៀងនៅសួនច្បារ 10 Downing Street ឯនិវេសនដ្ឋានរបស់លោកត្រូវបានគេចោទពីបទបំពានច្បាប់កូវីដចេញដោយរដ្ឋាភិបាលរបស់លោក។

លោក Boris Johnson និង​ភរិយា

ការិយាល័យរបស់លោកបានបដិសេធ និងបានអះអាងថា មិនមែនជាពិធីជប់លៀងទេ។ ការិយាល័យបានប្រាប់ ITV ថា ៖«បុគ្គលិកមួយក្រុមដែលធ្វើការនៅបន្ទប់ No 10 នោះគឺជាថ្ងៃជួបជុំគ្នាខ្លីក្នុងបន្ទប់ខុទ្ធកាល័យ​ បន្ទាប់ពីជួបគ្នាដើម្បីជូនពរថ្ងៃកំណើតលោកនាយករដ្ឋមន្ត្រី។

ការិយាល័យនិយាយថា ៖«លោកនៅទីនោះមិនដល់១០នាទីផង»។

ទីភ្នាក់ងារសារព័ត៌មាន ITV បានផ្សាយថា ភរិយារបស់លោកនាយករដ្ឋមន្ត្រីគឺលោកស្រី Carrie Johnson បានជួយរៀបចំពិធីជប់លៀងនារសៀលថ្ងៃទី១៩ ខែមិថុនា។ មនុស្សប្រហែលជា៣០នាក់បានចូលរួមក្នុងព្រឹត្តិការណ៍ នៅបន្ទប់លេខ១០របសខុទ្ទកាល័យ​ ការិយាល័យ និងនិវេសនដ្ឋានរបស់លោក។

លោកនាយករដ្ឋមន្ត្រីត្រូវបានគេជឿថា ត្រូវបានគេជូននំខួបកំណើត ស្របពេលភរិយារបស់លោកបាននាំគ្នាច្រៀងបន្ទរពីបទជូនពរថ្ងៃខួបកំណើត។

ការផ្សាយនោះបានបន្ថែមថា វត្តមានអ្នកចូលរួមមានទាំងអ្នកឌីហ្សាញផ្នែកក្នុងឈ្មោះ Lulu Lytle ដែលជាអ្នកកែច្នៃផ្ទះល្វែងរបស់លោក Johnson ក្នុងអគារនោះ។

ITV ក៏បាននិយាយថា ខ្លួនក៏បានយល់ដែរថា មិត្តភក្តិរបស់ក្រុមគ្រួសារលោក​ត្រូវបានអញ្ជើញឲ្យចូលរួមនៅនិវេសនដ្ឋានរបស់លោកនាយករដ្ឋមន្ត្រី។

ទោះបីជាយ៉ាងណា ការិយាល័យរបស់លោកបានបដិសេធ។ អ្នកនាំពាក្យម្នាក់បានប្រាប់ ITV ថា ៖«នោះមិនមែនជាការពិតទាល់តែសោះ។ ស្របតាមច្បាប់នៅពេលនោះ លោកនាយករដ្ឋមន្ត្រីបានទទួលសមាជិកគ្រួសារមួយចំនួនតូចនៅខាងក្រៅនាល្ងាចនោះ»។

ការចោទប្រកាន់រៀបចំពិធីជប់លៀងខួបកំណើតបានបន្ថែមលើរឿងអាស្រូវរបស់លោក Johnson។ មន្ត្រីការិយាល័យជាន់ខ្ពស់ លោក Sue Gray បានកំពុងស៊ើបអង្កេតពីការជួបជុំ និងត្រូវបានគេរំពឹងថា នឹងចេញរបាយការណ៍នាចុងសប្តាហ៍នេះ។

លោក Johnson បានពន្យល់ផ្សេងៗគ្នាអំពីពិធីជប់លៀងមុនដែលត្រូវបានរាយការណ៍។ លោកបាននិយាយថា មិនមានច្បាប់ណាដែលត្រូវបានបំពានទេ ប៉ុន្តែក្រោយមកលោកបានធ្វើការសុំទោសជាសាធារណៈដល់ពលរដ្ឋអង់គ្លេសសម្រាប់ការលាក់ពុតជាក់ស្តែងដូចជាការជួបជុំជាដើម។

មេដឹកនាំបក្សប្រឆាំង លោក Keir Starmer បាននិយាយអំពីពិធីជប់លៀងខួបកំណើតថា ៖«នេះជាភស្តុតាងបន្ថែមទៀតដែលយើងជឿជាក់ថា លោកនាយករដ្ឋមន្ត្រីមិនគោរពច្បាប់ដែលលោកជាអ្នក​ចេញ»។

«យើងមិនអាចទ្រាំបន្តជាមួយរដ្ឋាភិបាល​ច្របូកច្របល់ និងមិនយល់ការណ៍នេះបានទេ។ លោកនាយករដ្ឋមន្ត្រីគឺជាអ្នករំខានជាតិ ហើយលោកត្រូវតែទៅ»៕

ប្រែសម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ឧបនាយករដ្ឋមន្ត្រី ប្រាក់ សុខុន និង​ភ្ញៀវ​អន្តរជាតិ គោរព​វិញ្ញាណ​ក្ខ​ន្ធ​អ្នកថែរក្សា​សន្តិភាព​អង្គការសហប្រជាជាតិ​

នយោបាយ១៨ នាទី មុន

ព្រះអង្គម្ចាស់ នរោត្តម ចក្រាវុធ យាង​ដឹកនាំ​ហែ​ក្បួន​ឃោសនា​នៅ​ខេត្តកំពង់ធំ និង​សៀមរាប​

ជីវិតកម្សាន្ដ៤៤ នាទី មុន

ឈុតផឹកតែពីចានទម្រពែងរបស់តួ Gangubai បង្ហាញពីវប្បធម៌ដ៏ជូរចត់មួយរបស់ឥណ្ឌា

ព័ត៌មានជាតិ២ ម៉ោង មុន

ឧ​ត្ត​ម​សេនីយ៍ រ័ត្ន ស្រ៊ាង ដាក់​បញ្ជា​ឲ្យ​នាយទាហាន​ក្រោម​ឳ​វាទ ខិតខំ​ការពារ​សន្តិសុខ សុវត្ថិភាព និង​រក្សា​សណ្តាប់ធ្នាប់ ក្នុងអំឡុង​ឃោសនា​នេះ

ព័ត៌មានជាតិ២ ម៉ោង មុន

មន្ទីរ​សាធារណការ រាជធានី​ភ្នំពេញ ជួសជុល​ផ្លូវ​ ជង្ហុក​សំបុកមាន់ នៅ​មហាវិថី​កម្ពុជា​ក្រោម ដើម្បី​សម្រួល​ចរាចរណ៍​ជូន​ប្រជាពលរដ្ឋ​

Sokha Hotels

ព័ត៌មានពេញនិយម