បារាំង ហាមអ្នកមិនចាក់វ៉ាក់សាំងកូវីដចូលទីតាំង ៤ កន្លែង

អ្នកដែលមិនបានចាក់វ៉ាក់សាំងប្រឆាំងនឹងជំងឺកូវីដ ១៩ មិនត្រូវបានអនុញ្ញាតឲ្យចូលក្នុងភោជនីយដ្ឋាន បារ កន្លែងទេសចរណ៍ និងទីតាំងកីឡារបស់ប្រទេសបារាំងនោះទេ លុះត្រាតែពួកគេទើបតែជាសះស្បើយពីវីរុសនេះ ។

ច្បាប់ថ្មីនេះបានចូលជាធរមានកាលពីថ្ងៃចន្ទដែលតម្រូវឲ្យអ្នកដែលមានអាយុចាប់ពី ១៦ ឆ្នាំឡើងទៅបង្ហាញ “ប័ណ្ណចាក់វ៉ាក់សាំង” ដើម្បីចូលទៅក្នុងទីតាំងទាំងនោះ ហើយវាក៏ជាយុទ្ធសាស្រ្តប្រឆាំងមេរោគរបស់រដ្ឋាភិបាលផងដែរ ។

ទន្ទឹមនោះ អ្នកមិនចាក់វ៉ាក់សាំងការពារកូវីដ ហើយធ្វើតេស្តអវិជ្ជមានក៏ដោយក៏ត្រូវបានបដិសេធមិនឲ្យចូលទីតាំងទាំងនោះផងដែរ ។

បច្ចុប្បន្នប្រទេសបារាំងកំពុងកត់ត្រាចំនួនអ្នកឆ្លងកូវីដប្រចាំថ្ងៃខ្ពស់បំផុតមិនធ្លាប់មានរបស់អឺរ៉ុប ហើយមន្ទីរពេទ្យកំពុងពោរពេញទៅដោយអ្នកជំងឺឆ្លង ទោះបីជាចំនួនអ្នកជំងឺនៅក្នុងបន្ទប់សង្គ្រោះបន្ទាន់ ICU បានធ្លាក់ចុះក្នុងរយៈពេលប៉ុន្មានថ្ងៃថ្មីៗនេះក៏ដោយ ។

ស្របពេលជាមួយគ្នានេះ រដ្ឋាភិបាលបារាំងក៏បានដាក់ការរឹតត្បិតមួយចំនួនផ្សេងទៀតផងដែរ ចំពេលមានការកើនឡើងនៃវីរុសបំប្លែងខ្លួនអូមីក្រុង ដោយជំរុញឲ្យប្រជាជនទៅចាក់វ៉ាក់សាំងការពារ ៕

ប្រែសម្រួលដោយ ៖ ជីវ័ន្ត

ប្រភព ៖ Newsy

ចុចអាន ៖ ប្រយ័ត្ន! អូមីក្រុង រស់នៅលើផ្ទៃប្លាស្ទិក និងស្បែកយូរជាង វីរុសបំប្លែងខ្លួន ទាំងអស់