ព័ត៌មានអន្ដរជាតិ

ប្រទេសដូមីនិកបញ្ចប់បំរាមកូវីដទាំងអស់ សូម្បីម៉ាស់ក៏លែងពាក់

បានផុស

៤ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

សាធារណៈរដ្ឋដូមីនិកបានបញ្ចប់បំរាមកូវីដ-១៩ទាំងអស់ហើយគិតត្រឹមថ្ងៃព្រហស្បតិ៍ម្សិលម្សិលមិញ សូម្បីការពាក់ម៉ាស់ក៏លែងប្រើ និងការត្រួតពិនិត្យវ៉ាក់សាំងនៅកន្លែងសាធារណៈក៏ឈប់ដែរ បើទោះជាគោលដៅចាក់វ៉ាក់សាំងដល់មនុស្សធំពេញវ័យឲ្យដល់៧០%របស់រដ្ឋាភិបាលមិនទាន់បានសម្រេច។

លោកប្រធានាធិបតី Luis Abinader បានប្រកាសនៅតាមបណ្តាញទំនាក់ទំនងសង្គម និងសារផ្សាយតាមទូរទស្សន៍កាលពីយប់ថ្ងៃពុធអំពីបញ្ចប់បំរាមនេះ។ លោកមានប្រសាសន៍ថា ៖«វាដល់ពេលផ្តល់សេរីភាព និងជម្រើសជីវិតធម្មតារបស់យើងវិញហើយ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសដែលមានព្រំដែនជាប់កោះ Hispaniola ជាមួយប្រទេសហៃទីបានបន្ធូរបំរាមកូវីដកាលពីខែកក្កដា ឆ្នាំមុននៅពេលអាជ្ញាធរបានបញ្ចប់បំរាមគោចរពេលយប់ដែលមានប្រសិទ្ធភាពតាំងពីខែមីនា ឆ្នាំ២០២០។

មុនពេលប្រកាសដំណឹងចុងក្រោយនេះ រដ្ឋាភិបាលបានទាមទារប្រជាជនពាក់ម៉ាស់នៅកន្លែងទីសាធារណៈ និងត្រួតពិនិត្យថាតើបានចាក់វ៉ាក់សាំងរួចហើយនៅមុនពេលចេញទីសាធារណៈ ការធ្វើដំណើរដោយមធ្យោបាយរបស់រដ្ឋ ឬចូលកន្លែងធ្វើការ ហាងជាដើម។

រដ្ឋមន្ត្រីក្រសួងសុខាភិបាល លោក Daniel Rivera បានប្រាប់អ្នកកាសែតកាលពីថ្ងៃព្រហស្បតិ៍ថា ការបញ្ចប់វិធានការត្រូវបានធ្វើឡើងដោយសារអត្រាឆ្លង និងស្លាប់ដោយកូវីដ-១៩បានធ្លាក់ចុះថេរ៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩